بچوں کے استحصال پر زیرو ٹالرنس، سہولتکاروں اور دہشتگرد نیٹ ورکس کے خلاف سخت قانونی کارروائی کا اعلان
اشاعت کی تاریخ: 29th, December 2025 GMT
وفاقی اور صوبائی قانون نافذ کرنے والے اداروں نے بچوں کے استحصال کے کسی بھی اقدام کے خلاف زیرو ٹالرنس کی پالیسی کو دہرایا ہے اور سہولتکاروں اور دہشتگرد نیٹ ورکس کے خلاف سخت قانونی کارروائی کا اعلان کیا ہے۔
حکام کے مطابق، حالیہ کارروائی میں ایک کم عمر بلوچ بچی کو کامیابی سے بازیاب کرایا گیا، جو بی ایل اے سے منسلک آن لائن ریکروٹمنٹ نیٹ ورک کے ذریعے ذہنی اور نفسیاتی طور پر دہشتگردی کے لیے تیار کی جا رہی تھی۔ بچی کو حقیقی کارروائی میں شامل ہونے سے پہلے بچا لیا گیا۔
مزید پڑھیں: بی ایل اے بچوں کو ہتھیار بنانے لگا، کم عمر بلوچ بچی کو سوشل میڈیا کے ذریعے خودکش بمبار بنانے کی کوشش ناکام
کارروائی کے دوران بی ایل اے کے مکمل ریکروٹمنٹ چین کا انکشاف ہوا اور اسے ناکام بنایا گیا، جو آن لائن آغاز ہوا اور پھر کراچی میں بچی کو کسی نجی رہائش گاہ میں چھپایا گیا۔ حکام نے واضح کیا کہ جدید دہشتگردی کی شروعات اب سوشل میڈیا سے ہوتی ہے، جہاں بی ایل اے اور بی ایل ایف کے نیٹ ورکس موبائل فونز اور آن لائن گروپس کے ذریعے بچوں کو تیار کرتے ہیں۔
وزیر داخلہ سندھ نے کہا کہ خواتین اور کم عمر افراد دہشتگرد گروہوں کے بنیادی ہدف ہیں۔ انہوں نے واضح کیا کہ صرف بچانا کافی نہیں، ذمہ دار افراد کے خلاف قانونی کارروائی بھی لازمی ہوگی۔
حکام نے والدین اور عوام کو خبردار کیا کہ اب نفسیاتی اور نظریاتی ذہن سازی سوشل میڈیا کے ذریعے ہو رہی ہے، اور والدین کو اپنے بچوں کی آن لائن سرگرمیوں پر گہری نظر رکھنی چاہیے۔ بچی کو حفاظتی تحویل میں رکھا گیا اور اس کے خاندان کی شناخت مکمل طور پر خفیہ رکھی گئی۔
مزید پڑھیں: بی ایل اے اور مجید بریگیڈ پر امریکی پابندیاں، کیا اب دہشتگردوں کو حاصل بھارتی حمایت ختم ہو پائےگی؟
پریس بریفنگ میں بتایا گیا کہ بچی کی حفاظت، عزت اور مستقبل کی ترجیح کے ساتھ بی ایل اے اور بی ایل ایف کے دہشتگردانہ پروپیگینڈے کو بے نقاب کیا گیا، اور یہ ظاہر کیا گیا کہ بچوں کو نشانہ بنانا کوئی مزاحمت نہیں بلکہ کھلی دہشتگردی اور استحصال ہے۔
قانون نافذ کرنے والے اداروں نے اعلان کیا کہ بی ایل اے اور بی ایل ایف کی کسی بھی کوشش کو روکنے اور سہولتکاروں کے خلاف سخت قانونی کارروائی کرنے میں کوئی رعایت نہیں برتی جائے گی، تاکہ بچوں کا مستقبل اور تحفظ یقینی بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان بی ایل ایف بی ایل اے کم عمر بلوچ بچی وزیر داخلہ سندھ.
ذریعہ
ذریعہ: WE News
کلیدی لفظ: بلوچستان بی ایل ایف بی ایل اے کم عمر بلوچ بچی وزیر داخلہ سندھ قانونی کارروائی بی ایل اے اور بی ایل ایف کے ذریعے آن لائن کے خلاف کیا کہ بچی کو
پڑھیں:
فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
پاک فوج کے شعبہ تعلقات عامہ (آئی ایس پی آر) سے جاری بیان کے مطابق سیکیورٹی فورسز(security forces) نے 24 مئی 2026 کو پیش آنے والے ریل حادثے کے بعد خفیہ اطلاعات کی بنیاد پر بلوچستان کے اضلاع مستونگ، نوشکی، زہری، خضدار اور کیچ میں کارروائیاں کیں۔
بیان میں کہا گیا کہ ان کارروائیوں کے دوران سیکیورٹی اہلکاروں نے دہشت گردوں کے ٹھکانوں کو نشانہ بنایا اور شدید فائرنگ کے تبادلوں کے دوران بھارتی اسپانسرڈ فتنۃ الہندوستان کے 17 دہشت گردوں کو ہلاک کردیا اور ان علاقوں میں سرگرم دہشت گردی کے نیٹ ورکس کو بڑا دھچکا پہنچایا ہے۔
آئی ایس پی آر نے بتایا کہ بھارتی اسپانسرڈ ہلاک دہشت گردوں کے زیرقبضہ ہتھیار، باردو اور بڑے پیمانے دھماکا خیز مواد اور مواد تیار کرنے کی ڈیوائسز برآمد کرلی گئیں۔
بیان میں بتایا گیا کہ ہلاک دہشت گرد بلوچستان کے ان علاقوں میں دہشت گردی کے کئی اہم واقعات میں ملوث رہے تھے۔
مزید پڑھیں:پاکستان میں پٹرولیم مصنوعات کی کھپت میں 23 فیصد کمی
آئی ایس پی آر نے مزید بتایا کہ علاقے سے دہشت گردوں کے صفایا کرنے کے لیے سینیٹائزیشن آپریشن جاری ہے، سیکیورٹی فورسز اور پاکستان کے قانون نافذ کرنے والے اداروں کی عزم استحکام وژن کے تحت دہشت گردی کے خاتمہ کی مہم پوری رفتار سے جاری رہے گی تاکہ ملک سے بیرونی اسپانسرڈ اور تعاون سے جاری دہشت گردی کے ناسور کا مکمل خاتمہ ہو۔
وزارت آئی ٹی نے 1.67 ارب روپے سے زاید کے فنڈز طلب کرلیے