حادثات و واقعات میں جامعہ کراچی کے ملازم سمیت7 افراد جاں بحق،5 زخمی
اشاعت کی تاریخ: 30th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر کے مختلف علاقوں میں حادثات و پر تشدد واقعات کے دوران خواتین سمیت 7افرد جاںبحق ہوگئے دیگر واقعات میں 5افراد زخمی ہوئے ۔ تفصیلات کے مطابق سچل تھانے کی حدود صفورا الاظہر گارڈن مہران بنگلوذ کے قریب جھاڑیوں سے بوری میں بند ایک شخص کی لاش ملی۔ متوفی کی شناخت37سالہ رحمت علی ولد محمد اکرم کے نام سے کی گئی ۔ مقتول جامعہ کراچی کے ایچ ای جے ریسرچ انسٹی ٹیوٹ آف کیمسٹری کا ملازم تھا۔ وہ پہلے جامعہ کے اسٹاف ٹاؤن میں رہائش پذیر تھا تاہم حال ہی میں سچل گوٹھ منتقل ہوا تھا۔مقتول کی والدہ نے پولیس کو بتایا کہ ان کا بیٹا اتوار کو یہ کہہ کر گھر سے نکلا تھا کہ وہ اپنا موبائل فون ٹھیک کروانے جا رہا ہے، مگر واپس نہیں لوٹا۔ ان کا کہنا تھا کہ ان کی کسی سے کوئی دشمنی نہیں تھی۔پولیس کے مطابق بظاہر ایسا لگتا ہے کہ رحمت علی کو کہیں اور قتل کیا گیا اور بعد ازاں لاش سنسان علاقے میں لا کر پھینک دی گئی۔ ادھر پیر آباد تھانے کی حدود نصرت نگر میں جھگڑے کے دوران فائرنگ کے نتیجے میں زخمی ہونے والے 28 سالہ پیٹر ولد یعقوب اسپتال میں دوران علاج دم توڑ گیا ۔ اہل خانہ کے مطابق مقتول پیٹر ڈاؤ یونیورسٹی اسپتال میں سینئر پیرا میڈیکل اسٹاف کے طور پر کام کرتا تھا اور دو بچوں کا باپ تھا۔ بدقسمتی سے واقعے کے دن ان کی بیٹی کی سالگرہ بھی تھی۔ اہل خانہ نے بتایا کہ مقتول جھگڑے کے بعد صلح کروانے کے لیے گیا تھا، جب دو ملزمان نے اس پر فائرنگ کر دی۔ فائرنگ میں مقتول کو پیٹ میں گولی لگی، اور ملزمان فرار ہو گئے۔پولیس حکام نے تصدیق کی کہ واقعہ ذاتی جھگڑے کے دوران پیش آیا اور مقدمہ درج کر کے ملزمان کی گرفتاری کے لیے تحقیقات شروع کر دی گئی ہیں۔ جبکہ گلستان جوہر پہلوان گوٹھ میں نامعلوم سمت سے گولی لگنے سے زخمی دم توڑ گیا، ریسکیو حکام کے مطابق مقتول کی شناخت 22 سالہ حضور بخش چانڈیو کے نام سے ہوئی ہے۔ اسی طرح مدینہ کالونی کے علاقے بلدیہ ٹاون سیکٹر 24 کی مارکیٹ اقبال نہاری کے قریب تیز رفتار گاڑی کی زد میں آ کر 70سالہ عمر رسیدہ خاتون جاں بحق ہو گئی۔متوفیہ کی تاحال شناخت نہ ہو سکی۔ شارع فیصل تھانے کی حدود گلستان جوہر بلاک 9 میں واقع ال حبیب یونیورسٹی کے قریب بزرگ خاتون کی کئی روز پرانی لاش برآمد ہوئی ہے۔متوفیہ کی شناخت 60 سالہ نجمہ الرحمٰن دختر یامین الرحمٰن کے نام سے ہوئی ہے۔پولیس حکام کا کہنا ہے کہ لاش 7 سے 8 روز پرانی ہے، جسے قانونی کارروائی کے لیے جناح اسپتال منتقل کر دیا گیا ہے۔کلاکوٹ تھانے کی حدود لیاری نبی داد لائن اسٹریٹ ون لیاری گھر سے ایک شخص کی گلے میں پھندا لگی لاش ملی، متوفی کی شناخت60سالہ محمد یونس ولد عبدالغفور کے نام سے کی گئی ، متوفی نجی کمپنی میں ملازمت کرتا تھا اور تین بیٹیوں کا باپ تھا ، متوفی کی اہلیہ ان دنوں اپنی ایک بیٹی کے ہمراہ عمرے پر گئی ہوئی ہے جبکہ دو بیٹیاں گھر پر موجود تھیں متوفی ذہنی دباو کا شکار تھا۔ ملیر سٹی تھانے کی حدود ملیر جناح اسکوائر نزد ابراھیم مسجد کے قریب گٹر کی صفائی کے دوران دم گھٹنے سے 35سالہ خاکروب ہلاک ہوگیا ۔ دوسری جانب زمان ٹاون تھانے کی حدود کورنگی کوسٹ گارڈ چورنگی کے قریب شادی ہال کے سامنے فائرنگ کی زد میں اکر 30 سالہ عامر ولد عمر زخمی ہوا ۔ادھر سولجر بازار تھانے کی حدود میں نامعلوم سمت سے آنے والی لگنے سے25 سالہ ظفیر اللہ ولد محمد نعیم زخمی ہوگیا ۔گلشن معمار تھانے کی حدود گلشن معمار غنی آباد کے قریب ڈکیتی کے دوران مزاحمت پر 35سالہ ریاض ولد اللہ بخش زخمی ہوگیا ۔ ناظم آباد نمبر 3 میں اندھی گولی لگنے سے فیصل ولد رفیق، عمر 38 سالہ، زخمی ہو گیا۔ لانڈھی تھانے کی حدود کربلا گراؤنڈ لانڈھی کے قریب اندھی گولی لگنے سے 12 سالہ عفان ولد خرم زخمی ہوگیا۔
ذریعہ
ذریعہ: Jasarat News
کلیدی لفظ: تھانے کی حدود کے نام سے کے مطابق کے دوران کے قریب لگنے سے ہوئی ہے زخمی ہو
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار