ہم اپنے شہداء کی قربانیوں کو کبھی فراموش نہیں کریں گے، ناصر حسین شاہ
اشاعت کی تاریخ: 29th, December 2025 GMT
تقریب سے خطاب کرتے ہوئے صوبائی وزیرِ بلدیات سندھ نے کہا کہ پریڈ گراؤنڈ کی اپ گریڈیشن سے سہولیات میں اضافہ ہوگا، جس سے پولیس فورس کی پیشہ ورانہ تیاری مزید بہتر ہوگی اور اس کا براہِ راست فائدہ شہریوں کو امن و تحفظ کی صورت میں پہنچے گا۔ اسلام ٹائمز۔ صوبائی وزیرِ بلدیات سندھ سید ناصر حسین شاہ کی سکھر پولیس ہیڈکوارٹر آمد، جہاں انہوں نے پولیس پریڈ گراؤنڈ کی اپ گریڈیشن/رینوویشن کا افتتاح کیا اور تقریب سے خطاب کیا۔ ایس ایس پی سکھر اظہر خان نے صوبائی وزیرِ بلدیات سندھ سید ناصر حسین شاہ کی پولیس ہیڈکوارٹر آمد پر ان کا پرتپاک استقبال کیا، انہیں پھولوں کا گلدستہ پیش کیا۔ اس موقع پر پولیس کے چاق و چوبند دستے نے مہمانِ خصوصی کو جنرل سلامی دی اور گارڈ آف آنر پیش کیا گیا۔ تقریب سے خطاب کرتے ہوئے صوبائی وزیرِ بلدیات سندھ نے کہا کہ پریڈ گراؤنڈ کی اپ گریڈیشن سے سہولیات میں اضافہ ہوگا، جس سے پولیس فورس کی پیشہ ورانہ تیاری مزید بہتر ہوگی اور اس کا براہِ راست فائدہ شہریوں کو امن و تحفظ کی صورت میں پہنچے گا۔
سید ناصر حسین شاہ نے مزید کہا کہ حکومت امن و امان کے قیام کے لیے پولیس کو مضبوط، باوسائل اور جدید بنانے کے لیے ٹھوس اقدامات کر رہی ہے۔ صوبائی وزیرِ بلدیات سندھ نے شہداء کو خراجِ عقیدت پیش کرتے ہوئے کہا کہ ہم اپنے شہداء کی قربانیوں کو کبھی فراموش نہیں کریں گے جنہوں نے عوام کے جان و مال کے تحفظ کے لیے اپنی جانوں کا نذرانہ پیش کیا، ان کی خدمات اور بہادری ہمارے لیے مشعلِ راہ ہیں، جبکہ حکومت شہداء کے اہلِ خانہ کے ساتھ مکمل تعاون جاری رکھے گی۔
ذریعہ
ذریعہ: Islam Times
کلیدی لفظ: ناصر حسین شاہ بلدیات سندھ کہا کہ
پڑھیں:
دعا ہے فیلڈ مارشل امن کی کوششوں میں کامیاب ہوجائیں، بلاول بھٹو زرداری
گلگت:پیپلز پارٹی کے چیئرمین بلاول بھٹو زرداری نے کہا ہے کہ دعا ہے کہ فیلڈ مارشل امن کی کوششوں میں کامیاب ہوجائیں، امن کی کوششوں کا کامیاب ہونا ضروری ہے۔
گلگت بلتستان میں انتخابی جلسے سے خطاب میں انہوں نے کہا کہ ایران میں اسکول پر میزائل مار کر بچوں کو شہید کیا گیا اس جنگ میں ایران کے ساتھ ساتھ دنیا بھر کے عوام جنگ کا بوجھ اٹھا رہے ہیں۔
ان کا کہنا تھا کہ ملک بھر میں کوئی سیاست دان نہیں جس نے میری طرح ملک بھر کے دورے کیے ہوں، میں گلگت بلتستان کی ہر تحصیل میں پہنچا ہوں، گزشتہ الیکشن میں خوشی کا ماحول تھا اس الیکشن میں سوگ کا ماحول ہے۔
ان کا کہنا تھا کہ بی آئی ایس پی ملک کا واحد پروگرام ہے جو ہر غریب کے گھر تک پہنچتا ہے، اس پروگرام کے خلاف سیاسی جماعتوں کی سازشیں ناکام ہوں گی۔
بلاول کا کہنا تھا کہ مشرف دور میں دیگر ممالک کےلیے فوجی بیسز بنے ہمارے دور میں نہیں، پاکستان کو ایٹم بم ذوالفقار علی بھٹو اور میزائل پروگرام بے نظیر نے دیا، ہم چاہتے ہیں پاکستان دفاعی و معاشی لحاظ سے مضبوط ہو، یہ کیسی معاشی پالیسی ہے کہ امیر، امیرتر ہوجائے اور غریب غریب تر ہوجائے، یہ تمام کام صرف ایک جماعت کراسکتی ہے اور وہ پیپلز پارٹی ہے۔
ان کا کہنا تھا کہ آپ نے ہر چیز کو اسلام آباد سے چلانا چاہا ہے، آپ پہلے گلگت بلتستان کو اس کا حق ملکیت دلادیں، یہ ماننا پڑے گا کہ کسی بھی پروجیکٹ میں مقامی لوگوں کو ملکیت دینی ہوگی جس طرح سندھ میں ہے جہاں تھر سے کوئلہ نکلا وہاں کے مقامی لوگوں کو بجلی دی گئی انہیں پروجیکٹس میں نوکریاں دی گئیں، انہیں شیئر کی بھی آفر کی گئی مگر انہوں ںے پیسہ لیا شیئر نہیں، تھرکول سے فائدہ سندھ کو نہیں پورے پاکستان کو ہورہا ہے مگر سب سے پہلے فائدہ مقامی لوگوں کو ہوا یہی پیپلز پارٹی چاہتی ہے۔
بلاول بھٹو زرداری کا کہنا تھا کہ میں صوبوں سے نہیں عالمی دنیا سے مقابلہ کرتا ہوں، سندھ میں جو ہاؤسنگ کا منصوبہ ہے یہ دنیا کا سب سے بڑا زلزلہ ہے، قبل ازیں یہ نیپال میں ریکارڈ تھا جہاں زلزلے کے بعد گھر بنے اور اب یہ ریکارڈ سندھ کے پاس ہے جہاں سیلاب کے بعد بیس لاکھ پکے گھر بنائے جارہے ہیں جو سیلاب آنے کے باوجود تباہ نہیں ہوں گے، یہ مکانات خواتین کے نام پر ہوں گے۔
انہوں نے مزید کہا کہ مجھے امید ہے کہ سات جون کو انتخابات میں یہاں کے عوام تیر کے نشان پر مہر لگائیں کہ تاکہ میں یہاں کے مقامیوں کو ان کا حق ملکیت دوں اور گلگت بلتستان میں اسپتالوں کا جال بچھادوں جہاں مفت علاج ہوسکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ