افغان وزیر داخلہ کا پاکستان سے مفاہمت کا اشارہ
اشاعت کی تاریخ: 28th, December 2025 GMT
data-id="863a0a8" data-element_type="widget" data-widget_type="theme-post-content.default">
پاکستان کے لیے مفاہمتی پیغام دیتے ہوئے طالبان کی عبوری حکومت کے وزیرِ داخلہ سراج الدین حقانی نے کہا ہے کہ افغانستان کسی بھی ملک کے لیے خطرہ نہیں اور غلط فہمیوں کے ازالے کے لیے بات چیت کے لیے تیار ہے۔
کابل پولیس اکیڈمی کی گریجویشن تقریب سے خطاب میں سراج الدین حقانی نے کہا کہ مذاکرات کے دروازے کھلے ہیں۔ افغان سرکاری میڈیا کے مطابق انہوں نے واضح کیا کہ طالبان حکومت دوحہ معاہدے کے تحت کیے گئے وعدوں کی پاسداری کر رہی ہے اور افغان سرزمین کو کسی بھی ریاست کے خلاف استعمال ہونے کی اجازت نہیں دی جا رہی۔
تاہم ماضی میں دی گئی یقین دہانیوں اور دوحہ معاہدے کے باوجود پاکستان میں سرحد پار دراندازی اور شدت پسند حملوں کے واقعات بدستور جاری ہیں۔
سراج الدین حقانی کا کہنا تھا کہ افغانستان نہ کسی ملک اور نہ ہی کسی خطے کے لیے خطرہ ہے، اور طالبان قیادت عالمی برادری کے ساتھ بداعتمادی اور غلط فہمیوں کو ختم کرنے کے لیے قابلِ عمل اور دیرپا حل تلاش کر رہی ہے۔ انہوں نے مزید کہا کہ موجودہ مسائل کے حل کے لیے بات چیت کا راستہ بند نہیں کیا گیا۔
اگرچہ اپنے خطاب میں انہوں نے پاکستان کا براہِ راست نام نہیں لیا، تاہم ان کے بیان کو پاکستان کے اس دیرینہ مطالبے کی طرف اشارہ سمجھا جا رہا ہے جس میں کابل سے کالعدم تحریک طالبان پاکستان کے خلاف مؤثر اقدامات کا مطالبہ کیا جاتا رہا ہے۔
واضح رہے کہ دونوں ہمسایہ ممالک کے تعلقات حالیہ سرحدی جھڑپوں کے بعد کشیدگی کا شکار ہیں، جن کے نتیجے میں 11 اکتوبر 2025 سے پاکستان اور افغانستان کے درمیان سرحدیں بند ہیں۔
ذریعہ
ذریعہ: Jasarat News
کلیدی لفظ: کے لیے
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا