میجر عدیل زمان کی شہادت پر پاکستان تحریک انصاف کا گہرا افسوس
اشاعت کی تاریخ: 30th, December 2025 GMT
پاکستان تحریک انصاف (پی ٹی آئی) نے خیبر پختونخوا کے ضلع باجوڑ میں پاک فوج کے بہادر افسر میجر عدیل زمان کی شہادت پر گہرے دکھ اور افسوس کا اظہار کیا ہے۔ پارٹی نے شہید افسر کو خراجِ تحسین پیش کرتے ہوئے کہا کہ انہوں نے وطن عزیز کے دفاع میں اپنی جان کا نذرانہ پیش کیا۔
مزید پڑھیں: ملک کو ہر قسم کی دہشتگردی سے پاک کریں گے، صدر اور وزیراعظم کا شہید میجر عدیل زمان کو خراج عقیدت
بیان میں کہا گیا ہے کہ پی ٹی آئی شہید کے اہلِخانہ کے غم میں برابر کی شریک ہیں اور ان کے لیے دلی ہمدردی و تعزیت کا اظہار کرتی ہے۔
مزید پڑھیں: دہشتگردوں سے لڑتے ہوئے شہید ہونے والے میجر کی نماز جنازہ ادا، شہدا قوم کا فخر ہیں، فیلڈ مارشل عاصم منیر
پارٹی نے مزید کہا کہ ملک میں دہشتگردی کے واقعات میں اضافہ ہو رہا ہے اور ہمارے بہادر جوان اپنی قیمتی جانوں کی قربانیاں دے رہے ہیں۔ اس سلسلے میں فوری ضرورت ہے کہ ایک واضح، مؤثر اور جامع قومی پالیسی تشکیل دی جائے تاکہ ہمارے جوانوں کے مزید نقصان کو روکا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان تحریک انصاف پی ٹی آئی میجر عدیل زمان.
ذریعہ
ذریعہ: WE News
کلیدی لفظ: پاکستان تحریک انصاف پی ٹی ا ئی میجر عدیل زمان میجر عدیل زمان
پڑھیں:
عالمی مارکیٹ میں تیل کی قیمت 100 ڈالر سے تجاوز، مزید اضافے کا خدشہ
اسلام آباد: مشرق وسطیٰ میں بڑھتی ہوئی کشیدگی کے باعث عالمی مارکیٹ میں تیل کی قیمت میں نمایاں اضافہ ریکارڈ کیا گیا ہے، جہاں برینٹ کروڈ پہلی بار 100 ڈالر فی بیرل کی سطح عبور کر گیا، جبکہ امریکی خام تیل بھی 90 ڈالر فی بیرل سے اوپر پہنچ گیا۔
تازہ عالمی مارکیٹ رپورٹس کے مطابق خطے میں جاری غیر یقینی صورتحال اور سپلائی میں ممکنہ رکاوٹوں کے خدشات نے خام تیل کی قیمتوں کو نئی بلند ترین سطح پر پہنچا دیا ہے۔
ماہرین توانائی کا کہنا ہے کہ اگر مشرق وسطیٰ کی صورتحال مزید کشیدہ ہوئی اور تیل کی ترسیل متاثر ہوئی تو برینٹ کروڈ کی قیمت 120 ڈالر فی بیرل تک پہنچ سکتی ہے۔
تیل کی قیمتیں کیوں بڑھ رہی ہیں؟
تجزیہ کاروں کے مطابق ایران سے تیل کی سپلائی متاثر ہونے کے خدشات، بحیرہ احمر میں حوثیوں کی جانب سے بحری سرگرمیوں میں رکاوٹ اور اہم تجارتی راستوں پر بڑھتے ہوئے خطرات نے عالمی توانائی مارکیٹ کو شدید دباؤ میں ڈال دیا ہے۔
ماہرین کا کہنا ہے کہ ایران کے اہم آئل ٹرمینل جزیرہ خارگ کو کسی بھی ممکنہ نقصان یا تیل کی صنعت میں ہڑتال کی صورت میں عالمی سطح پر سپلائی مزید متاثر ہو سکتی ہے، جس سے قیمتوں میں مزید تیزی آنے کا امکان ہے۔
پاکستان پر کیا اثر پڑ سکتا ہے؟
توانائی ماہرین کے مطابق اگر عالمی مارکیٹ میں تیل کی قیمت اسی رفتار سے بڑھتی رہی تو پاکستان میں بھی پیٹرول، ڈیزل اور دیگر پیٹرولیم مصنوعات مزید مہنگی ہونے کا امکان ہے۔ اس کے علاوہ ٹرانسپورٹ، بجلی کی پیداوار، صنعتی لاگت اور مہنگائی پر بھی اس کے اثرات مرتب ہو سکتے ہیں۔
ماہرین نے خبردار کیا ہے کہ عالمی تیل منڈی میں جاری غیر یقینی صورتحال برقرار رہی تو نہ صرف توانائی کی قیمتیں مزید بڑھ سکتی ہیں بلکہ عالمی معیشت اور سپلائی چین بھی شدید دباؤ کا شکار ہو سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار