دعا ہے نیا سال پوری دنیا میں امن، انصاف اور انسانی وقار کی بحالی کا سال ثابت ہو، علامہ شہنشاہ نقوی
اشاعت کی تاریخ: 31st, December 2025 GMT
اپنے بیان میں جعفریہ الائنس پاکستان کے سربراہ نے کہا کہ گزرے ہوئے سال نے ہمیں بے شمار چیلنجز سے روشناس کرایا، مگر ساتھ ہی یہ موقع بھی فراہم کیا کہ ہم صبر، استقامت اور باہمی اتحاد کے ذریعے مشکلات پر قابو پانے کا عزم کریں، نئے سال کا تقاضا ہے کہ ہم ذاتی، سماجی اور قومی سطح پر خود احتسابی کرتے ہوئے مثبت تبدیلی کی طرف قدم بڑھائیں۔ اسلام ٹائمز۔ جعفریہ الائنس پاکستان کے سربراہ علامہ شہنشاہ حسین نقوی نے نئے سال کی آمد پر پوری قوم اور بالخصوص امتِ مسلمہ کو دلی مبارکباد پیش کرتے ہوئے کہا ہے کہ نیا سال ہمارے لیے امن، وحدت، عدل اور اجتماعی بیداری کا پیغام لے کر آئے۔ انہوں نے کہا کہ گزرے ہوئے سال نے ہمیں بے شمار چیلنجز سے روشناس کرایا، مگر ساتھ ہی یہ موقع بھی فراہم کیا کہ ہم صبر، استقامت اور باہمی اتحاد کے ذریعے مشکلات پر قابو پانے کا عزم کریں، نئے سال کا تقاضا ہے کہ ہم ذاتی، سماجی اور قومی سطح پر خود احتسابی کرتے ہوئے مثبت تبدیلی کی طرف قدم بڑھائیں۔
علامہ شہنشاہ حسین نقوی نے مزید کہا کہ جعفریہ الائنس ملک میں بین المسالک ہم آہنگی، مظلوموں کی حمایت، اور فکری و اخلاقی اقدار کے فروغ کے لیے اپنا کردار پہلے سے زیادہ مؤثر انداز میں ادا کرتا رہے گا۔ انہوں نے دعا کی کہ نیا سال پاکستان سمیت پوری دنیا میں امن، انصاف اور انسانی وقار کی بحالی کا سال ثابت ہو۔ آخر میں انہوں نے قوم سے اپیل کی کہ نئے سال کو باہمی احترام، اخوت اور خدمتِ خلق کے عزم کے ساتھ خوش آمدید کہیں اور ایک مضبوط، پرامن اور باوقار معاشرے کی تشکیل کے لیے یکجا ہو کر کام کریں۔
ذریعہ
ذریعہ: Islam Times
کلیدی لفظ: نئے سال
پڑھیں:
محسن نقوی کی مستونگ کے قریب سیشن جج اور جوڈیشل مجسٹریٹ پر فائرنگ کی پرزور مذمت
سٹی 42 : وفاقی وزیرداخلہ محسن نقوی کی جانب سے مستونگ کے قریب سیشن جج عبدالحکیم کاکڑ اور جوڈیشل مجسٹریٹ طارق لاشاری پر فائرنگ کی پرزور مذمت کی گئی ہے۔
وزیرداخلہ محسن نقوی نے سیشن جج عبدالحکیم اور گن مین کے جاں بحق ہونے کے واقعہ پر اظہار افسوس کیا۔ محسن نقوی نے سوگوار خاندانوں سے دلی ہمدردی و تعزیت کا اظہار کیا۔
وفاقی وزیرداخلہ محسن نقوی کی جانب سے مرحومین کی بلندی درجات کیلئے دعا، وزیرداخلہ محسن نقوی نے زخمی جوڈیشل مجسٹریٹ طارق لاشاری اور دیگر افراد کی جلد صحت یابی کی دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
محسن نقوی نے کہا کہ ایسی بزدلانہ کارروائیاں قوم کے پختہ عزم کو پست نہیں کر سکتیں۔ انہوں نے کہا کہ شہداء کے خاندانوں کے ساتھ کھڑے ہیں اور ہمیشہ ساتھ رہیں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار