اسرائیل کی جانب سے ایران سے بھیجے گئے ایس ایم ایس پر شہریوں کے لئے سائبر وارننگ جاری
اشاعت کی تاریخ: 30th, December 2025 GMT
نیشنل سائبر مینجمنٹ نے اس خبر کی تصدیق کرتے ہوئے کہا ہے کہ یہ اقدام محض اسپیم یعنی بڑے پیمانے پر پیغامات بھیجنے تک محدود ہے اور تاحال کسی بھی وصول کنندہ کے موبائل فون یا صارف اکاؤنٹس کے ہیک ہونے کے کوئی شواہد سامنے نہیں آئے۔ اسلام ٹائمز۔ صہیونی حکومت نے مقبوضہ فلسطینی علاقوں کے رہائشیوں کو ایرانی نمبروں سے موصول ہونے والے ایس ایم ایس پیغامات کے بارے میں خبردار کیا ہے۔ اسرائیلی سکیورٹی اداروں اور نیشنل سائبر مینجمنٹ نے پیر کے روز دعویٰ کیا کہ ایرانی نمبروں سے مقبوضہ فلسطین کے رہائشیوں کو مشتبہ پیغامات بھیجنے کی ایک نئی لہر شروع ہو گئی ہے۔ اخبار یروشلم پوسٹ کی رپورٹ کے مطابق، بہت سے اسرائیلی شہریوں کو ایسے ایس ایم ایس موصول ہوئے ہیں جن میں سیاسی اور تشہیری مواد شامل ہے۔
اسرائیلی نیشنل سائبر مینجمنٹ نے اس خبر کی تصدیق کرتے ہوئے کہا ہے کہ یہ اقدام محض اسپیم یعنی بڑے پیمانے پر پیغامات بھیجنے تک محدود ہے اور تاحال کسی بھی وصول کنندہ کے موبائل فون یا صارف اکاؤنٹس کے ہیک ہونے کے کوئی شواہد سامنے نہیں آئے۔ تاہم اس ادارے نے مقبوضہ فلسطینی علاقوں کے رہائشیوں سے اپیل کی ہے کہ وہ ان پیغامات پر کسی بھی قسم کا ردِعمل ظاہر نہ کریں۔ ان میں سے ایک پیغام کے متن میں لکھا گیا تھا کہ جمہوری اسلامی ایران کے سفارت خانوں کے دروازے آپ کے لیے کھلے ہیں۔
بیان میں واضح کیا گیا ہے کہ شہری ان پیغامات کا جواب نہ دیں، بھیجنے والے نمبر کو فوراً بلاک کر دیں اور ان پیغامات کو دوسروں تک آگے نہ بھیجیں تاکہ ممکنہ نفسیاتی کارروائی کے پھیلاؤ کو روکا جا سکے۔ اسرائیلی حکام کے مطابق، اس قسم کے اقدامات عموماً نفسیاتی جنگ، ممکنہ جوابات اکٹھا کرنے یا معلوماتی و جاسوسی سرگرمیوں کے لیے کیے جاتے ہیں، اگرچہ اس مخصوص معاملے میں زور دیا گیا ہے کہ ان پیغامات کو صرف نظرانداز کیا جائے۔
ذریعہ
ذریعہ: Islam Times
کلیدی لفظ: ان پیغامات
پڑھیں:
نیشنل کانفرنس کی حکومت ہر محاذ پر ناکام ہو چکی ہے، غلام علی کھٹانہ
بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائیگا۔ اسلام ٹائمز۔ بھارت میں برسراقتدار مخلوط حکومت کی اتحادی جماعت بی جے پی کے لیڈر اور راجیہ سبھا کے رکنِ پارلیمان انجینیئر غلام علی کھٹانہ نے الزام عائد کیا کہ جموں و کشمیر میں نیشنل کانفرنس کی قیادت والی حکومت عوامی مسائل کے حل میں ہر محاذ پر ناکام ثابت ہوئی ہے، جس کے باعث عوام میں بے چینی اور ناراضگی بڑھ رہی ہے۔ ضلع رامبن کے سب ڈویژن بنیہال میں منعقدہ ایک عوامی دربار سے خطاب کرتے ہوئے جس میں مقامی باشندوں اور سرکاری افسران نے شرکت کی، غلام علی کھٹانہ نے دعویٰ کیا کہ گزشتہ دو برسوں کے دوران تعلیم، صحت، پینے کے صاف پانی اور بجلی کے شعبوں کی حالت مزید خراب ہوئی ہے۔ انہوں نے وزیرِ اعلیٰ عمر عبداللہ کی قیادت والی حکومت پر عوام سے دور ہونے کا الزام عائد کرتے ہوئے زیادہ جوابدہی کا مطالبہ کیا۔
بی جے پی کے لیڈر نے کہا کہ ان کی جماعت جموں و کشمیر بھر سے عوامی آراء اور شکایات جمع کر رہی ہے اور عوامی مسائل کو پارلیمنٹ میں اٹھایا جائے گا۔ انہوں نے مرکز کے زیرِ انتظام جموں و کشمیر کی انتظامیہ کی کارکردگی پر وائٹ پیپر جاری کرنے کا مطالبہ بھی کیا اور گوجر-بکروال برادریوں اور بے گھر کشمیری پنڈتوں کے لئے مزید حفاظتی اقدامات کی ضرورت پر زور دیا۔ عوامی ملاقات کے دوران مختلف عوامی مسائل اور ترقیاتی امور پر بھی تبادلۂ خیال کیا گیا، جس میں مقامی حکام، بی جے پی رہنماؤں اور علاقے کے باشندوں نے شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ