انقلاب منچ کا بنگلہ دیش کے بڑے شہروں میں مکمل شٹر ڈاؤن کا اعلان
اشاعت کی تاریخ: 28th, December 2025 GMT
بنگلہ دیش میں احتجاجی پلیٹ فارم انقلاب منچ نے کارکن شریف عثمان ہادی کے قتل میں ملوث افراد کی گرفتاری اور ٹرائل کے مطالبے پر اتوار کی دوپہر سے ملک کے بڑے شہروں میں مکمل شٹر ڈاؤن اور ناکہ بندی کا اعلان کر دیا ہے۔
یہ بھی پڑھیں:عثمان ہادی کے قتل میں ملوث کسی فرد کو نہیں بخشا جائے گا، بنگلہ دیش
وی نیوز کے نمائندے کے مطابق انقلاب منچ نے یہ اعلان ہفتے کی شب اپنے سوشل میڈیا پیج کے ذریعے کیا۔ یہ فیصلہ ڈھاکہ کے شاہ باغ چوراہے پر جاری مسلسل دھرنوں کے بعد سامنے آیا۔ ابتدا میں ناکہ بندی صبح کے وقت کرنے کا اعلان کیا گیا تھا، تاہم ڈھاکہ پولیس اور عبوری حکومت کے حکام کے بیانات کا جائزہ لینے کے بعد اس کا وقت بدل کر دوپہر 2 بجے کر دیا گیا۔
انقلاب منچ کے رہنماؤں نے اپنے خطاب میں کہا کہ شریف عثمان ہادی کے قتل میں ملوث تمام افراد کی نشاندہی اور ان کے خلاف کارروائی تک احتجاج جاری رہے گا۔ انہوں نے حکام کی جانب سے 7 جنوری تک چارج شیٹ جمع کرانے کی یقین دہانی کو مسترد کرتے ہوئے فوری اور عملی پیش رفت کا مطالبہ کیا۔
احتجاج کے دوران ماحولیاتی امور کی مشیر سیدا رضوانہ حسن اور ڈھاکہ میٹروپولیٹن پولیس کے کمشنر شیخ محمد سجاد سمیت اعلیٰ حکام شاہ باغ پہنچے اور مظاہرین کو تحقیقات میں ہونے والی پیش رفت سے آگاہ کیا۔ حکام نے قاتلوں کے خلاف جلد قانونی کارروائی کی یقین دہانی کرائی، تاہم مظاہرین کا کہنا تھا کہ یہ یقین دہانیاں کافی نہیں ہیں۔
حکام کے مطابق اب تک اس قتل کیس میں دس مشتبہ افراد کو گرفتار کیا جا چکا ہے، جبکہ واردات میں استعمال ہونے والے ہتھیار اور گاڑیاں بھی برآمد کی گئی ہیں۔ تفتیشی اداروں کا دعویٰ ہے کہ قتل کے پس پردہ نیٹ ورک کو بے نقاب کرنے میں اہم پیشرفت ہوئی ہے تاہم مرکزی ملزم تاحال فرار ہے۔
یہ بھی پڑھیں:ڈھاکہ: انقلاب منچ کا حکومت کو عثمان ہادی کے قاتلوں کی 24 گھنٹوں میں گرفتاری کا الٹی میٹم
شریف عثمان ہادی جنہوں نے گزشتہ سال انقلاب منچ کی بنیاد رکھی تھی، سیاسی بالادستی اور غیر ملکی اثر و رسوخ کے خلاف سرگرم تھے۔ انہیں 12 دسمبر کو ڈھاکہ کے پلتن علاقے میں گولی مار دی گئی تھی۔ بعد ازاں علاج کے لیے سنگاپور منتقل کیا گیا، جہاں وہ 18 دسمبر کو زخموں کی تاب نہ لاتے ہوئے چل بسے۔
جمعے سے ہزاروں افراد شاہ باغ میں دھرنوں میں شریک ہو چکے ہیں، جس کے باعث ٹریفک کی روانی متاثر ہوئی اور علاقہ احتجاج کا مرکز بن گیا۔ مظاہروں کے دوران تقاریر، نعرے بازی اور عوامی اجتماعات رات گئے تک جاری رہے۔
انقلاب منچ کے رہنماؤں کا کہنا ہے کہ جب تک قتل میں مکمل انصاف اور ذمہ داران کا احتساب نہیں ہو جاتا، ملک گیر ناکہ بندی اور احتجاج کا سلسلہ جاری رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انقلاب منچ بنگلہ دیش عثمان ہادی ملک گیر ہڑتال.
ذریعہ
ذریعہ: WE News
کلیدی لفظ: انقلاب منچ بنگلہ دیش عثمان ہادی ملک گیر ہڑتال
پڑھیں:
پاکستان کے خلاف ٹیسٹ سیریز: ویسٹ انڈیز نے 15 رکنی اسکواڈ کا اعلان کر دیا
پاکستان کے خلاف دو ٹیسٹ میچوں کی سیریز کے لیے ویسٹ انڈیز نے 15 رکنی اسکواڈ کا اعلان کر دیا۔
ویسٹ انڈیز کی قیادت روسٹن چیز کریں گے جبکہ جومیل واریکن کو نائب کپتان مقرر کیا گیا ہے۔
اسکواڈ میں جوشوا بیشپ، تیج نارائن چندرپال، جوشوا ڈی سلوا، جسٹن گریوز، کیوم بوج، شے ہوپ، عامر جینگو، شیمار جوزف، برینڈن کنگ، کرک میک کینزی، گڈاکیش موتی، کیمو پال، کیمار روچ، جیڈن سیلز اور جومیل واریکن شامل ہیں۔
واضح رہے کہ پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 25 جولائی سے ہوگا۔
View this post on Instagramقومی ٹیم نے آخری مرتبہ 2023 میں سری لنکا کو اس کی سرزمین پر 2-0 سے ٹیسٹ سیریز میں شکست دی تھی، تاہم اس کے بعد پاکستان مسلسل سات بیرونِ ملک ٹیسٹ میچ ہار چکا ہے۔
اس سیریز میں پاکستان کی قیادت دوبارہ بابر اعظم کر رہے ہیں جنہیں شان مسعود کی جگہ ٹیسٹ ٹیم کا کپتان مقرر کیا گیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا