نئے سال دھرندھر کا سنسرشدہ ورژن دیکھنے کو ملے گا؛ حیران کن تبدیلی
اشاعت کی تاریخ: 31st, December 2025 GMT
بالی ووڈ کی سب سے بڑی بلاک بسٹر فلم دھرندھر ایک بار پھر خبروں کی زینت بن گئی ہے مگر اس بار وجہ باکس آفس نہیں بلکہ سنسر شدہ تبدیلیاں ہیں۔
بھارتی میڈیا نے ذرائع کے حوالے سے دعویٰ کیا ہے کہ وزارتِ اطلاعات و نشریات نے فلم ساز کو ہدایت دی ہے کہ دھرندھر سے لفظ بلوچ کو مکمل طور پر ہٹا دیا جائے۔
جس کے بعد فلم کا نیا ترمیم شدہ ورژن یکم جنوری 2026 سے سینما گھروں میں نمائش کے لیے پیش کیا جائے گا۔
فلمی حلقوں میں اس پیش رفت نے خاصی کھلبلی مچا دی ہے۔ 31 دسمبر کو ملک بھر کے سینما مالکان کو ڈسٹری بیوٹرز کی جانب سے ای میل موصول ہوئی ہے۔
جس میں کہا گیا کہ فلم دھرندھر کی ڈی سی پی تبدیل کی جا رہی ہے اور نئے ورژن میں دو الفاظ کو خاموش جبکہ ایک مکالمہ تبدیل کیا گیا ہے۔
انڈسٹری کے ایک باخبر ذریعے کے مطابق جن الفاظ کو نکالا گیا ہے ان میں ایک لفظ بلوچ بھی شامل ہے تاہم باقی تبدیلیوں کی تفصیل فی الوقت سامنے نہیں آسکی۔
ناظرین جو نئے سال میں دھرندھر دیکھنے کا ارادہ رکھتے ہیں۔ اب انھیں فلم کا نیا ایڈٹ شدہ ورژن ہی دیکھنے کو ملے گا۔
واضح رہے کہ یہ فلم پہلے ہی 26 دن میں 754 کروڑ روپے سے زائد کا بزنس کر چکی ہے اور توقع کی جا رہی ہے کہ یہ جلد 800 کروڑ کا ہندسہ بھی عبور کر لے گی۔
ادیتیہ دھار کی ہدایت کاری میں بننے والی اس فلم میں سنجے دت، آر مدھون، اکشے کھنہ، ارجن رامپال اور سارہ ارجن بھی شامل ہیں۔
زبردست کامیابی کے باوجود فلم میں بار بار کی سینسر تبدیلیاں اس بات کی نشاندہی کر رہی ہیں کہ بالی ووڈ میں قومیت، سیاست اور سینما کا ٹکراؤ ابھی ختم نہیں ہوا۔
اب دیکھنا یہ ہے کہ نیا ورژن شائقین کو کتنا متاثر کرتا ہے یا یہ تنازع فلم کی شہرت میں مزید اضافہ کر دیتا ہے۔
تو یہ سستی شہرت کے لیے ایک پبلک اسٹنٹ ہے یا کوئی سیاسی وجہ، حقیقت جلد ہی سامنے آجائے گی۔
.
ذریعہ
ذریعہ: Express News
پڑھیں:
ٹک ٹاکر حکیم بابر کیس میں ملزمان کا موقف بھی سامنے آگیا
سیالکوٹ(نیوز ڈیسک) ٹک ٹاکر حکیم بابر سے متعلق مبینہ زہر خوری کیس میں نامزد ملزم صفدر کے بھائی ملک سلیم کھوکھر کا ویڈیو بیان منظر عام پر آگیا جس میں انہوں نے تمام الزامات کو مسترد کر دیا ہے۔
ویڈیو بیان میں ملک سلیم کھوکھر نے دعویٰ کیا کہ محمد افضل عرف حکیم بابر نے سوشل میڈیا پر ویوز حاصل کرنے کیلئے خود کو زہر خورانی کا شکار ظاہر کرنے کا ڈرامہ رچایا، اسپتال کی رپورٹ میں بھی یہ بات سامنے آئی ہے کہ حکیم بابر کو کسی قسم کا زہر نہیں دیا گیا۔
انہوں نے کہا کہ حکیم بابر نشے کے عادی ہیں اور کسی مبینہ اوور ڈوز کے واقعے کو ان کے خاندان پر ڈالنے کی کوشش کی جا رہی ہے، ان کے خاندان کا حکیم بابر کے ساتھ کسی قسم کا کوئی ذاتی تنازع یا دشمنی موجود نہیں۔
ملک سلیم کھوکھر انکشاف کیا کہ حکیم بابر کا اصل نام افضل ہے اور وہ کوئی مستند حکیم نہیں بلکہ تعلیمی طور پر بھی میٹرک پاس نہیں ہیں، جھوٹے مقدمے کی وجہ سے میرا خاندان شدید ذہنی دباؤ اور پریشانی کا شکار ہے۔
انہوں نے مزید کہا کہ رات کے وقت پولیس کی جانب سے دو بار گھر پر چھاپے مارے گئے، کو ہراساں مت کیا جائے۔
انہوں نے ڈی پی او سیالکوٹ اور آئی جی پنجاب سے اپیل کی کہ کیس کی شفاف اور میرٹ پر انکوائری کی جائے اور حقائق کی روشنی میں فیصلہ کیا جائے۔
مزید پڑھیں۔مشرق وسطیٰ کی صورتحال، خام تیل کی قیمتوں میں 2 فیصد اضافہ
وزارت آئی ٹی نے 1.67 ارب روپے سے زاید کے فنڈز طلب کرلیے