بلدیاتی انتخابات پر پی ٹی آئی میں اندرونی اختلافات شدت اختیار کر گئے
اشاعت کی تاریخ: 30th, December 2025 GMT
پاکستان تحریک انصاف میں بلدیاتی انتخابات کے معاملے پر اندرونی اختلافات کھل کر سامنے آ گئے ہیں، جس کے باعث پارٹی قیادت کو دباؤ کا سامنا ہے۔
ذرائع کے مطابق پی ٹی آئی کے سیکرٹری جنرل نے ریجنل صدور کو اعتماد میں لیے بغیر اپنی صوابدید پر پارلیمانی بورڈ تشکیل دے دیا، جس پر پارٹی کے مختلف رہنماؤں نے سخت تحفظات کا اظہار کیا۔ احتجاج بڑھنے پر سلمان اکرم راجا نے قائم کیا گیا پارلیمانی بورڈ ختم کر دیا۔
پارٹی ذرائع کا کہنا ہے کہ رہنماؤں نے مطالبہ کیا ہے کہ نیا پارلیمانی بورڈ پارٹی آئین کے مطابق تشکیل دیا جائے۔ اس کے ساتھ ساتھ یہ بھی کہا گیا ہے کہ نئے بورڈ میں ریجنل صدور، ٹکٹ ہولڈرز، اراکین قومی اسمبلی اور سینیٹرز کو نمائندگی دی جائے تاکہ فیصلے مشاورت سے ہو سکیں۔
پی ٹی آئی قیادت نے صورتحال کو سنبھالتے ہوئے آج نیا پارلیمانی بورڈ بنانے کا فیصلہ کیا ہے، جس کا مقصد بلدیاتی انتخابات سے قبل پارٹی کے اندر اتفاقِ رائے پیدا کرنا ہے۔
ذریعہ
ذریعہ: Daily Mumtaz
کلیدی لفظ: پارلیمانی بورڈ
پڑھیں:
جی بی الیکشن:سکردو سےمسلم لیگ ن کو بڑی کامیابی مل گئی
سکردو(نیوز ڈیسک)گلگت بلتستان انتخابات 2026 کے سلسلے میں سیاسی سرگرمیاں عروج پر پہنچ گئی ہیں اور مختلف سیاسی جماعتوں کے مرکزی رہنما انتخابی مہم میں بھرپور حصہ لے رہے ہیں،انتخابات کیلئے پولنگ 7 جون کو ہوگی۔ الیکشن سے قبل ہی حاجی اکبر تابان امیدوار پاکستان مسلم لیگ ن نے اسکردو سے بڑی کامیابی حاصل کر لی، مہا جرین 1971 نے مسلم ن کی مکمل حمایت کا اعلان کر دیا ہے۔
دوسری جانب چیئرمین پیپلزپارٹی بلاول بھٹو زرداری اور خاتون اول آصفہ بھٹو آج گلگت اور ہنزہ کا دورہ کریں گے، دونوں رہنما ہنزہ میں عوامی اجتماع سے خطاب کریں گے جبکہ بلاول بھٹو زرداری کی گلگت میں پارٹی ٹکٹ ہولڈرز سے ملاقاتیں بھی متوقع ہیں۔ چیئرمین پی ٹی آئی بیرسٹر گوہر سکردو اور دیگر اضلاع میں انتخابی سرگرمیوں میں مصروف رہیں گے، وہ پارٹی رہنماؤں کے انتخابی دفاتر کا دورہ کریں گے اور کارکنان سے بھی خطاب کریں گے۔
مسلم لیگ (ن) کے رہنما خواجہ سعد رفیق، عابد شیر علی، مرتضیٰ جاوید عباسی اور عابد رضا کوٹلہ مختلف مقامات پر جلسوں سے خطاب کریں گے۔ پارٹی ذرائع کے مطابق ن لیگی رہنما آج مجموعی طور پر چار مقامات پر عوامی اجتماعات سے خطاب کریں گے۔ ادھر وفاقی وزیر انجنئیر امیر مقام بھی گلگت میں موجود ہیں جہاں ان کی مختلف سیاسی رہنماؤں سے ملاقاتیں شیڈول ہیں۔ گلگت بلتستان اسمبلی انتخابات کے لیے سیاسی جماعتوں کی جانب سے ووٹرز کو متحرک کرنے کی کوششیں آخری مرحلے میں داخل ہو چکی ہیں ۔
مزید پڑھیں۔بجٹ میں اراکین پارلیمنٹ کے لاجز کی تعمیر کیلئے ڈیڑھ ارب روپے مختص کرنے کی تجویز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ