لاہور؛ بسنت کے لیے رجسٹریشن فیس کی تفصیلات جاری
اشاعت کی تاریخ: 14th, December 2025 GMT
لاہور:
ضلعی انتظامیہ نے ثقافتی میلے بسنت کے لیے رجسٹریشن فیس کی تفصیلات جاری کر دیں۔
تفصیلات کے مطابق ڈور اور پتنگ بنانے والے مینوفیکچررز کی رجسٹریشن فیس 1000 روپے مقرر کی گئی ہے۔
اس کے علاوہ، ڈور اور پتنگ فروخت کرنے والے ٹریڈرز اور دکاندار کی رجسٹریشن فیس بھی 1000 روپے مقرر کی گئی ہے جبکہ کائٹ فلائنگ ایسوسی ایشن کی فیس 5000 روپے مقرر کی گئی ہے۔
پتنگ سازوں اور ڈور بنانے والوں کی رجسٹریشن کا آغاز 20 دسمبر سے شروع ہونے کا امکان ہے۔
کائٹ فلائنگ ایسوسی ایشن کے مطابق پتنگ ڈور باغبانپورہ اور موچی گیٹ میں ہی فروخت ہو سکے گی جبکہ پتنگ سازوں اور ڈور بنانے والوں کی رجسٹریشن کے لیے فارم اے استعمال ہوگا۔
ضلعی انتظامیہ حکام کا کہنا ہے کہ کائٹ فلائنگ ایسوسی ایشن کی رجسٹریشن کے لیے فارم سی استعمال ہوگا۔
بسنت نائٹ اور ڈے 6، 7 اور 8 فروری کو ہوگی۔
.ذریعہ: Express News
کلیدی لفظ: رجسٹریشن فیس کی رجسٹریشن کے لیے
پڑھیں:
سیپاک ٹاکرا ایونٹ:سندھ وائٹس اور ویمینز میں سندھ کی فتح
data-id="863a0a8" data-element_type="widget" data-widget_type="theme-post-content.default">
کراچی ( اسپورٹس رپورٹر) 35ویں نیشنل گیمز کراچی میں سیپاک ٹاکرا مقابلوں میں جو کہ کے ایم سی اسپورٹس کمپلیکس کشمیر روڈ میں منعقد ہوئے مردوں کے مقابلوں میں سندھ وائٹس نے سندھ کو 17-14/ 15-7 اور 15-13 سے شکست دی جبکہ ویمینز ایونٹ میں سندھ نے سندھ وائٹس کو 15-9 اور 15-8 سے شکست دے کر فتح حاصل کی۔سندھ اولمپک ایسوسی ایشن کے سیکرٹری اور نیشنل گیمز کے آرگنائزنگ سیکرٹری احمد علی راجپوت مہمان خصوصی تھے انہوں نے جیتنے والی ٹیموں میں ٹرافی اور میڈل تقسیم کئے۔مردوں کی فاتح ٹیم سندھ وائٹس کے کپتان سرفراز رحمان،محمد فرحان ، فضیل شبیر ، نعمان عالم اور ذولفقار علی نے ایونٹ میں بہترین کھیل پیش کیا جبکہ خواتین کی فاتح ٹیم سندھ جو کہ مریم انور بٹ کپتان ،عروج ناز،مریم غوری،مدھا فاطمہ اور وریشہ خان پر مشتمل تھی نے عمدہ کارکردگی پیش کی۔پاکستان سیپاک ٹاکرا فیڈریشن کے سیکرٹری نوشاد احمد خان ،پنجاب سیپاک ٹاکرا ایسوسی ایشن کے صدر طارق خانزادہ ،اسسٹنٹ ڈائریکٹر پنجاب اسپورٹس بورڈ محمد مبشر ، خیبر پختونخوا سیپاک ٹاکرا ایسوسی ایشن کے سیکرٹری ذاکر اللہ خان ،بلوچستان سیپاک ٹاکرا ایسوسی ایشن کے سیکرٹری برکت علی نے بھی کھلاڑیوں کو میڈل پہنایا۔تقریب سے سندھ سیپاک ٹاکرا ایسوسی ایشن کے چیئرمین ڈاکٹر محمد عارف حفیظ ، صدر شبیر احمد ،نائب صدور دلیپ کمار، محمد سلیم ،طارق خانزادہ ،ذاکر اللّٰہ خان ،نیشنل گیمز کے میڈیا کوآرڈینیٹر قمر خان اور پاکستان سیپاک ٹاکرا فیڈریشن کے سیکرٹری نوشاد احمد خان نے بھی خطاب کیا۔مہمان خصوصی احمد علی راجپوت نے تقریب سے خطاب کرتے ہوئے کہا کہ سیپاک ٹاکرا کو فروغ دینے میں ہمارا ہر ممکن تعاون اور رہنمائی پاکستان سیپاک ٹاکرا کے ساتھ ہے میں نوشاد احمد ، شبیر احمد ،ڈاکٹر عارف حفیظ ،ریحانہ آصف اور انکی ٹیم کو مبارکباد پیش کرتا ہوں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر