طالبان کی صہیونی حکومت کے صومالیہ مخالف اقدام کی مذمت
اشاعت کی تاریخ: 28th, December 2025 GMT
اسلامی تعاون تنظیم (OIC) اور 21 عرب و اسلامی ممالک نے بھی ہفتے کے روز ایک مشترکہ بیان جاری کرتے ہوئے اسرائیل کی جانب سے نام نہاد “صومالی لینڈ” کو تسلیم کرنے کے اعلان کو سختی سے مسترد کر دیا ہے۔ اس بیان میں اس اقدام کو ایک خطرناک نظیر اور عالمی امن و سلامتی کے لیے سنگین خطرہ قرار دیا گیا ہے۔ اسلام ٹائمز۔ افغان عبوری حکومت کی وزارتِ خارجہ نے ایک بیان جاری کرتے ہوئے صہیونی حکومت کے اس حالیہ اقدام کی شدید مذمت کی ہے جو جمہوریۂ وفاقی صومالیہ کے خلاف صومالی لینڈ کے نام پر کیا گیا ہے۔ طالبان حکومت نے اس اقدام کو بین الاقوامی قوانین اور صومالیہ کی قومی خودمختاری کی کھلی خلاف ورزی قرار دیا ہے۔ افغانستان کی وزارتِ خارجہ کے بیان میں کہا گیا ہے کہ اسرائیل کی جانب سے صومالیہ کے خلاف کیا گیا یہ اقدام کسی بھی قسم کی سیاسی یا قانونی حیثیت نہیں رکھتا اور یہ بین الاقوامی قوانین کی صریح خلاف ورزی ہے۔ بیان میں خبردار کیا گیا کہ اس طرح کے اقدامات خطے کے امن و استحکام کو شدید نقصان پہنچا سکتے ہیں۔
طالبان حکومت نے واضح کیا کہ ایسے اقدامات عالمی قوانین کے منافی ہیں اور ان کے منفی اثرات پورے خطے کی سلامتی اور استحکام پر مرتب ہوں گے۔ واضح رہے کہ صومالی لینڈ، صومالیہ کے شمال میں واقع ایک علاقہ ہے جس نے یکطرفہ طور پر علیحدگی کا اعلان تو کیا ہے، مگر اسے اب تک عالمی برادری نے تسلیم نہیں کیا۔ ادھر اسلامی تعاون تنظیم (OIC) اور 21 عرب و اسلامی ممالک نے بھی ہفتے کے روز ایک مشترکہ بیان جاری کرتے ہوئے اسرائیل کی جانب سے نام نہاد “صومالی لینڈ” کو تسلیم کرنے کے اعلان کو سختی سے مسترد کر دیا ہے۔ اس بیان میں اس اقدام کو ایک خطرناک نظیر اور عالمی امن و سلامتی کے لیے سنگین خطرہ قرار دیا گیا ہے۔
یہ مشترکہ بیان اسلامی تعاون تنظیم کے علاوہ ایران، ترکیہ، اردن، مصر، الجزائر، کوموروس، جبوتی، گیمبیا، عراق، کویت، لیبیا، مالدیپ، نائجیریا، سلطنتِ عمان، پاکستان، فلسطین، قطر، سعودی عرب، صومالیہ، سوڈان اور یمن کے وزرائے خارجہ کی جانب سے جاری کیا گیا اور اردن کی وزارتِ خارجہ نے اسے سوشل میڈیا پلیٹ فارم ایکس (سابقہ ٹوئٹر) پر شائع کیا۔ بیان میں واضح کیا گیا کہ اسرائیل کی جانب سے “صومالی لینڈ” کو تسلیم کرنا، جو کہ جمہوریۂ وفاقی صومالیہ کا حصہ ہے، مکمل طور پر ناقابلِ قبول ہے۔ اس اقدام کو شاخِ افریقہ اور بحیرۂ احمر کے خطے کے امن و استحکام کے لیے خطرہ قرار دیا گیا اور کہا گیا کہ اس کے اثرات عالمی امن و سلامتی تک پھیل سکتے ہیں۔ مشترکہ بیان میں یہ بھی کہا گیا کہ یہ اقدام اسرائیل کی جانب سے بین الاقوامی قوانین اور اصولوں کی کھلی خلاف ورزی اور بے اعتنائی کا ثبوت ہے۔
ذریعہ
ذریعہ: Islam Times
کلیدی لفظ: اسرائیل کی جانب سے صومالی لینڈ اس اقدام کو قرار دیا کیا گیا گیا کہ گیا ہے
پڑھیں:
حکومت نے 11 ماہ میں عوام اور کاروباری اداروں کی جیبوں سے سوا 11 ہزار ارب روپے کا ٹیکس نکال لیا
اسلام آباد(اُردو پوائنٹ اخبارتازہ ترین۔ 02 جون2026ء) حکومت نے 11 ماہ میں عوام اور کاروباری اداروں کی جیبوں سے سوا 11 ہزار ارب روپے کا ٹیکس نکال لیا، ایف بی آر نے پہلے 11 ماہ میں 11 ہزار 257 ارب روپے ٹیکس اکٹھا کیا ، مئی میں 994 ارب روپے وصول کیے ۔ تازہ ترین حکومتی اعداد و شمار کے مطابق ایف بی آر کی ٹیکس وصولیاں نظرثانی شدہ اہداف کے مطابق جاری ہیں۔ مشیر وزیر خزانہ خرم شہزاد کے مطابق 864 ارب روپے کے ٹیکس شارٹ فال کا تاثر ابتدائی 14 ہزار 130 ارب روپے کے ہدف کی بنیاد پر دیا جا رہا ہے جو گمراہ کن ہے۔معاشی حالات میں تبدیلی کے بعد آئی ایم ایف کی مشاورت سے ریونیو ہدف تقریباً 13 ہزار ارب روپے تک ایڈجسٹ کیا گیا۔ مشیر وزیر خزانہ نے کہا کہ مہنگائی،درآمدات اور عالمی صورتحال میں تبدیلی کے باعث اہداف پر نظرثانی معمول کا مالی عمل ہے، نظرثانی شدہ مالی فریم ورک کیتحت ایف بی آر کی کارکردگی مضبوط،11 ماہ کا تقریباً مکمل ہدف حاصل کیا گیا، ایف بی آر نے پہلے 11 ماہ میں 11 ہزار 257 ارب روپے ٹیکس اکٹھا کیا جبکہ مئی میں 994 ارب روپے وصول کیے۔(جاری ہے)
مشیر وزیر خزانہ نے کہا کہ مئی میں ایف بی آر نے ماہانہ ہدف کا 97 فیصد جبکہ 11 ماہ کے ہدفکا 99.8 فیصد حاصل کیا، موجودہ کارکردگی ریونیو بحران یا بڑے ٹیکس شارٹ فال کے دعوؤں کی نفی کرتی ہے، جون 2026 کا 1 ہزار 727 ارب ریونیو ہدف 15 فیصد اضافے کے ساتھ نظرثانی شدہ مالی فریم ورک کے مطابق قابل حصول ہے، کاروباری طبقے اور سرمایہ کار غیر معمولی ٹیکس اقدامات سے متعلق قیاس آرائیوں پر توجہ نہ دیں، مالی معاملات پر تبصرہ پرانے اہداف کے بجائے موجودہ معاشی حقائق اور درست اعداد و شمار پر ہونا چاہیے۔
وزارت آئی ٹی نے 1.67 ارب روپے سے زاید کے فنڈز طلب کرلیے