بنگلہ دیش: پارٹی لائن کی خلاف ورزی پر بی این پی سے 9 سینیئر رہنماؤں کا اخراج
اشاعت کی تاریخ: 31st, December 2025 GMT
بنگلہ دیش کی بڑی اپوزیشن جماعت بنگلہ دیش نیشنلسٹ پارٹی (بی این پی) نے موجودہ سیاسی تبدیلی کے دوران پارٹی پالیسی کے خلاف سرگرمیوں پر اپنے 9 سینیئر رہنماؤں کو پارٹی سے خارج کر دیا ہے۔
یہ بھی پڑھیں:بنگلہ دیش میں سوگ، خالدہ ضیا کی آخری رسومات آج ادا کی جائیں گی
بی این پی کی جانب سے جاری بیان کے مطابق پارٹی فیصلوں کی خلاف ورزی کرنے پر 9 رہنماؤں کو تمام عہدوں اور بنیادی رکنیت سے نکال دیا گیا ہے۔ اس فیصلے کا اعلان پارٹی کے سینئر جوائنٹ سیکریٹری جنرل روحل کبیر رضوی کے دستخط سے جاری بیان میں کیا گیا۔
پارٹی سے نکالے جانے والوں میں بیرسٹر رومین فرحانہ شامل ہیں، جو سابق رکن پارلیمنٹ اور اسسٹنٹ سیکریٹری برائے بین الاقوامی امور رہ چکی ہیں۔ اس کے علاوہ ڈھاکہ نارتھ سٹی بی این پی کے سابق کنوینر سیف الاسلام نیرو بھی ان رہنماؤں میں شامل ہیں۔
بی این پی کے مطابق دیگر خارج کیے گئے افراد کا تعلق پارٹی کی قومی کمیٹیوں اور ضلعی قیادت سے تھا۔ بیان میں کہا گیا ہے کہ ان رہنماؤں نے ایسی تنظیمی سرگرمیوں میں حصہ لیا جو پارٹی کی مرکزی قیادت کے فیصلوں کے منافی تھیں۔
یہ فیصلہ ایسے وقت میں سامنے آیا ہے جب بنگلہ دیش میں اہم سیاسی پیشرفت کے بعد بی این پی کو اندرونی اختلافات اور حکمت عملی سے متعلق بحث کا سامنا ہے۔ پارٹی قیادت کا کہنا ہے کہ نظم و ضبط اور اجتماعی فیصلوں کی پابندی ہر سطح پر لازمی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بی این پی پارٹی سے اخراج.
ذریعہ
ذریعہ: WE News
کلیدی لفظ: بنگلہ دیش بی این پی پارٹی سے اخراج بنگلہ دیش بی این پی رہنماو ں
پڑھیں:
نواز شریف ایک روزہ دورے پر گلگت بلتستان پہنچ گئے
گلگت (ڈیلی پاکستان آن لائن) پاکستان مسلم لیگ (ن) کے صدر اور سابق وزیراعظم نواز شریف ایک روزہ دورے پر گلگت بلتستان پہنچ گئے۔
نجی ٹی وی چینل دنیا نیوز کے مطابق وفاقی وزراء خواجہ محمد آصف، احسن اقبال، رانا ثناء اللہ، سینیٹر پرویز رشید، پنجاب کی سینئر صوبائی وزیر مریم اورنگزیب، سینیٹر انوشہ رحمن، کاظم پیرزادہ بھی نواز شریف کے ہمراہ ہیں۔
گلگت پہنچنے پر وفاقی وزیر امور کشمیر انجینئر امیر مقام، سابق وزیراعلیٰ گلگت بلتستان حافظ حفیظ الرحمان، کیپٹن (ر) محمد صفدر اور دیگر پارٹی رہنماؤں نے پارٹی صدر کا استقبال کیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
نواز شریف پارٹی رہنماؤں اور گلگت بلتستان کے انتخابات میں حصہ لینے والے پارٹی ٹکٹ ہولڈرز سے ملاقاتیں کریں گے۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ