غیر ملکی مہمانوں کی آمد پر ناقص انتظامات، بادشاہی مسجد کا عملہ عہدوں سے فارغ
اشاعت کی تاریخ: 30th, December 2025 GMT
شاہد سپرا:غیر ملکی وی وی آئی پی موومنٹ کے دوران ناقص انتظامات پر سخت کارروائی کرتے ہوئے عالمگیری بادشاہی مسجد کے ایڈمنسٹریٹر اور متعلقہ عملے کو عہدوں سے فارغ کر دیا گیا ہے۔
عہدے سے ہٹائے جانے والوں میں بادشاہی مسجد کے ایڈمنسٹریٹر اشفاق ڈیال، نگران بادشاہی مسجد محمد اشفاق اور محمد سلیم شامل ہیں۔ ذرائع کے مطابق وی وی آئی پی موومنٹ کے موقع پر مسجد کے داخلی راستے پر سکیورٹی اور انتظامی امور تسلی بخش نہ تھے، جس پر فوری ایکشن لیا گیا۔
این اے 130 لاہور سے نواز شریف کی کامیابی درست قرار، یاسمین راشد کی درخواست مسترد
ڈپٹی کمشنر لاہور نے ناقص انتظامات پر سیکرٹری اوقاف کو باضابطہ شکایت ارسال کی، جس کے بعد سیکرٹری اوقاف ڈاکٹر احسان بھٹہ نے معطلی اور عہدے سے فارغ کرنے کے احکامات جاری کیے۔
انتظامی خلا کو فوری طور پر پُر کرنے کے لیے محمد علی خان کو نیا ایڈمنسٹریٹر بادشاہی مسجد تعینات کر دیا گیا ہے۔ حکام کا کہنا ہے کہ تاریخی اور مذہبی مقامات پر وی وی آئی پی موومنٹ کے دوران کسی بھی قسم کی غفلت برداشت نہیں کی جائے گی۔
شاہین آفریدی کو بڑا دھچکا، انجری کے باعث بگ بیش لیگ سے باہر
.
ذریعہ
ذریعہ: City 42
کلیدی لفظ: بادشاہی مسجد
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا