بھارت پاکستانی قیادت والا دل گردہ کہاں سے لائے گا، صدر زرداری
اشاعت کی تاریخ: 27th, December 2025 GMT
صدر آصف زرداری نے مودی سرکار کو دو ٹوک پیغام دیتے ہوئے کہا کہ روٹی گولی کی بات کرنے والا یاد رکھے، گولیاں ہم ماریں گے، بھارت شکر منائے کہ فیلڈ مارشل اور ایئر چیف نے بھارت پر رحم کیا، ورنہ ان کے سارے جہاز گرا سکتے تھے، بھارت بڑی طاقت ہے لیکن پاکستان کے صدر، وزیراعظم، آرمی چیف اور ایئر چیف والا دل گردہ کہاں سے لائے گا۔
بےنظیر بھٹو شہید کی 18ویں برسی پر گڑھی خدا بخش میں جلسے سے خطاب کرتے ہوئے صدر زرداری نے کہا کہ مودی کو پتا چل گیا پاکستان مذاق نہیں، ہم اپنا دفاع کرنا جانتے ہیں، خود کو دنیا کی بڑی معیشت کہنے والے چار دن جنگ نہیں کر سکے۔
آصف زرداری نے کہا کہ پاکستان کھپے کا نعرہ بی بی کا ہی نعرہ تھا، آج کے دن پیپلز پارٹی نے پاکستان بچایا تھا، پاکستان قیامت تک چلتا رہے گا، کسی نے پاکستان کی طرف میلی آنکھ سے دیکھا تو یاد رکھے یہاں زرداری بیٹھا ہے، پاکستان کی طرف میلی آنکھ سے دیکھنے والا یاد رکھے یہاں پیپلز پارٹی اور جیالے موجود ہیں۔
صدر زرداری نے چین سے وہ طیارے منگوائے جس نے بھارت کے 6 جہاز گرا کر جنگ میں کامیابی حاصل کی، بلاول بھٹوگڑھی خدا بخش میں کارکنوں کے لیے20 ایکڑ پر مشتمل مرکزی پنڈال تیار کیا گیا ہے، برسی کے موقع پر سیکیورٹی کیلئے ساڑھے 8 ہزار پولیس اہلکار تعینات کیے گئے ہیں۔
صدر مملکت نے کہا کہ ہم نے ایسا چیف بنایا جس نے بھارت کو منہ توڑ جواب دیا، بھارت 4 دن تک اپنی ٹانگوں پر کھڑا نہ رہ سکا، اگر کسی نے پھر سے جنگ مسلط کی تو ہم تیار ہیں۔
آصف زرداری نے کہا کہ میرے ملٹری سیکریٹری نے کہا سر جنگ شروع ہوگئی ہے، بنکر میں چلیں، میں نے اپنے ملٹری سیکریٹری کو کہا ہم میدان میں مرتے ہیں، ہم تیار ہیں۔
صدر زرداری نے کہا کہ ہم لڑنا نہیں چاہتے لیکن جو بھی ہاتھ ہماری طرف بڑھے گا تو جواب دیں گے، کوئی ہماری طرف میلی آنکھ سے دیکھے گا تو یاد رکھے ہمارا چیف ان کو ناکوں چنے چبوا دے گا۔
انہوں نے یہ بھی کہا کہ ایک بیوقوف آدمی نے چار سال میں دنیا بھر سے ہمارے تعلقات خراب کیے۔
.
ذریعہ
ذریعہ: Jang News
کلیدی لفظ: زرداری نے کہا کہ یاد رکھے
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا