کراچی: پولیس نے طالب علم کو شارٹ ٹرم اغوا کے بعد 50 ہزار لےکر چھوڑ دیا
اشاعت کی تاریخ: 27th, December 2025 GMT
فائل فوٹو
کراچی میں سکھن پولیس پر طالب علم کے مبینہ شارٹ ٹرم کڈنیپنگ کے سنگین الزامات سامنے آنے پر سینئر سپرنٹنڈنٹ آف پولیس (ایس ایس پی) ملیر نے واقعہ کی تحقیقات کا حکم دے دیا۔
شاہ لطیف ٹاؤن کے رہائشی متاثرہ طالبعلم حسنین نے الزام لگایا ہے کہ سکھن پولیس کی تین موبائلیں رات گئے اس کے گھر آئیں اور اسے تھانے لے جایا گیا، جہاں 10 لاکھ اور پھر 5 لاکھ روپے کا مطالبہ کیا گیا۔
ملزمان نے خود کو اینٹی وہیکل لفٹنگ سیل کا اہل کار بتایا اور گاڑی کے مالک کو گاڑی سمیت اغوا کرلیا۔
حسنین کے مطابق اہلکاروں نے 50 ہزار روپے لے کر صبح 6 بجے چھوڑ دیا جبکہ اس کا موبائل فون، پرس اور چابیاں تا حال تھانے میں موجود ہیں۔
دوسری جانب پولیس کا کہنا ہے کہ رقم لینے سے متعلق انہیں علم نہیں، اہلکار جبار کو بلا کر پوچھ گچھ کی جائے گی، جبکہ متاثرہ نوجوان کے تھانے آنے پر سامان بھی واپس کر دیا جائے گا۔
دوسری جانب ویڈیو وائرل ہونے پر ایس ایس پی ملیر ڈاکٹر عبدالخالق نے نوٹس لیتے ہوئے واقعے کی اعلیٰ سطح اور شفاف انکوائری کا حکم دے دیا ہے، جس کی ذمہ داری ایس پی ملیر کو سونپ دی گئی ہے۔
.
ذریعہ
ذریعہ: Jang News
پڑھیں:
کراچی، فیڈرل بی انڈسٹریل ایریا میں پولیس مقابلہ، 2 زخمی ڈاکو گرفتار، چھینی گئی موٹر سائیکل برآمد
کراچی:شہر قائد میں فیڈرل بی انڈسٹریل ایریا پولیس نے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، شہری سے اسلحہ کے زور پر چھینی گئی موٹرسائیکل اور دیگر سامان برآمد کر لیا ۔
تفصیلات کے مطابق فیڈرل بی انڈسٹریل ایریا پولیس نے راشد منہاس روڈ سہراب گوٹھ پل کے قریب سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان ایس یس پی ڈسٹرکٹ سینٹرل عمران خان کے مطابق زخمی حالت میں گرفتار ڈاکو کی شناخت شعیب ولد احسان کے نام سے کی گئی جبکہ دوسرے گرفتار ملزم نے اپنا نام رضی الدین ولد سمیع الدین بتایا۔
گرفتار ملزمان سے ایک پستول بمعہ گولیاں ، موبائل فون ، کیش رقم اور موٹرسائیکل برآمد کی گئی۔
ملزمان سے ملنے والی موٹرسائیکل 21 جولائی 2026 کو شاہراہ پاکستان سے شہری سے اسلحہ کے زور پر چھینی گئی تھی ۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار