فیفا صدر جیانی انفانٹینو سے ملاقات، ارشد ندیم عالمی اسپورٹس آئیکون بن گئے
اشاعت کی تاریخ: 31st, December 2025 GMT
پیرس اولمپکس میں تاریخ ساز کامیابی حاصل کرنے والے قومی ہیرو ارشد ندیم کی دنیا کے کھیلوں کی سب سے طاقتور اور بااثر شخصیات میں شمار ہونے والے فیفا کے صدر جیانی انفانٹینو سے دلچسپ اور یادگار ملاقات ہوئی ہے۔
یہ ملاقات دبئی میں ورلڈ اسپورٹس سمٹ کے موقع پر ہوئی، جس کے بعد ارشد ندیم نے سماجی رابطے کے پلیٹ فارم ایکس (سابقہ ٹوئٹر) پر اپنے جذبات کا اظہار کرتے ہوئے لکھا کہ ’میدان سے عالمی فورمز تک، کھیل کی واقعی ایک ہی زبان ہوتی ہے۔ ورلڈ اسپورٹس سمٹ میں فیفا کے صدر جیانی انفانٹینو سے ملاقات میرے لیے باعثِ اعزاز رہی۔‘
یہ بھی پڑھیے پیرس اولمپکس کے ہیرو ارشد ندیم کو دبئی میں بھی عالمی اعزاز مل گیا
اس ملاقات پر تبصرہ کرتے ہوئے تجزیہ کاروں کا کہنا ہے کہ جب ارشد ندیم جیسی پاکستانی اسپورٹس شخصیت کی ملاقات عالمی کھیلوں کی قیادت کرنے والی شخصیت سے ہوتی ہے تو یہ اس بات کا واضح ثبوت ہے کہ انہوں نے پاکستان کا نام بین الاقوامی سطح پر کس قدر بلند کر دیا ہے۔
ماہرین کے مطابق یہ محض ایک رسمی ملاقات نہیں بلکہ عالمی سطح پر تسلیم کیے جانے کا ایک تاریخی لمحہ ہے، جو وقار، مقام اور عالمی پہچان کی علامت بن چکا ہے۔
ارشد ندیم اب صرف پاکستان کے جیولن تھرو کے چیمپئن نہیں رہے بلکہ وہ پاکستانی کھیلوں کے عالمی سفیر کے طور پر ابھر چکے ہیں۔ وہ ایسے بین الاقوامی اسپورٹس آئیکون بن گئے ہیں جو دنیا کے اعلیٰ ترین کھیلوں کے فورمز پر پاکستان کی نمائندگی کر رہے ہیں۔
یہ بھی پڑھیے ٹوکیو اولمپکس کے بعد پاکستان چھوڑنے کی آفر ہوئی جسے مسترد کردیا تھا، ارشد ندیم
آج جہاں بھی کھیلوں کی دنیا کی بڑی شخصیات جمع ہوتی ہیں، وہاں پاکستان کا ایک نمایاں چہرہ ضرور نظر آتا ہے اور وہ چہرہ ارشد ندیم کا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارشد ندیم پیرس اولمپکس کے ہیرو فیفا کے صدر جیانی انفانٹینو.
ذریعہ
ذریعہ: WE News
کلیدی لفظ: پیرس اولمپکس کے ہیرو فیفا کے صدر جیانی انفانٹینو صدر جیانی انفانٹینو
پڑھیں:
سونے کی قیمت میں نمایاں کمی
عالمی اور مقامی مارکیٹس میں سونے کی قیمت میں نمایاں کمی دیکھی گئی۔آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا ایک ہزار 800 روپے سستا ہوگیا، جس کے بعد سونے کی نئی قیمت 4 لاکھ 35 ہزار 636 روپے ہوگئی، اسی طرح 10 گرام سونے کی قیمت میں ایک ہزار 543 روپے کی کمی ہوئی، جس کے بعد نئی قیمت 3 لاکھ 73 ہزار 487 روپے مقرر کی گئی ہے۔دوسری جانب عالمی مارکیٹ میں بھی سونے کی قیمت میں کمی کا رجحان دیکھا گیا، جہاں فی اونس سونا 18 ڈالر سستا ہونے کے بعد 4 ہزار 96 ڈالر پر آگیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا