شدید برفباری میں اسکول جانے والے بچے کی ویڈیو وائرل، صدر نے ملاقات میں بڑا اعلان کردیا
اشاعت کی تاریخ: 30th, December 2025 GMT
سخت سرد موسم اور محدود سہولیات کے باوجود کرغزستان کے ایک کم عمر طالب علم کی تعلیم سے غیر معمولی وابستگی کی متاثر کن داستان سوشل میڈیا پر توجہ حاصل کر رہی ہے۔
سوشل میڈیا پر ایک ویڈیو وائرل ہو رہی ہے جس میں بچے کو ایک میٹر سے زیادہ گہری برف میں پیدل چلتے ہوئے اسکول جاتے دیکھا جا سکتا ہے۔ ویڈیو میں نظر آنے والے مناظر نہ صرف موسم کی شدت کو نمایاں کرتے ہیں بلکہ بچے کے پختہ ارادے اور تعلیم سے لگن کی بھرپور عکاسی بھی کرتے ہیں۔
یہ بھی پڑھیں: نوجوان نے ٹوتھ پک سے 17 فٹ بلند ایفل ٹاور بنا کر گنیز ورلڈ ریکارڈ قائم کردیا
شدید سردی اور دشوار گزار راستوں کے باوجود بچہ اسکول جا رہا تھا۔ سوشل میڈیا پر گردش کرنے والی اس ویڈیو نے نہ صرف عوام کے دل جیت لیے بلکہ کرغزستان کے صدر بھی اس سے بے حد متاثر ہوئے۔
کرغزستان میں ایک اسکول کے طالبعلم کی ویڈیو وائرل ہو گئی، جو میٹر گہری برف میں پیدل اسکول جاتا دکھائی دیا۔
بچے کے سیکھنے کے جذبے نے صدر کی توجہ حاصل کی، جنہوں نے اسے صدارتی نیو ایئر ٹری تقریب میں مدعو کیا اور ذاتی طور پر لیپ ٹاپ، فٹبال اور اپنا موبائل فون تحفے میں دیا۔ pic.
— Mehwish Qamas Khan (@MehwishQamas) December 29, 2025
ویڈیو منظرِ عام پر آنے کے بعد صدر نے بچے کے جذبۂ تعلیم کو سراہتے ہوئے اسے نئے سال کی صدارتی تقریب میں خصوصی طور پر مدعو کیا۔ صدر سے ملاقات کے بعد یہ بچہ جو اب سوشل میڈیا پر ’سنو بوائے‘ کے نام سے پہچانا جا رہا ہے ایک بار پھر خبروں کی زینت بن گیا۔
یہ بھی پڑھیں: بلیک ہول کے نزدیک کیا ہوتا ہے، اہم راز سے پردہ اٹھ گیا
وائرل تصاویر میں وہ مسکراتے چہرے کے ساتھ صدرِ مملکت سے تحائف وصول کرتے دکھائی دے رہا ہے۔ صدر نے طالب علم کو لیپ ٹاپ، فٹبال اور موبائل فون بطور تحفہ دیا۔
کم عمر طالب علم کی یہ جدوجہد نہ صرف کرغزستان بلکہ دنیا بھر کے طلبہ کے لیے ایک متاثر کن مثال بن گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سنو بوائے کرغزستان
ذریعہ
ذریعہ: WE News
کلیدی لفظ: سنو بوائے کرغزستان سوشل میڈیا پر
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار