بلوچستان کے ساحلی علاقے میں 6 سال بعد لینڈ اسپاؤٹ دیکھا گیا
اشاعت کی تاریخ: 30th, December 2025 GMT
بلوچستان کے ساحلی علاقے گوادر میں چھ سال بعد ایک غیر معمولی قدرتی منظر دیکھنے کو ملا، جب ایک لینڈ اسپاؤٹ (Land Spout) منظر عام پر آیا۔ لینڈ اور واٹر اسپاوٹس ایسے ہوا کے ستون نما بگولے ہوتے ہیں جو بیک وقت زمین اور سطح سمندر پر بادلوں میں پیوست نظر آتے ہیں۔
لینڈ اسپاؤٹس اور واٹر اسپاوٹس اس وقت بنتے ہیں جب ہوا میں زیادہ نمی اور سمندر کی سطح کا درجہ حرارت زیادہ ہوتا ہے۔ ان کی بلندی تقریباً 50 میٹر تک ہو سکتی ہے، اور اردگرد کی ہواؤں کی رفتار 80 کلومیٹر فی گھنٹہ تک پہنچ سکتی ہے۔
پاکستان کے سابق ڈائریکٹر محکمہ موسمیات سردار سرفراز کے مطابق، یہ لینڈ اسپاؤٹ ایک غیر معمولی منظر تھا جو ویسٹرن ڈسٹربنس (مغربی ہواؤں کے سلسلے) کی وجہ سے بلوچستان کے ساحلی علاقے گوادر میں دیکھنے کو ملا۔ اس بگولے نے زمین سے آسمان تک ایک ستون کی مانند شکل اختیار کی، جو مقامی آبادی کے لیے ایک حیرت انگیز منظر تھا۔
محکمہ موسمیات نے منگل سے بارشوں کی پیش گوئی کی ہے، اور ماہرین کے مطابق یہ قدرتی سرگرمی اسی موسمی نظام کی وجہ سے تشکیل پائی۔ لینڈ اسپاؤٹس اور واٹر اسپاؤٹس دراصل ہوا کے ستون نما بادل ہیں جو مختصر وقت میں خودبخود ختم ہو جاتے ہیں۔
محمد معظم خان، تیکنیکی مشیر ڈبلیو ڈبلیو ایف (پاکستان) کے مطابق، لینڈ اسپاؤٹس اور واٹر اسپاؤٹس عام طور پر گرج چمک کے ساتھ نہیں بنتے، اور یہ قدرتی سرگرمیاں عموماً تھوڑی دیر میں ختم ہو جاتی ہیں۔ واٹر اسپاؤٹس کو طویل عرصے سے سمندری خطرات کے طور پر تسلیم کیا گیا ہے۔
سردار سرفراز کے مطابق، بلوچستان کے جنوبی مغربی علاقے میں یہ لینڈ اسپاؤٹ مغربی کم دباؤ کے پاکستان پہنچنے کے نتیجے میں پیدا ہوا۔ اس قدرتی منظر نے مقامی لوگوں اور ماہرین کے لیے دلچسپی کا باعث بنا۔
ذریعہ
ذریعہ: Daily Mumtaz
کلیدی لفظ: لینڈ اسپاو ٹ بلوچستان کے کے مطابق اسپاو ٹس
پڑھیں:
فورسز کی بلوچستان کے مختلف علاقوں میں کارروائیاں، 17 دہشتگرد ہلاک، آئی ایس پی آر
پاک فوج کے شعبہ تعلقات عامہ (آئی ایس پی آر) سے جاری بیان کے مطابق سیکیورٹی فورسز(security forces) نے 24 مئی 2026 کو پیش آنے والے ریل حادثے کے بعد خفیہ اطلاعات کی بنیاد پر بلوچستان کے اضلاع مستونگ، نوشکی، زہری، خضدار اور کیچ میں کارروائیاں کیں۔
بیان میں کہا گیا کہ ان کارروائیوں کے دوران سیکیورٹی اہلکاروں نے دہشت گردوں کے ٹھکانوں کو نشانہ بنایا اور شدید فائرنگ کے تبادلوں کے دوران بھارتی اسپانسرڈ فتنۃ الہندوستان کے 17 دہشت گردوں کو ہلاک کردیا اور ان علاقوں میں سرگرم دہشت گردی کے نیٹ ورکس کو بڑا دھچکا پہنچایا ہے۔
آئی ایس پی آر نے بتایا کہ بھارتی اسپانسرڈ ہلاک دہشت گردوں کے زیرقبضہ ہتھیار، باردو اور بڑے پیمانے دھماکا خیز مواد اور مواد تیار کرنے کی ڈیوائسز برآمد کرلی گئیں۔
بیان میں بتایا گیا کہ ہلاک دہشت گرد بلوچستان کے ان علاقوں میں دہشت گردی کے کئی اہم واقعات میں ملوث رہے تھے۔
مزید پڑھیں:پاکستان میں پٹرولیم مصنوعات کی کھپت میں 23 فیصد کمی
آئی ایس پی آر نے مزید بتایا کہ علاقے سے دہشت گردوں کے صفایا کرنے کے لیے سینیٹائزیشن آپریشن جاری ہے، سیکیورٹی فورسز اور پاکستان کے قانون نافذ کرنے والے اداروں کی عزم استحکام وژن کے تحت دہشت گردی کے خاتمہ کی مہم پوری رفتار سے جاری رہے گی تاکہ ملک سے بیرونی اسپانسرڈ اور تعاون سے جاری دہشت گردی کے ناسور کا مکمل خاتمہ ہو۔
وزارت آئی ٹی نے 1.67 ارب روپے سے زاید کے فنڈز طلب کرلیے