بنگلہ دیش: خالدہ ضیاء کے انتقال پر 3 روزہ سرکاری سوگ کا اعلان، جنازہ اور تدفین کہاں ہوگی؟
اشاعت کی تاریخ: 30th, December 2025 GMT
بنگلہ دیش کی سابق وزیرِ اعظم اور بنگلہ دیش نیشنلسٹ پارٹی (بی این پی) کی چیئرپرسن بیگم خالدہ ضیاء کے انتقال پر حکومت نے 3 روزہ سرکاری سوگ کا اعلان کر دیا ہے۔
اس فیصلے کا اعلان منگل کے روز اسٹیٹ گیسٹ ہاؤس جمنا میں ہونے والے ایڈوائزری کونسل کے خصوصی اجلاس میں کیا گیا، جس کی صدارت چیف ایڈوائزر پروفیسر محمد یونس نے کی۔
اجلاس کا آغاز: ایک منٹ کی خاموشی اور دعااجلاس کا آغاز بیگم خالدہ ضیاء کی یاد میں ایک منٹ کی خاموشی سے ہوا۔ بعد ازاں مذہبی امور کے مشیر اے ایف ایم خالد حسین نے مرحومہ کے لیے دعائے مغفرت کروائی اور ان کے درجات کی بلندی کے لیے دعا کی۔
3 روزہ سوگ اور ایک دن کی عام تعطیلایڈوائزری کونسل نے بدھ سے 3 روزہ سرکاری سوگ منانے اور ایک دن کی عام تعطیل کا فیصلہ کیا۔
اجلاس میں بیگم خالدہ ضیاء کے انتقال پر تعزیتی قرارداد بھی منظور کی گئی، جسے ماحولیات، جنگلات، موسمیاتی تبدیلی اور اطلاعات کی مشیر رضوانہ حسن نے پڑھ کر سنایا۔
سوگ کے دوران ملک بھر میں تمام سرکاری، نیم سرکاری اور خودمختار اداروں، تعلیمی اداروں، نجی دفاتر اور بیرونِ ملک بنگلہ دیشی سفارت خانوں پر قومی پرچم سرنگوں رکھا جائے گا۔
بدھ کے روز ملک بھر کی مساجد میں خصوصی دعائیں کی جائیں گی، جبکہ دیگر مذاہب کے عبادت خانوں میں بھی تعزیتی اور یادگاری تقاریب منعقد کی جائیں گی۔
بیرونِ ملک بنگلہ دیشی مشنز میں تعزیتی کتابیں (Condolence Books) بھی کھولی جائیں گی تاکہ لوگ سابق وزیرِ اعظم کو خراجِ عقیدت پیش کر سکیں۔
جنازے اور تدفین کا اعلانبی این پی کے سیکریٹری جنرل مرزا فخرالاسلام عالمگیر خصوصی دعوت پر اجلاس میں شریک ہوئے۔ انہوں نے بیگم خالدہ ضیاء کے اہلِ خانہ اور جماعت کی جانب سے عبوری حکومت کا شکریہ ادا کیا اور سیکیورٹی سمیت دیگر انتظامات پر اظہارِ اطمینان کیا۔
انہوں نے بتایا کہ بیگم خالدہ ضیاء کی نمازِ جنازہ بدھ کے روز نمازِ ظہر کے بعد قومی پارلیمنٹ کے ساؤتھ پلازہ اور اس سے ملحقہ مانک میا ایونیو میں ادا کی جائے گی۔ بعد ازاں انہیں شہید صدر میجر جنرل ضیاءالرحمان کے پہلو میں سپردِ خاک کیا جائے گا۔
چیف ایڈوائزر کا اظہارِ افسوسچیف ایڈوائزر پروفیسر محمد یونس نے یقین دہانی کرائی کہ حکومت جنازے اور تدفین کے تمام انتظامات میں مکمل تعاون فراہم کرے گی۔
ان کا کہنا تھا، ’ہم سب کی دعا تھی کہ وہ مزید کئی برس ہمارے درمیان رہیں۔ ہم ان کے اہلِ خانہ سے دلی تعزیت کرتے ہیں اور ان کی روح کے ایصالِ ثواب کے لیے دعا گو ہیں۔ حکومت ہر ممکن تعاون فراہم کرے گی۔‘
انہوں نے 21 نومبر کو یومِ افواج کے موقع پر بیگم خالدہ ضیاء سے اپنی آخری ملاقات کو یاد کرتے ہوئے کہا کہ شدید علالت کے باوجود وہ نہایت شفیق اور دوسروں کا خیال رکھنے والی شخصیت تھیں۔
چیف ایڈوائزر نے مزید کہا ’ان کا انتقال قوم کے لیے ایک عظیم نقصان ہے، خصوصاً ایسے وقت میں جب قومی یکجہتی کی اشد ضرورت ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: بیگم خالدہ ضیاء خالدہ ضیاء کے چیف ایڈوائزر کا اعلان کے لیے
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی