لاہور؛ دو رکنی متحرک بھینس چور گینگ گرفتار
اشاعت کی تاریخ: 28th, December 2025 GMT
لاہور:
اسلام پورہ چوکی اکرم پارک پولیس نے کارروائی کرتے ہوئے دو رکنی متحرک بھینس چور گینگ کو گرفتار کر لیا۔
پولیس کے مطابق ملزمان موٹر سائیکل و رکشہ چوری کی وارداتوں میں ریکارڈ یافتہ ہیں۔ ملزمان نے چند روز قبل اسلام پورہ کے ایریا سے بھینس چوری کی تھی۔
ایس پی سٹی بلال احمد کے مطابق ملزمان کے قبضے سے ایک بھینس، ایک لاکھ روپے نقد رقم اور غیر قانونی اسلحہ برآمد کیا۔ ملزمان واردات کے لیے چوری کی ہوئی موٹر سائیکل کا استعمال کرتے۔
ملزمان لاہور کے مختلف علاقوں میں وارداتیں کرتے جن کو خفیہ اطلاع پر مال مسروقہ سمیت گرفتار کیا۔ ملزمان واردات کرنے کے دوران اسلحہ کا بھی استعمال کرتے تھے۔
ایس پی سٹی بلال احمد کے مطابق گرفتار ملزمان میں غفور عرف کالی اور ساتھی فیصل عرف آصف شامل ہیں جن کے خلاف مقدمات درج ہیں۔ انہوں نے اسلام پورہ چوکی اکرم پارک پولیس کو متحرک گینگ کی گرفتاری پر شاباش دی۔
ایس پی سٹی بلال احمد کا کہنا تھا کہ انسداد جرائم کے حوالے سے کڑی نگرانی کی جا رہی ہے۔
.
ذریعہ
ذریعہ: Express News
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار