نجکاری کے بعد پی آئی اے کی بہتری کے لیے کیا کچھ سوچا گیا ہے؟ عارف حبیب نے تمام تفصیلات بتادیں
اشاعت کی تاریخ: 30th, December 2025 GMT
پاکستان انٹرنیشنل ایئرلائنز یعنی پی آئی اے کے 75 فیصد شیئرز خریدنے والے کنسورشیم کے سربراہ عارف حبیب نے واضح کیا ہے کہ پی آئی اے اپنی برسوں پرانی شناخت برقراررکھتے ہوئے اصل نام کے ساتھ ہی کام جاری رکھے گی۔
انڈپینڈنٹ اردو کو دیے گئے خصوصی انٹرویو میں انہوں نے بتایا کہ نجکاری کی شرائط کے مطابق ایئرلائن کا نام تبدیل نہیں کیا جا سکتا، تاہم سروسز اور مجموعی معیار میں بہتری لانا نئی انتظامیہ کی اولین ترجیح ہوگی۔
عارف حبیب نے بتایا کہ پی آئی اے کی موجودہ برانڈ شناخت کو برقرار رکھنے کی کوشش کی جائے گی، تاہم اگر تکنیکی مشاورت اور بہتری کی گنجائش موجود ہوئی تو یونیفارمز، پیشکش کا انداز اور مجموعی شکل و صورت میں مثبت تبدیلیاں کی جا سکتی ہیں تاکہ ایئرلائن زیادہ جدید اور بہتر نظر آئے۔
انہوں نے کہا کہ ٹیک اوور کے بعد مسافروں کو واضح فرق محسوس ہو گا، چیک اِن کاؤنٹرز، کیبن، نشستوں اور طیاروں میں موجود انٹرٹینمنٹ سہولیات کو بہتر بنایا جائے گا، اس کے ساتھ ساتھ عملے کی تربیت پر خصوصی توجہ دی جائے گی تاکہ مسافروں کے ساتھ رویہ اور سروس کا معیار عالمی معیار کے مطابق ہو۔
طیاروں کے بیڑے سے متعلق بات کرتے ہوئے عارف حبیب نے کہا کہ آئندہ 3 سے 4 سال کے دوران پی آئی اے کے بیڑے میں تقریباً 19 نئے طیارے شامل کیے جائیں گے، جبکہ اس مدت کے بعد مزید توسیع کے ذریعے مجموعی تعداد کو 64 طیاروں تک لے جانے کا منصوبہ ہے۔ اس طرح مجموعی طور پر تقریباً 25 نئے طیارے شامل کیے جائیں گے۔
ان کے مطابق بیڑے میں نیرو باڈی اور وائڈ باڈی دونوں اقسام کے طیارے شامل ہوں گے، جن میں ایئر بس اے 320 اور بوئنگ 777 جیسے طیارے بھی شامل ہیں۔ قلیل فاصلے اور علاقائی روٹس کے لیے زیادہ تر نیرو باڈی طیارے استعمال کیے جائیں گے، جبکہ یورپ، کینیڈا اور امریکا جیسے طویل فاصلے کے بین الاقوامی روٹس کے لیے وائڈ باڈی طیارے ناگزیر ہوں گے۔
عارف حبیب کا کہنا ہے کہ ان اقدامات کا مقصد پی آئی اے کو ایک بار پھر مستحکم، قابلِ اعتماد اور مسافروں کی پسندیدہ ایئرلائن بنانا ہے تاکہ عوام کا کھویا ہوا اعتماد دوبارہ بحال کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پاکستان انٹرنیشنل ایئرلائنز پی آئی اے شیئرز طیارے عارف حبیب کنسورشیم کینیڈا نیرو باڈی وائڈ باڈی یورپ.
ذریعہ
ذریعہ: WE News
کلیدی لفظ: امریکا پاکستان انٹرنیشنل ایئرلائنز پی ا ئی اے طیارے کینیڈا نیرو باڈی وائڈ باڈی یورپ پی آئی اے کے لیے
پڑھیں:
چیری نے پاکستان میں اپنی گاڑیوں کے تمام ماڈلز کی قیمتیں بڑھا دیں
ٹویوٹا، ہونڈا اور سوزوکی کے بعد چیری(Cherry) نے بھی ہائبرڈ گاڑیوں پر سیلز ٹیکس میں حالیہ اضافے کے بعد پاکستان میں اپنے تمام ماڈلز کی قیمتوں میں اضافہ کردیا۔
تاہم کمپنی نے فوری طور پر مکمل اضافہ صارفین پر منتقل نہیں کیا اور محدود مدت کی پروموشنل آفر کے تحت جزوی طور پر بڑھی ہوئی قیمتیں متعارف کرائی ہیں۔
چیری ٹِگو 7 پی ایچ ای وی کی سابقہ قیمت 94 لاکھ 99 ہزار روپے تھی، جسے بڑھا کر پروموشنل قیمت 99 لاکھ 99 ہزار روپے کردی گئی ہے، جبکہ آفر ختم ہونے کے بعد اس کی اصل قیمت 1 کروڑ 9 لاکھ 49 ہزار روپے ہوگی۔
چیری ٹِگو 8 پی ایچ ای وی کی قیمت 1 کروڑ 12 لاکھ 99 ہزار روپے سے بڑھا کر پروموشنل قیمت 1 کروڑ 14 لاکھ 99 ہزار روپے کردی گئی ہے، جبکہ آفر کے بعد گاڑی کی اصل قیمت 1 کروڑ 29 لاکھ 99 ہزار روپے ہوگی۔
مزیدپڑھیں:اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
اسی طرح ٹِگو 9 پی ایچ ای وی کی سابقہ قیمت 1 کروڑ 36 لاکھ 94 ہزار روپے تھی، جس کی پروموشنل قیمت 1 کروڑ 42 لاکھ 99 ہزار روپے مقرر کی گئی ہے۔ آفر ختم ہونے کے بعد گاڑی کی اصل قیمت 1 کروڑ 57 لاکھ 49 ہزار روپے ہوگی۔
کمپنی کے مطابق پروموشنل قیمتیں محدود مدت کے لیے ہیں اور 31 جولائی تک دستیاب ہوں گی، جبکہ اسٹاک ختم ہونے تک موجودہ صارفین بھی اس آفر سے فائدہ اٹھا سکیں گے۔
چیری کی جانب سے نئی قیمتوں کو محدود مدت کی ڈسکاؤنٹ آفر کے طور پر پیش کیا گیا ہے، تاہم رعایت کے باوجود تینوں گاڑیاں اپنی سابقہ قیمتوں کے مقابلے میں مہنگی ہوگئی ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی