سیکیورٹی فورسز اور پولیس نے کراچی میں بڑی تباہی روک دی: عطا تارڑ
اشاعت کی تاریخ: 29th, December 2025 GMT
وفاقی وزیر اطلاعات عطا تارڑ نے کہا ہے کہ سیکیورٹی فورسز اور پولیس کی بروقت کارروائی نے کراچی کو ممکنہ تباہی سے بچا لیا۔ انہوں نے بتایا کہ ایک خاتون کو راستے میں ہی گرفتار کر لیا گیا، جس سے بڑے سانحے کا خدشہ ٹل گیا۔
جیو نیوز سے گفتگو میں عطا تارڑ نے کہا کہ بی ایل اے ذہن سازی کے ذریعے لوگوں کو دہشت گردی کے لیے استعمال کرتی ہے اور یہ تنظیم ماہ رنگ بلوچ کی مکمل حمایتی ہے۔ انہوں نے مزید کہا کہ نیشنل سائبر کرائم ایجنسی کے قیام کے بعد دہشت گردانہ مواد پر زیرو ٹالرنس اپنایا گیا ہے، اور بی ایل اے کا مقصد پاکستان کو عدم استحکام کا شکار کرنا ہے۔ ان کا کہنا تھا کہ دہشت گردوں کا خاتمہ نہ صرف گراؤنڈ پر بلکہ سوشل میڈیا کے ذریعے بھی جاری ہے۔
واضح رہے کہ وزیر داخلہ سندھ ضیا لنجار نے اس سے قبل بتایا تھا کہ دہشت گرد تنظیمیں بلوچ بچیوں کو سوشل میڈیا کے ذریعے خودکش بمبار بنانے کی تربیت دیتی ہیں اور والدین کو چاہیے کہ وہ بچوں کے سوشل میڈیا کے استعمال پر نظر رکھیں۔ کراچی میں اے آئی جی سی ٹی ڈی آزاد خان اور کراچی پولیس چیف جاوید عالم اوڈھو کے ہمراہ پریس کانفرنس میں ضیا لنجار نے بتایا کہ ایک بچی سے سوشل میڈیا کے ذریعے رابطہ کیا گیا اور اسے خودکش بمبار بنانے کی تربیت دی گئی، لیکن سیکیورٹی اداروں کی بروقت کارروائی سے بچی کو اس انجام سے بچا لیا گیا۔
ذریعہ
ذریعہ: Daily Mumtaz
کلیدی لفظ: سوشل میڈیا کے کے ذریعے
پڑھیں:
کراچی، فیڈرل بی انڈسٹریل ایریا میں پولیس مقابلہ، 2 زخمی ڈاکو گرفتار، چھینی گئی موٹر سائیکل برآمد
کراچی:شہر قائد میں فیڈرل بی انڈسٹریل ایریا پولیس نے مبینہ مقابلے کے بعد زخمی سمیت 2 ڈاکوؤں کو گرفتار کر کے اسلحہ ، شہری سے اسلحہ کے زور پر چھینی گئی موٹرسائیکل اور دیگر سامان برآمد کر لیا ۔
تفصیلات کے مطابق فیڈرل بی انڈسٹریل ایریا پولیس نے راشد منہاس روڈ سہراب گوٹھ پل کے قریب سے مبینہ مقابلے کے بعد زخمی سمیت 2 ڈاکوؤں کو گرفتار کر لیا۔
زخمی حالت میں گرفتار ڈاکو کو طبی امداد کے لیے عباسی شہید اسپتال منتقل کیا گیا۔
ترجمان ایس یس پی ڈسٹرکٹ سینٹرل عمران خان کے مطابق زخمی حالت میں گرفتار ڈاکو کی شناخت شعیب ولد احسان کے نام سے کی گئی جبکہ دوسرے گرفتار ملزم نے اپنا نام رضی الدین ولد سمیع الدین بتایا۔
گرفتار ملزمان سے ایک پستول بمعہ گولیاں ، موبائل فون ، کیش رقم اور موٹرسائیکل برآمد کی گئی۔
ملزمان سے ملنے والی موٹرسائیکل 21 جولائی 2026 کو شاہراہ پاکستان سے شہری سے اسلحہ کے زور پر چھینی گئی تھی ۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا