جنوبی یمن کے حالات امریکہ، اسرائیل، امارات کی مشترکہ سعودی سازش ہے، انصار اللہ
اشاعت کی تاریخ: 31st, December 2025 GMT
خبر رساں ادارے تسنیم کے بین الاقوامی گروپ کے مطابق، یمن کے مقبوضہ علاقوں میں سعودی اور اماراتی کرائے کے جنگجوؤں کے درمیان کشیدگی اور جھڑپوں میں شدت آنے کے سعودی عرب کی جانب سے ابوظبی کے خلاف سخت بیان جاری کیا گیا۔ اسلام ٹائمز۔ تحریک انصار اللہ کے فوجی عہدیدار بریگیڈیئر عابد الثور نے یمن کے جنوب میں سعودی عرب اور متحدہ عرب امارات کے درمیان کھلی جنگ کو دونوں فریقوں کی جانب سے اس ملک کی دولت پر قبضہ جمانے کی لالچ کا نتیجہ قرار دیا۔ خبر رساں ادارے تسنیم کے بین الاقوامی گروپ کے مطابق، یمن کے مقبوضہ علاقوں میں سعودی اور اماراتی کرائے کے جنگجوؤں کے درمیان کشیدگی اور جھڑپوں میں شدت آنے کے بعد، جس کے ساتھ ہی سعودی عرب کی جانب سے ابوظبی کے خلاف سخت بیان جاری کیا گیا اور یمن سے اماراتی عناصر کے انخلا کے لیے 24 گھنٹے کی مہلت دی گئی۔
تحریک انصار اللہ یمن کے فوجی عہدیدار بریگیڈیئر عابد الثور نے ان واقعات پر ردِعمل ظاہر کرتے ہوئے کہا کہ صنعاء جنوبی یمن کی صورتحال پر قریبی نظر رکھے ہوئے ہے اور ملک کی خودمختاری پر کسی بھی قسم کی جارحیت کو مسترد کرتا ہے۔ المیادین کے مطابق، عابد الثور نے زور دے کر کہا کہ جنوبی یمن میں جو کچھ ہو رہا ہے وہ امریکہ اور اسرائیل کے احکامات پر مبنی ایک اماراتی سعودی سازش ہے۔ انہوں نے مزید کہا کہ سعودی عرب حضرموت پر کنٹرول حاصل کرنا چاہتا ہے تاکہ بحیرۂ عرب کے راستے اپنے تیل کی ترسیل کو یقینی بنا سکے۔ انصار اللہ کے اس فوجی عہدیدار نے کہا کہ اس کے مقابلے میں متحدہ عرب امارات یمن کی جنوبی بندرگاہوں پر قبضہ جمانا چاہتا ہے تاکہ اپنی بحری بالادستی مسلط کر سکے۔
بریگیڈیئر عابد الثور نے واضح کیا کہ سعودی عرب کبھی بھی امارات کے فائدے کے لیے حضرموت اور المہرہ پر کنٹرول کے اپنے منصوبے سے دستبردار نہیں ہوگا۔ یمن کے مقبوضہ علاقوں میں سعودی اور اماراتی کرائے کے جنگجوؤں کے درمیان جھڑپوں اور بحران میں شدت، اور مشرقی یمن کے صوبہ حضرموت میں واقع بندرگاہ مکلا پر سعودی فضائی حملے کے بعد جو امارات سے وابستہ جنوبی عبوری کونسل کے کنٹرول میں ہے، سعودی وزارت خارجہ نے آج ایک بیان جاری کرتے ہوئے کہا کہ یمن میں امارات کی جانب سے اٹھائے گئے اقدامات نہایت خطرناک ہیں۔
وزارت خارجہ نے مزید کہا کہ متحدہ عرب امارات کے اقدامات ان اصولوں کے منافی ہیں جن کی بنیاد پر اتحاد (یعنی جارح اتحاد) قائم کیا گیا تھا۔ ہم حضرموت اور المہرہ میں کارروائیاں انجام دینے کے لیے جنوبی عبوری کونسل پر امارات کی جانب سے ڈالے گئے دباؤ پر انتہائی افسوس کا اظہار کرتے ہیں۔ بیان میں مزید کہا گیا: ہم یمن کی سلامتی، استحکام اور خودمختاری کے لیے اپنی وابستگی کا اعلان کرتے ہیں اور یمن کی صدارتی کونسل کے سربراہ (سعودی عرب سے وابستہ کرائے کی حکومت) کی مکمل حمایت پر زور دیتے ہیں۔ اسی طرح سعودی عرب کی قومی سلامتی کی کسی بھی خلاف ورزی یا دھمکی کو ہم اپنی سرخ لکیر سمجھتے ہیں اور اس کا مقابلہ کرنے کے لیے ہر ممکن اقدام اٹھانے سے گریز نہیں کریں گے۔
ذریعہ
ذریعہ: Islam Times
کلیدی لفظ: عابد الثور نے انصار اللہ کی جانب سے کے درمیان کے لیے یمن کی یمن کے کہا کہ
پڑھیں:
ٹرمپ کی خام خیالی تھی وہ ہمیں مذاکرات میں لگاکر حزب اللہ کیخلاف کارروائیاں کریں گے، ایرانی سفیر
ایرانی سفیر رضا امیری مقدم(فائل فوٹو)۔پاکستان میں متعین ایرانی سفیر رضا امیری مقدم نے کہا کہ ٹرمپ کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
ایرانی سفیر نے کہا کہ میناب میں اسکول اور عام شہریوں کو نشانہ بنایا گیا، امریکا اور اسرائیل کو 40 روزہ جنگ کے بعد شکست کا سامنا کرنا پڑا۔
اسلام آباد میں تقریب سے خطاب کرتے ہوئے ایرانی سفیر رضا امیری مقدم نے مزید کہا کہ مذاکرات کے حوالے پاکستان ثالث کے طور پر ابھرا، ہم مذاکرات میں اس لیے آئے کہ ہماری نیت ہے، ٹرمپ کہتے ہیں کہ ہمارے پاس ایٹمی ہتھیار نہیں ہونے چاہئیں۔
ایرانی سفیر نے کہا ہمارے رہبر اعلیٰ نے فتویٰ دیا ہوا ہے کہ ہم ایٹمی ہتھیاروں کو حرام سمجھتے ہیں، مذاکرات کی میز پر امریکی کہتے ہیں آپ یورینیم بھی افزودہ نہیں کرسکتے۔
رضا امیری مقدم نے کہا کہ ایٹمی ہتھیاروں اور پرامن مقاصد کیلئے یورینیم افزودہ کرنا الگ ہے، امریکا اور مغرب کے سامنے ایران کبھی نہیں جھکے گا۔
ایرانی سفیر نے کہا کہ ٹرمپ صبح سے شام تک دیوانوں کی طرح باتیں کرتے رہتے ہیں، ان کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ