سیالکوٹ انٹرنیشنل ایئرپورٹ پر شدید دھند، فضائی آپریشن متاثر
اشاعت کی تاریخ: 29th, December 2025 GMT
سیالکوٹ انٹرنیشنل ایئرپورٹ اور اس کے اطراف میں شدید دھند چھائے رہنے کے باعث فلائٹ آپریشن جزوی طور پر متاثر ہو گیا ہے، جس کے نتیجے میں متعدد پروازوں کے شیڈول میں تبدیلی دیکھنے میں آ رہی ہے۔
ایئرپورٹ کے ترجمان محمد عمیر خان کے مطابق محفوظ فضائی آمد و رفت کے لیے کم از کم 500 میٹر حدِ نگاہ ضروری ہوتی ہے، تاہم اس وقت حدِ نگاہ کم ہو کر صرف 100 میٹر رہ گئی ہے، جس کے باعث پروازوں کی روانگی اور آمد متاثر ہو رہی ہے۔
ترجمان نے بتایا کہ جیسے ہی دھند کی شدت میں کمی آئے گی، تمام فضائی آپریشن دوبارہ معمول کے مطابق بحال کر دیا جائے گا۔ ایئرپورٹ انتظامیہ مسلسل تمام ایئر لائنز کے ساتھ رابطے میں ہے تاکہ صورتحال پر نظر رکھی جا سکے۔
مسافروں سے گزارش کی گئی ہے کہ وہ ایئرپورٹ روانہ ہونے سے قبل اپنی پروازوں کے حوالے سے تازہ معلومات متعلقہ ایئر لائن سے ضرور حاصل کریں تاکہ کسی قسم کی پریشانی سے بچا جا سکے۔
ذریعہ
ذریعہ: Daily Mumtaz
پڑھیں:
انفرااسٹرکچر پر امریکی حملوں کا جواب شدید اور وسیع ہوگا، ایران
ایران کی حکومت کے اعلیٰ عہدیدار محسن رضاعی نے خبردار کیا ہے کہ ایرانی انفرااسٹرکچر پر امریکی حملوں کا ردعمل شدید اور وسیع ہوگا۔
ایرانی خبرایجنسی کی رپورٹ کے مطابق محسن رضائی نے سوشل میڈیا پر جاری بیان میں کہا کہ اگر امریکہ نے ایران کے انفرا اسٹرکچر پر مزید حملے کیے تو ایران کا جوابی اقدام شدید اور بتدریج وسیع ہوگا۔
انہوں نے کہا کہ شلمچہ میں زائرین پر حملہ اور انفرا اسٹرکچر پر حملوں کی امریکی دھمکیاں مایوسی اور بے بسی کے سوا کچھ نہیں ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار