اسلام آباد پولیس کے نیو ایئر نائٹ پر فول پروف سکیورٹی انتظامات، 3500 اہلکار تعینات
اشاعت کی تاریخ: 31st, December 2025 GMT
انسپکٹر جنرل آف پولیس اسلام آباد سید علی ناصر رضوی نے کہا ہے کہ نیو ائیر نائٹ کے موقعے پر وفاقی دارالحکومت میں فول پروف سکیورٹی انتظامات کیے گئے ہیں تاکہ شہری پرامن اور محفوظ ماحول میں نئے سال کی خوشیاں منا سکیں۔
سید علی ناصر رضوی کے مطابق اسلام آباد پولیس کے 3500 اہلکار جبکہ ٹریفک مینجمنٹ کے لیے 350 ٹریفک افسران تعینات کیے گئے ہیں۔
ہلڑبازی، ون وہیلنگ و ہوائی فائرنگ ناقابل قبولآئی جی اسلام آباد نے بتایا کہ شہر میں خصوصی سیکیورٹی دستے اور کوئیک ریسپانس فورس بھی تعینات ہوگی جبکہ ہلڑ بازی، ون ویلنگ، اسکڈنگ، ہراسمنٹ، ہوائی فائرنگ اور آتش بازی کے خلاف زیرو ٹالرنس پالیسی کے تحت سخت کریک ڈاؤن کیا جائے گا۔ انہوں نے کہا کہ قانون ہاتھ میں لینے والے عناصر کے ساتھ آہنی ہاتھوں سے نمٹا جائے گا۔
’مہذب شہری ہونے کا ثبوت دیں‘آئی جی اسلام آباد نے والدین سے اپیل کی کہ وہ اپنے بچوں کو کسی بھی غیر قانونی سرگرمی سے دور رکھیں اور شہریوں پر زور دیا کہ خوشیاں ضرور منائیں مگر قانون کے دائرے میں رہ کر مہذب شہری ہونے کا ثبوت دیں۔
ان کا کہنا تھا کہ اسلام آباد پولیس شہر میں امن و امان برقرار رکھنے کے لیے ہمہ وقت موجود رہے گی۔
اہم مقامات پر سخت چیکنگدوسری جانب ایس ایس پی آپریشنز اسلام آباد قاضی علی رضا اور چیف ٹریفک آفیسر حمزہ ہمایوں کی زیر صدارت نیو ائیر نائٹ کے حوالے سے ایک اعلیٰ سطحی اجلاس منعقد ہوا، جس میں زونل ایس پیز، ایس ڈی پی اوز، ایس ایچ اوز اور ٹریفک افسران نے شرکت کی۔
اجلاس میں فیصلہ کیا گیا کہ نیو ایئر نائٹ کے موقع پر شہر کے داخلی و خارجی راستوں سمیت اندرون شہر سخت چیکنگ کو یقینی بنایا جائے گا جبکہ اہم مقامات، تجارتی مراکز اور مارکیٹس میں پولیس کی اضافی نفری تعینات کی گئی ہے۔
سیف سٹی اور ڈرون کیمروں کے ذریعے شہر کی نگرانی بھی کی جائے گی۔
ایس ایس پی آپریشنز قاضی علی رضا نے کہا کہ تمام سینیئر افسران فیلڈ میں موجود رہیں گے اور نفری کو مسلسل بریف کریں گے۔
سال نو پر اپنی غلفت سے لوگوں کی جان لینے سے گریز کی اپیلانہوں نے شہریوں سے اپیل کی کہ وہ ہوائی فائرنگ، ون وہیلنگ، خطرناک ڈرائیونگ اور کسی بھی قسم کی قانون شکنی سے مکمل اجتناب کریں کیونکہ یہ اقدامات نہ صرف غیر قانونی ہیں بلکہ قیمتی انسانی جانوں کے لیے شدید خطرہ بن سکتے ہیں۔
چیف ٹریفک آفیسر حمزہ ہمایوں نے بتایا کہ ٹریفک کی بلا تعطل روانی کو یقینی بنانے کے لیے خصوصی ٹریفک ٹیمیں تشکیل دی گئی ہیں جبکہ ٹریفک پولیس کے افسران امن و امان کے مربوط نظام کو برقرار رکھنے کے لیے آپریشنل پولیس کے ہمراہ موجود رہیں گے۔
شہریوں سے پولیس کے ساتھ تعاون کی اپیلپولیس حکام نے شہریوں سے دورانِ چیکنگ مکمل تعاون کی اپیل کرتے ہوئے کہا کہ پولیس افسران شہریوں کے ساتھ خوش اخلاقی سے پیش آئیں گے کیونکہ شہریوں کے جان و مال کا تحفظ اور شہر میں امن و امان برقرار رکھنا اسلام آباد پولیس کی اولین ترجیحات میں شامل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد پولیس اسلام آباد سیکیورٹی اقدامات اسلام آباد نیو ایئر نائٹ نیو ایئر 2026 نیو ایئر نائٹ.
ذریعہ
ذریعہ: WE News
کلیدی لفظ: اسلام ا باد پولیس اسلام ا باد سیکیورٹی اقدامات اسلام ا باد نیو ایئر نائٹ نیو ایئر 2026 نیو ایئر نائٹ اسلام آباد پولیس نیو ایئر نائٹ پولیس کے کے لیے
پڑھیں:
کراچی میں موٹر سائيکل چوری میں ملوث خاتون گرفتار
اسکرین گریب/ ایکسکراچی میں موٹر سائيکل چوری میں ملوث خاتون کو گرفتار کرلیا گیا۔
سولجر بازار کے علاقے میں پولیس نے کارروائی کرکے موٹر سائیکل لفٹنگ میں ملوث خاتون ملزمہ کو گرفتار کیا ہے، پولیس کے مطابق خفیہ اطلاع پر کارروائی کرکے ملزمہ کو گرفتار کیا گیا ہے۔
پولیس کا کہنا ہے کہ ملزمہ کی گرفتاری سی سی ٹی وی فوٹیج کی مدد سے عمل میں آئی ہے، ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔
سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جا سکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔
پولیس کا کہنا ہے کہ گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار