کنگ سلمان ریلیف کا پاکستان میں مویشیوں پر مبنی معاشی خودمختاری منصوبے کا دوسرا مرحلہ مکمل
اشاعت کی تاریخ: 31st, December 2025 GMT
سعودی عرب کے فلاحی ادارے کنگ سلمان ہیومینیٹیرین ایڈ اینڈ ریلیف سینٹر (KSrelief) نے پاکستان میں کمزور خاندانوں کو معاشی طور پر بااختیار بنانے کے لیے شروع کیے گئے مویشیوں پر مبنی منصوبے کا دوسرا مرحلہ کامیابی سے مکمل کر لیا ہے۔ ادارے نے منگل کے روز اس منصوبے کی تکمیل کا اعلان کیا۔
منصوبے کے دوسرے مرحلے کے تحت خیبر پختونخوا کے اضلاع سوات، صوابی، ہری پور اور مانسہرہ میں ایک ہزار مستحق اور کمزور خاندانوں کو مکمل پولٹری روزگار پیکجز فراہم کیے گئے۔
کے ایس ریلیف کے مطابق ہر مستفید ہونے والے خاندان کو 25 پولٹری پرندے دیے گئے، جبکہ اس کے ساتھ مکمل پولٹری کِٹ بھی فراہم کی گئی، جس میں 50 کلوگرام فیڈ، فیڈرز کے 2 سیٹ، ایک پانی پلانے کا برتن (ڈرنکر)، انڈوں کی ٹرے اور حفاظتی جالی شامل تھی۔
یہ بھی پڑھیے کنگ سلمان ریلیف کا معاشی بااختیاری منصوبہ، مستحق گھرانوں میں مرغیوں کی تقسیم کا دوسرا مرحلہ مکمل
ادارے کے بیان کے مطابق اس کے علاوہ پولٹری مینجمنٹ اور آمدنی پیدا کرنے سے متعلق 40 باقاعدہ تربیتی سیشنز بھی منعقد کیے گئے، جن میں محکمہ لائیو اسٹاک کی تکنیکی معاونت شامل رہی۔ ان تربیتی نشستوں کا مقصد مستفید خاندانوں کو چھوٹے پیمانے پر پولٹری کاروبار کو پائیدار طریقے سے چلانے کی مہارتیں فراہم کرنا تھا۔
یہ منصوبہ پیس اینڈ ڈیولپمنٹ آرگنائزیشن (PADO) نے ریلیف، ری ہیبلیٹیشن اینڈ سیٹلمنٹ ڈیپارٹمنٹ (RRSD)، پی ڈی ایم اے خیبر پختونخوا اور مقامی ضلعی انتظامیہ کے قریبی تعاون سے نافذ کیا۔
کے ایس ریلیف کے مطابق گزشتہ برسوں کے دوران ادارے نے پاکستان میں خوراک کی فراہمی، صحت، تعلیم اور آفات سے نمٹنے کے شعبوں میں متعدد منصوبے شروع کیے ہیں، جس سے پاکستان اور سعودی عرب کے درمیان دوستی اور برادرانہ تعلقات مزید مضبوط ہوئے ہیں۔
مزید پڑھیں: کنگ سلمان ریلیف سینٹر کا معاشی بااختیاری منصوبہ: پہلے مرحلے میں 1,000 گھرانوں کو مویشی فراہم
ادارے کا کہنا ہے کہ پاکستان میں مویشیوں کے ذریعے کمزور خاندانوں کو معاشی طور پر بااختیار بنانے کا منصوبہ ان اضلاع میں معاشی استحکام، گھریلو غذائیت میں بہتری اور غذائی تحفظ کو فروغ دینے کے لیے ترتیب دیا گیا تھا۔
منصوبے کے اس مرحلے کی کامیاب تکمیل کے بعد یہ اقدام خود انحصاری، باعزت روزگار کے مواقع اور طویل مدتی معاشی استحکام کے فروغ میں معاون ثابت ہوا ہے۔ کے ایس ریلیف نے مستقبل میں بھی پاکستان میں کمزور طبقے کی معاونت اور جامع معاشی ترقی کے لیے تعاون جاری رکھنے کے عزم کا اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان سعودی عرب کنگ سلمان ہیومینیٹیرین ایڈ اینڈ ریلیف سینٹر لائیوسٹاک.
ذریعہ
ذریعہ: WE News
کلیدی لفظ: پاکستان لائیوسٹاک پاکستان میں خاندانوں کو کے لیے
پڑھیں:
فلم ’کالا ہرن‘ پر سلمان خان کا قانونی نوٹس، پروڈیوسر نے الزامات مسترد کر دیے
بالی ووڈ سپر اسٹار سلمان خان نے ایک آنے والی فلم ’کالا ہرن‘ کے خلاف قانونی کارروائی کا آغاز کرتے ہوئے فلم سازوں کو نوٹس جاری کر دیا۔
یہ بھی پڑھیں: میں اکیلا نہیں ہوں، سلمان خان کی انسٹا پوسٹ نے ماں سمیت لاکھوں مداحوں کو بے چین کردیا
فلم کے بارے میں کہا جا رہا ہے کہ اس کی کہانی سنہ 1998 کے مشہور کالا ہرن شکار کیس سے متاثر ہے جس میں سلمان خان کا نام سامنے آیا تھا۔
بھارتی میڈیا رپورٹس کے مطابق سلمان خان کی قانونی ٹیم نے کاسٹنگ ڈائریکٹر اکشے پانڈے کو نوٹس بھجوایا ہے جس میں فلم کو اداکار کی شخصیت اور ساکھ کے خلاف قرار دیتے ہوئے اس کی تشہیری مہم اور ریلیز فوری طور پر روکنے کا مطالبہ کیا گیا ہے۔
قانونی نوٹس میں مؤقف اختیار کیا گیا ہے کہ کالا ہرن کیس اب بھی راجستھان ہائیکورٹ میں زیر سماعت ہے جبکہ فلم مبینہ طور پر سلمان خان کی شخصیت اور شہرت کو نقصان پہنچانے کی کوشش ہے۔
سلمان خان کے وکلا کا کہنا ہے کہ ان کے مؤکل نے نہ تو اپنی شخصیت، نام یا اس واقعے سے متعلق کسی مواد کے استعمال کی اجازت دی ہے اور نہ ہی اس پر رضامندی ظاہر کی ہے۔
مزید پڑھیے: سلمان خان کی نقل کیوں کی؟ رجب بٹ نے اپنی اس حرکت کی وجہ بتادی
دوسری جانب فلم کے پروڈیوسر امیت جانی نے قانونی نوٹس کو سوشل میڈیا پر شیئر کرتے ہوئے سلمان خان کے مؤقف کو مسترد کر دیا۔ انہوں نے دعویٰ کیا کہ قانونی نوٹس کا مقصد صرف فلم سے وابستہ افراد کو دباؤ میں لانا ہے۔
امیت جانی نے فیس بک پر لکھا کہ سلمان خان کالا ہرن سے وابستہ لوگوں کو قانونی نوٹس کے ذریعے دھمکا رہے ہیں لیکن یہ صرف خوف پیدا کرنے کی کوشش ہے تاکہ لوگ دباؤ میں آ جائیں۔
فلم کے حوالے سے بحث اس وقت مزید تیز ہوگئی جب اس کا پہلا پوسٹر جاری کیا گیا۔ پوسٹر میں ایک شخص کو بندوق تھامے دکھایا گیا ہے جس نے فیروزی رنگ کا وہی بریسلٹ پہن رکھا ہے جو سلمان خان کی پہچان سمجھا جاتا ہے۔
مزید پڑھیں: سلمان خان کے 42 سال پرانے قریبی دوست کا انتقال، اداکار کا سوشل میڈیا پر جذباتی پیغام
فلم سازوں کے مطابق ’کالا ہرن: دی بیٹل فار لیگسی‘ حقیقی قانونی تنازعات اور ایکشن پر مبنی کہانی پیش کرے گی جبکہ اس کا ٹیزر 20 جون کو جاری کیے جانے کا اعلان کیا گیا ہے۔
کالا ہرن کیس کیا تھا؟سنہ1998 میں فلم ’ہم ساتھ ساتھ ہیں‘ کی شوٹنگ کے دوران سلمان خان پر راجستھان کے ضلع جودھ پور کے قریب کنکانی گاؤں میں 2 کالے ہرن شکار کرنے کا الزام عائد کیا گیا تھا۔
اس مقدمے میں سلمان خان کے ساتھ اداکار سیف علی خان، سونالی بیندرے، نیلم اور تبو کے نام بھی شامل تھے تاہم بعد میں دیگر تمام فنکاروں کو بری کر دیا گیا تھا۔
اپریل 2018 میں جودھ پور کی ایک عدالت نے سلمان خان کو مجرم قرار دیتے ہوئے 5 سال قید کی سزا سنائی تھی تاہم بعد ازاں انہیں ضمانت مل گئی۔
یہ بھی پڑھیے: رنویر سنگھ کے بعدسلمان خان کے بہنوئی کو بھی دھمکی آمیز پیغام موصول
سنہ 2022 میں راجستھان ہائیکورٹ نے اس کیس سے متعلق تمام مقدمات اپنے دائرہ اختیار میں لے لیے تھے جہاں اب بھی کارروائی جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ سلمان خان سلمان خان اور کالا ہرن سلمان خان اور مقدمہ فلم کالا ہرن کالا ہرن
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ