اسرائیل کیساتھ نارملائزیشن کے خواہاں ہمارے نمائندے نہیں، سید مقتدیٰ الصدر
اشاعت کی تاریخ: 28th, December 2025 GMT
نیو ائیر كے موقع پر جاری اپنے ایک بیان میں الصدر تحریک کے سربراہ کا کہنا تھا کہ ہمارے مسیحی دوست ہمیشہ دیگر عوام کے ساتھ پُرامن طریقے سے زندگی گزارتے رہے ہیں جو آسمانی تعلیمات اور قوانین کے عین مطابق ہے۔ اسلام ٹائمز۔ نئے سال کی آمد کے موقع پر عراق کی شیعہ سیاسی جماعت "الصدر تحریک" کے سربراہ "سید مقتدیٰ الصدر" نے ایک بیان جاری کیا۔ جس میں انہوں نے کہا کہ نئے میلادی سال کے موقع پر میں تمام عراقی عوام، بالخصوص مسیحیوں کو مبارکباد پیش کرتا ہوں۔ میں پہلے اور آج بھی یہ سمجھتا ہوں کہ عراق، مسیحیوں کا ہے، بالکل ویسے ہی جیسے یہ تمام مذاہب کا ملک ہے، یہاں سب کو اپنے حقوق و فرائض کے مطابق عمل کرنا چاہئے۔ ہمارے مسیحی دوست ہمیشہ دیگر عوام کے ساتھ پُرامن طریقے سے زندگی گزارتے رہے ہیں جو آسمانی تعلیمات اور قوانین کے عین مطابق ہے۔ مسیحی بھائیوں کا یہ طرزعمل اس بات کا تقاضا کرتا ہے کہ ان کے ساتھ بھی اسی انداز میں برتاؤ کیا جائے۔ اس لئے وہ افراد جو اسرائیل کے ساتھ نارملائزیشن کی بات کرتے ہیں یا ہم جنس پرستی کے حامی ہیں وہ نہ تو ہمارے اور نہ ہی عراقی مسیحیوں کے نمائندے ہیں۔
انہوں نے كہا کہ حضرت عیسیٰ (ع) اور حضرت محمد (ص) کی آسمانی تعلیمات، معاشرے كی اصلاح کے لئے آئی ہیں۔ واضح رہے کہ سید مقتدیٰ الصدر کا حالیہ بیان اس صورت میں سامنے آیا جب کرسمس کے موقع پر کلڈین کیتھولک چرچ کے بشپ "لوئس رافیل ساکو" نے محمد شیاع السوڈانی کو مخاطب کرتے ہوئے کہا کہ جناب وزیراعظم میں، (اسرائیل کے ساتھ) تعلقات کی بحالی کے بارے میں بات کرنا چاہتا ہوں۔ امید ہے کہ عراقی حکومت میری گزارش پر توجہ دے گی۔ تاہم بشپ لوئس رافیل ساکو کے اس بیان پر عراق میں شدید ردعمل سامنے آیا۔ حتیٰ اس بیان کے اگلے روز ہی عراق کی تمام سیاسی و سماجی شخصیات نے اسرائیل کے ساتھ تعلقات کی بحالی کے کسی بھی ارادے کو مسترد کیا۔ اس دوران سید مقتدیٰ الصدر نے بھی کہا کہ عراقی قانون کے مطابق اسرائیل کے ساتھ نارملائزیشن قابل سزاء جرم ہے۔
ذریعہ
ذریعہ: Islam Times
کلیدی لفظ: اسرائیل کے ساتھ
پڑھیں:
سعودی عرب کے ساتھ دفاعی معاہدے کے پابند ہیں اور اس کی پاسداری کریں گے: پاکستان
پاکستان نے یمن کے حوثی گروپ کی جانب سے سعودی آئل ٹینکر پر حملے اور بحیرہ احمر میں تجارتی جہاز رانی کو درپیش خطرات کی پرزور الفاظ میں مذمت کی ہے اور سعودی عرب کی سلامتی و خودمختاری کے لیے اپنی مکمل حمایت کا اعادہ کیا ہے۔وزیراعظم شہباز شریف نے جمعرات کو سعودی عرب کے ولی عہد شہزادہ محمد بن سلمان سے ٹیلی فونک رابطہ کر کے بحرِ احمر میں سعودی آئل ٹینکرز پر حوثی ملیشیا کے حملے کی شدید الفاظ میں مذمت کی۔وزیراعظم نے حملے کو بزدلانہ اقدام قرار دیتے ہوئے کہا کہ ”ایسے اقدامات قطعی ناقابلِ قبول ہیں. یہ بین الاقوامی قانون کی صریح خلاف ورزی ہیں، جہاز رانی اور تجارتی نقل و حمل کی آزادی کے لیے خطرہ ہیں اور علاقائی امن، سلامتی اور استحکام کو نقصان پہنچاتے ہیں“۔وزیراعظم نے سعودی عرب کے ساتھ پاکستان کی مکمل یکجہتی کا اظہار کرتے ہوئے کہا کہ میں خود، فیلڈ مارشل سید عاصم منیر اور پوری پاکستانی قوم اس نازک وقت میں سعودی قیادت اور مملکت کے برادر عوام کے ساتھ مضبوطی اور عزم کے ساتھ کھڑے ہیں۔انہوں نے مزید یقین دہانی کرائی کہ پاکستان مملکت سعودی عرب کی سلامتی، خودمختاری اور علاقائی سالمیت کی مکمل حمایت کرتا ہے اور بحرِ احمر، آبنائے ہرمز اور خطے میں سمندری تجارت کی روانی کو یقینی بنانے کے لیے عالمی برادری اور سعودی عرب کے ساتھ مل کر کام کرتا رہے گا۔گفتگو کے دوران سعودی ولی عہد شہزادہ محمد بن سلمان نے پاکستان کی اس مستقل حمایت اور دونوں ممالک کے درمیان قائم قریبی برادرانہ تعلقات کی تعریف کی۔ اس موقع پر وزیراعظم پاکستان نے خادمِ حرمین شریفین، شاہ سلمان بن عبدالعزیز آل سعود کے لیے بھی نیک خواہشات اور خیر سگالی کے جذبات کا اظہار کیا۔
دوسری جانب، دفترِ خارجہ کے ترجمان طاہر حسین اندرابی نے ہفتہ وار میڈیا بریفنگ کے دوران گفتگو کرتے ہوئے کہا کہ ”گزشتہ ہفتے بھی حوثیوں کی جانب سے حملہ کیا گیا تھا. جس کی وزیراعظم پاکستان نے فوری مذمت کرتے ہوئے سعودی عرب کے ساتھ مکمل یکجہتی کا اظہار کیا تھا“۔طاہر اندرابی نے کہا کہ ہمارے بحری جہازوں پر حملہ ریڈلائن ہوگی. ہم سعودی عرب کے ساتھ باہمی دفاعی معاہدے کے پابند ہیں اور سعودی عرب کے ساتھ تمام معاہدوں کی پاسداری کریں گے۔انہوں نے خبردار کیا کہ یمن کے مسلح گروہوں کی جانب سے سعودی عرب پر ایسے حملے خطے میں پہلے سے موجود کشیدگی کو مزید بڑھا سکتے ہیں، اس لیے پاکستان تمام فریقین سے تحمل کا مظاہرہ کرنے اور مسائل کا پرامن حل سفارتی راستے سے نکالنے کی اپیل کرتا ہے۔خطے میں امن قائم کرنے اور کشیدگی کم کرنے کے لیے پاکستان نے اپنی سفارتی رفت و آمد میں بھی اضافہ کر دیا ہے۔ترجمان کے مطابق حال ہی میں ایران کے وزیر داخلہ اسکندر مومنی نے پاکستان کا دورہ کیا، جہاں انہوں نے وزیراعظم، فیلڈ مارشل اور وفاقی وزیر داخلہ سمیت اعلیٰ قیادت سے ملاقاتیں کیں تاکہ علاقائی سیکیورٹی کی صورتحال پر تبادلہ خیال کیا جا سکے۔اس کے علاوہ پاکستان اور کویت کے وزرائے خارجہ کے درمیان رابطہ ہوا، جبکہ منیلا میں آسیان ریجنل فورم کے موقع پر نائب وزیراعظم اور وزیر خارجہ اسحاق ڈار نے مصر، عمان، فلپائن، روس اور بنگلہ دیش کے وزرائے خارجہ سے الگ الگ اہم ملاقاتیں کیں۔ان ملاقاتوں کی تفصیل بتاتے ہوئے ترجمان نے کہا کہ ”مصر کے وزیر خارجہ سے ملاقات میں دونوں رہنماؤں نے تمام ممالک کی علاقائی سالمیت اور خودمختاری کے احترام پر زور دیا، جبکہ عمان کے وزیر خارجہ نے خطے میں کشیدگی کے خاتمے اور امن و استحکام کے لیے پاکستان کے سفارتی کردار کو سراہا“۔اس کے ساتھ ساتھ روس کے وزیر خارجہ سرگئی لاوروف اور بنگلہ دیش کے وزیر خارجہ خلیل الرحمان سے بھی باہمی تعلقات اور تعاون کو آگے بڑھانے پر بات چیت کی گئی۔ترجمان دفترِ خارجہ نے مزید بتایا کہ پاکستان کے نائب وزیراعظم و وزیر خارجہ اسحاق ڈار اب شنگھائی تعاون تنظیم (ایس سی او) کے وزرائے خارجہ کونسل اجلاس میں شرکت کے لیے بشکیک پہنچیں گے. جہاں ان کی کرغزستان کے صدر اور دیگر رکن ممالک کے وزرائے خارجہ سے ملاقاتیں متوقع ہیں۔ترجمان نے یہ بھی بتایا کہ کینیڈا کی وزیر خارجہ انیتا آنند نے بھی حال ہی میں پاکستان کا دورہ کیا ہے، جو گزشتہ بیس سالوں میں کسی کینیڈین وزیر خارجہ کا پہلا دورہ تھا اور اس دوران دونوں ممالک کے درمیان دوطرفہ تعلقات کی مضبوطی کے لیے اعلیٰ سطح پر بات چیت کی گئی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی