2025 معاشی استحکام کا سال، مہنگی توانائی، بدامنی ترقی کی راہ میں رکاوٹ

اشاعت کی تاریخ: 1st, January 2026 GMT

data-id="863a0a8" data-element_type="widget" data-widget_type="theme-post-content.default">

پاکستان بزنس مین اینڈ انٹیلیکچوئلزفورم اورآل کراچی انڈسٹریل الائنس کے صدر، نیشنل بزنس گروپ پاکستان اورایف پی سی سی آئی پالیسی ایڈوائزری بورڈ کے چیئرمین، سابق صوبائی وزیرمیاں زاہد حسین نے سال 2025 کے اختتام پرملکی معیشت کا جائزہ پیش کرتے ہوئے کہا ہے کہ رواں سال پاکستان نے میکرواکنامک استحکام میں نمایاں پیش رفت کی، اسٹاک مارکیٹ انڈیکس اس سال ایک لاکھ 15 ہزار سے ایک لاکھ 74 ہزار تک پہنچ گیا جس میں ریکارڈ 52 فیصد اضافہ ہوا، تاہم بلند پیداواری لاگت، ایکسپورٹس میں جمود اور سیکورٹی خدشات بدستوربڑے چیلنج بنے رہے ہیں۔میاں زاہد حسین نے کہا کہ فیڈرل بورڈ آف ریونیو (ایف بی آر) نے غیر معمولی دباؤکے باوجود مالی سال 26۔2025 کے لیے 14 کھرب روپے کے ٹیکس ہدف کے حصول کی سمت پیش رفت دکھائی ہے۔ انہوں نے کہا کہ اسٹیٹ بینک آف پاکستان کی سخت مانیٹری پالیسیوں کے نتیجے میں مہنگائی جوگزشتہ برسوں میں 38 فیصد تک جا پہنچی تھی، کم ہوکر2025 کے اختتام پر6.

1 فیصد کی سطح تک آگئی ہے مگر 10.5 فیصد پالیسی ریٹ کو سات فیصد پر لانا بدستور ایک چیلنج ہے۔ انہوں نے خبردارکیا کہ صنعتی صارفین کے لیے 35 روپے فی یونٹ سے زائد بجلی نرخ اور بینک مارک اپ خطے میں کاروباری لاگت کو سب سے زیادہ بنا رہے ہیں۔انہوں نے کہا کہ 2025 کے دوران براہِ راست غیرملکی سرمایہ کاری (FDI) میں 25 فیصد کمی دیکھنے میں آئی، جس میں اسپیشل انویسٹمنٹ فیسلٹیشن کونسل (SIFC) کی بہترین کوششوں کے باوجود دوسرے عوامل کے سبب بہتری نہیں ہو سکی، اور سرمایہ کاری کا حجم تقریباً 1 ارب ڈالر سے تجاوز نہیں کر سکا۔ اسٹیٹ بینک کے زرمبادلہ ذخائر 16 ارب ڈالر تک پہنچ گئے جنہیں آئی ایم ایف کی بروقت قسطوں اوردوست ممالک کے رول اوور نے سہارا دیا۔ نجکاری کے حوالے سے میاں زاہد حسین نے کہا کہ پی آئی اے کی کامیاب نجکاری ایک مثبت پیش رفت ہے، تاہم بجلی کی تقسیم کار کمپنیوں (ڈسکوز) کی نجکاری میں تاخیرتشویش ناک ہے، البتہ پرائیویٹائزیشن کمیشن کی جانب سے ناکام سرکاری اداروں کی پرائیویٹائزیشن کے لیے بین الاقوامی سرمایہ کاروں کی شارٹ لسٹنگ نجکاری کی جانب اہم قدم ہے۔ انہوں نے معاشی بہتری کے باوجود سماجی مسائل پرگہری تشویش کا اظہارکرتے ہوئے کہا کہ غربت کی شرح تقریباً 44 فیصد تک پہنچ چکی ہے جبکہ نوجوانوں میں بے روزگاری 7.1 فیصد کے لگ بھگ ہے، اور مجموعی قومی پیداوار (GDP) کی شرح نمو 3 سے 3.6 فیصد کے درمیان رہنے کی توقع ہے جس کے نتیجے میں غربت اور بیروزگاری بدستور موجود رہے گی۔ تاہم بیرون ملک مقیم پاکستانیوں کی ترسیلات زرایک روشن پہلوثابت ہوئیں ہیں، جن میں مالی سال کے اختتام تک 38 ارب ڈالر یعنی 11 ہزار ارب روپے سے تجاوزکرنے کا امکان ہے جس سے کرنٹ اکاؤنٹ خسارہ قابو میں رہے گا اور غربت میں کمی ہوگی۔میاں زاہد حسین نے کہا کہ اگرچہ مئی 2025 میں بھارت کے ساتھ مختصر جنگ میں پاکستان کی تاریخی فتح نے پاکستان کا وقار عالمی سطح پر بلند کیا اور جنگ کے دوران ہر دل عزیز فیلڈ مارشل عاصم منیر کی مؤثر فوجی حکمتِ عملی نے عالمی سطح پر بہت اہمیت حاصل کی، تاہم ملک میں دہشت گردی کے دوبارہ سر اٹھانے اور سرحدی تناؤنے سرمایہ کاروں کے اعتماد کومتاثرکیا ہے۔ انہوں نے زوردیا کہ معاشی خوشحالی کا دارومدارداخلی سلامتی اور علاقائی امن پرہے۔2026 کے حوالے سے بات کرتے ہوئے میاں زاہد حسین نے سی پیک کے دوسرے مرحلے کی تکمیل اوربرآمدات کے دائرہ کارمیں وسعت کواہم ضرورت قراردیا۔ ان کا کہنا تھا کہ اب اصل چیلنج استحکام حاصل کرنے کے بعد پائیدارترقی کا حصول ہے۔ انہوں نے حکومت پرزوردیا کہ 2026 میں توانائی کی قیمتوں میں 9 سینٹ تک کمی، صنعتی شعبے کی بحالی، زرعی وریٹیل سیکٹرکوٹیکس نیٹ میں لانے اورمعیشت کی ڈیجیٹلائزیشن کوترجیح دی جائے۔ انہوں نے مزید کہا کہ کاروباری برادری 2026 میں ایک مستحکم اورخوشحال پاکستان کے لیے حکومت کے تمام مثبت اقدامات کی بھرپورحمایت جاری رکھے گی۔

قاضی جاوید

گلزار

ذریعہ

ذریعہ: Jasarat News

کلیدی لفظ: میاں زاہد حسین نے نے کہا کہ انہوں نے کے لیے

پڑھیں:

آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق

آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔

یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام

یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔

ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔

دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔

مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت

ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔

سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔

مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ

ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان

2025 معاشی استحکام کا سال، مہنگی توانائی، بدامنی ترقی کی راہ میں رکاوٹ

آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر