لاہور ہائیکورٹ: اونرشپ ایکٹ 2025 کیخلاف درخواست، معاملے کو سیاست زدہ نہ کریں
اشاعت کی تاریخ: 29th, December 2025 GMT
لاہور ہائیکورٹ نے پنجاب پروٹیکشن اونرشپ ایکٹ 2025 کے خلاف دائر آئینی درخواست کو چھٹیوں کے بعد متعلقہ بینچ کے روبرو پیش کرنے کی ہدایت کی ہے۔
جسٹس فیصل زمان خان نے درخواست پر سماعت کرتے ہوئے وکیل اظہر صدیق سے کہا کہ کیا اس معاملے کو سیاسی رنگ دینا ضروری ہے؟ عدالت نے معاملے کو اٹھایا، لیکن آپ نے دو پی ٹی آئی کے ایم پی ایز کے ذریعے درخواست دائر کی، حالانکہ یہ ایم پی ایز اسمبلی میں اس ایکٹ کے خلاف تقریر نہیں کر سکے تھے۔
عدالت نے مزید کہا کہ آپ نے اپنی پیٹیشن سوشل میڈیا پر بھی شیئر کی ہے، اس معاملے کو سیاست زدہ نہ کریں۔ یہ ایک ایسا معاملہ ہے جو عام شہریوں کی پراپرٹی سے متعلق ہے۔ عدالت نے وکیل کو مشورہ دیا کہ اگر یہ درخواست کسی متاثرہ شخص کی جانب سے دائر ہوتی تو بات سمجھ میں آتی، لیکن موجودہ درخواست پر افسوس ہوا کیونکہ اس سے حکومت کو فائدہ پہنچ رہا ہے۔
درخواست میں موقف اختیار کیا گیا کہ ایکٹ کے تحت جائیداد سے متعلق اختیارات انتظامیہ کو دے دیے گئے ہیں، جس سے آئین کی خلاف ورزی ہوئی ہے۔ ڈسپیوٹ ریزولوشن کمیٹی میں فریقین کو وکیل کے ذریعے پیش ہونے کی اجازت نہیں، اور سول عدالتوں کا دائرہ اختیار ختم کرنا آئین سے متصادم ہے۔ درخواست میں مطالبہ کیا گیا کہ پراپرٹی اونرشپ ایکٹ اور اس کے تحت کیے گئے تمام اقدامات کالعدم قرار دیے جائیں۔
وکیل اظہر صدیق نے عدالت کو بتایا کہ اگر قانون میں خامیاں ہیں تو بطور قانون ساز انہیں چیلنج کرنا ضروری ہے۔ انہوں نے کہا کہ دونوں ایم پی ایز نے پہلے بھی لوکل گورنمنٹ ایکٹ چیلنج کیا اور چیف سیکرٹری کو خطوط بھی لکھے ہیں۔
ذریعہ
ذریعہ: Daily Mumtaz
کلیدی لفظ: معاملے کو
پڑھیں:
پاکستانی پرچم بردار جہازوں کیخلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائیگا: دفتر خارجہ
اسلام آباد(ڈیلی پاکستان آن لائن) وزارت خارجہ نے کہا ہے کہ حوثیوں کی جانب سے بحری جہازوں پر حملوں کی مذمت کرتے ہیں، پاکستانی پرچم بردار جہازوں پر کارروائی قومی سلامتی کا خطرہ تصور ہوگی، پاکستان اپنے بحری مفادات کے تحفظ کے لیے پرعزم ہے۔
تفصیلات کے مطابق دفتر خارجہ کے ترجمان طاہر حسین اندرابی نے ہفتہ وار نیوز بریفنگ میں کہا کہ حوثیوں نے سعودی کمرشل جہازوں کو دھمکیاں دی، حوثیوں کی جانب سے بحری جہازوں پر حملوں کے اطلاعات بھی ہیں، پاکستان حوثیوں کے ان اقدامات کی مذمت کرتا ہے۔سعودی عرب کے ساتھ تجارت کو نشانہ بنانے یا اس کے خلاف دھمکیاں دینا ناقابلِ قبول ہے، سعودی عرب کے ساتھ جائز تجارتی سرگرمیوں میں مصروف بحری جہازوں کو دھمکیاں دینے پر پاکستان کو تشویش ہے۔ پاکستان کو سعودی عرب کے خلاف حوثی ملیشیا کی مسلسل دھمکیوں پر شدید تشویش ہے، بحیرۂ احمر میں تجارتی جہازوں کو نشانہ بنانے کے اعلانات کی شدید مذمت کرتے ہیں، مشرق وسطیٰ کے تنازع میں سعودی عرب کو گھسیٹنے کی کوششوں پر تشویش ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
’’دنیا نیوز ‘‘ کے مطابق دفتر خارجہ کے ترجمان نے کہا کہ پاکستانی پرچم بردار جہازوں کے خلاف کسی بھی قسم کی جارحانہ کارروائی کو قومی سلامتی کا خطرہ تصور کیا جائے گا، پاکستان کے سمندری مفادات کے خلاف جارحانہ کاروائی کو خودمختار مفادات کے لیے سنگین خطرہ تصور کیا جائے گا۔اقوامِ متحدہ کے قانون کے مطابق پاکستان اپنے سمندری اثاثوں کی دفاع کے لیے طاقت کے استعمال کا حق محفوظ رکھتا ہے، پاکستان اپنے بحری مفادات کے تحفظ کے لیے پرعزم ہے۔پاکستان نے تمام فریقوں پر ضبط و تحمل کا مظاہرہ کرنے پر زور دیا ہے، پاکستان کو مشرق وسطیٰ میں کشیدگی پر تشویش ہے، پاکستان مذاکرات اور سفارتکاری کی کوشش کی حمایت رکھے گا، ایران، امریکہ مذاکرات کے لیے پرامید ہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
انہوں نے بتایا کہ ایرانی وزیر داخلہ نے وزیراعظم، نائب وزیراعظم، فیلڈ مارشل سے ملاقاتیں کی ہیں، پاکستان کی سفارتی کوشش جاری ہے، بات چیت ہی کشیدگی کا واحد حل ہے، تجارتی جہازوں کو دھمکیاں علاقائی امن، عالمی تجارت کیلئے سنگین خطرہ ہیں۔ نائب وزیر اعظم نے آسیان ریجنل فورم کے موقع پر مختلف ممالک کے وزرا ئے خارجہ سے اہم ملاقاتیں کی ہیں، ملاقاتوں میں مشرق و سطیٰ میں قیام امن، کشیدگی کے خاتمے کی اہمیت پر زور دیا گیا۔
ترجمان دفتر خارجہ نے کہا کہ افغانستان میں دہشت گردوں کے محفوظ ٹھکانے بدستور موجود ہیں، افغان طالبان کی طرف سے دہشتگردوں کی پشت پناہی سے علاقائی امن کو خطرہ لاحق ہے۔ہزاروں پاکستانی دہشت گردی کے واقعا ت میں شہید ہو چکے ہیں، عالمی برادری دہشتگردوں کی پشت پناہی پر افغان طالبان کو جواب دہ ٹھہرائے۔
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
یورپی یونین کی رپورٹ پر دفتر خارجہ نے ردعمل دیا کہ پاکستان کے لیے جاری کردہ جی ایس پی رپورٹ فائنل ہے، پاکستان 27 کنونشن پر عمل درآمد کررہا ہے، جی ایس پی پلس درجہ پاکستان کی معیشت کے لیے فائدہ مند رہا ہے، ہم یورپی یونین کے ساتھ مسلسل رابطے میں ہیں، پاکستان انٹرنیشنل کنونشن پر عملدرآمد کرتا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار