ایم ڈبلیو ایم سندھ کے ترجمان کی کراچی پریس کلب کے نو منتخب عہدیداران اور گورننگ باڈی کو مبارکباد
اشاعت کی تاریخ: 28th, December 2025 GMT
ایک بیان میں ایم ڈبلیو ایم سندھ کے سیکرٹری اطلاعات و ترجمان نے امید ظاہر کی کہ نومنتخب قیادت صحافیوں کے مسائل کے حل، آزادی صحافت کے فروغ اور کراچی پریس کلب کی شاندار روایات کو برقرار رکھنے کے لیے اپنا مؤثر کردار ادا کرے گی۔ اسلام ٹائمز۔ مجلس وحدت مسلمین سندھ کے سیکرٹری اطلاعات و ترجمان سید علی احمر زیدی نے کراچی پریس کلب کے سالانہ انتخابات 2026ء میں شاندار کامیابی حاصل کرنے پر دی ڈیموکریٹس پینل کے نومنتخب عہدیداران کو دلی مبارکباد پیش کی ہے۔ انہوں نے کہا کہ صدر فاضل جمیلی، سیکریٹری اسلم خان سمیت نائب صدر ارشاد کھوکھر، خازن عمران ایوب، جوائنٹ سیکریٹری فاروق سمیع دیگر عہدیداران اور گورننگ باڈی کے تمام ارکان کی کامیابی صحافی برادری کے اعتماد کا مظہر ہے۔
انہوں نے امید ظاہر کی کہ نومنتخب قیادت صحافیوں کے مسائل کے حل، آزادی صحافت کے فروغ اور کراچی پریس کلب کی شاندار روایات کو برقرار رکھنے کے لیے اپنا مؤثر کردار ادا کرے گی۔ انہوں نے کہا کہ دی ڈیموکریٹس پینل کی 18ویں مرتبہ مسلسل کامیابی اس بات کا ثبوت ہے کہ کلب کے اراکین نے ان کی کارکردگی پر اعتماد کا اظہار کیا ہے۔ پریس کلب کے انتخابات شفاف، منصفانہ اور خوش اسلوبی سے کرانے پر سینئر صحافی توصیف احمد خان اور ان کی ٹیم کو مبارکباد پیش کی ہے۔
ذریعہ
ذریعہ: Islam Times
کلیدی لفظ: کراچی پریس کلب کلب کے
پڑھیں:
لاہور میں ہونیوالی ’’شہید اُمت کانفرنس‘‘ میں ایک اور نشست کا اضافہ
ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ اسلام ٹائمز۔ لاہور میں 13 جون کو مینار پاکستان گراؤنڈ میں ہونیوالی ’’شہید اُمت کانفرنس‘‘ میں ایک اور نشست کا اضافہ کر دیا گیا ہے۔ ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ ترجمان کے مطابق ملک بھر سے معروف نوحہ خواں حضرات کو بھی خصوصی طور پر دعوت دی گئی ہے جبکہ ماتمی سنگتیں بھی دُختر رسولؑ کو پرسہ دیں گی۔
ترجمان کا کہنا تھا کہ اس حوالے سے باقاعدہ ایک کمیٹی تشکیل دی گئی ہے جو نوحہ خواں حضرات اور ماتمی انجمنوں کے سالاروں سے رابطے کر رہی ہے اور اس کے مثبت نتائج سامنے آ رہے ہیں۔ ترجمان کا مزید کہنا تھا کہ ماتمی سنگتوں کے سالاروں اور نوحہ خواں حضرات نے اظہار تشکر کیا ہے کہ انہیں بھی اس عظیم اجتماع میں شرکت کا موقع دیا جا رہا ہے۔ کانفرنس میں نوحہ خواں حضرات نوحہ خوانی کیساتھ شہیدِ امت آیت اللہ سید علی خامنہ ای کو بھی اپنے اپنے انداز میں خراج عقیدت پیش کریں گے۔
وزارت آئی ٹی نے 1.67 ارب روپے سے زاید کے فنڈز طلب کرلیے