محرابپور،نہر میں شگاف پڑ گیا
اشاعت کی تاریخ: 1st, January 2026 GMT
data-id="863a0a8" data-element_type="widget" data-widget_type="theme-post-content.default">
260101-05-12
محراب پور(جسارت نیوز)محکمہ آبپاشی (انہار) کی نااہلی ، پختہ کردہ نہر میں شگاف پڑ گیا، سینکڑوں ایکٹر اراضی، فصلیں زیر آب آگئیں، منھٹرو کے قریب گاؤں مصر جی واہ سے گزرنے والی ڈیفیل نہر کے واٹر کورس نمبر 12 کے پاس اچانک شگاف پڑنے سے کئی دیہات اور سینکڑوں ایکٹر پر لگائی ہوئی گندم اور فصلیں، سبزیاں زیر آب آگئیں، مقامی افراد کے مطابق محکمہ آبپاشی کوبروقت شگاف کی اطلاع دی لیکن آفیسر سمیت عملے کاکوئی فرد موقع پر نہیں پہنچا ،مقامی افراد نے اپنی مدد آپ کے تحت شگاف بھرا، مقامی افراد کے مطابق چند سال پہلے ہی ڈیفیل نہر کو پختہ کیا گیا ہے لیکن محکمہ آبپاشی (انہار)،ٹھیکے دار کی ملی بھگت سے کرپشن، ناقص میٹریل کے استعمال سے نہر میں شگاف پڑ گیا انکا لاکھوں کا نقصان ہوا ہے حکومت نوٹس لے۔
ذریعہ
ذریعہ: Jasarat News
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار