پاکستان میں پہلی تھیلیسیمیا موبائل وین کا افتتاح
اشاعت کی تاریخ: 1st, January 2026 GMT
کراچی: ملک کی پہلی تھیلیسیمیا موبائل وین کا کراچی میں باقاعدہ افتتاح کر دیا گیا، جس کا مقصد دور دراز علاقوں میں تھلیسیمیا کے مریضوں تک سہولت پہنچانا ہے۔
افتتاحی تقریب سے خطاب کرتے ہوئے وفاقی وزیر صحت مصطفیٰ کمال نے کہا کہ پاکستان میں تھلیسیمیا کے مریضوں کی تعداد میں اضافہ تشویشناک ہے، اور اس کی ایک بڑی وجہ حکومت اور معاشرے کی جانب سے آگاہی کی کمی ہے۔ انہوں نے زور دیا کہ نکاح سے پہلے صرف لڑکے کا ٹیسٹ کرنا کافی نہیں، کیونکہ اگر دونوں شادی کرنے والے افراد مائنر کیریئر ہوں تو ان کا بچہ تھلیسیمیا میجر کا مریض پیدا ہو سکتا ہے، مگر زیادہ تر لوگ یہ ٹیسٹ کروانے سے گریز کرتے ہیں۔
وزیر صحت نے بتایا کہ تھلیسیمیا کے علاج کے لیے خون کی منتقلی اور بون میرو ٹرانسپلانٹ اہم ہیں، لیکن ہر 50 ہزار میں سے صرف ایک مریض کے لیے بون میرو میچ ہوتا ہے۔ انہوں نے یہ بھی کہا کہ حکومت نے بون میرو ٹرانسپلانٹ سے قبل کی اجازت کا نظام آسان بنا دیا ہے، اور اب کوشش کی جا رہی ہے کہ تھلیسیمیا کا ٹیسٹ نکاح سے پہلے لازمی قرار دیا جائے۔
اس موقع پر وفاقی وزیر نے پولیو ویکسین کے حوالے سے بھی بات کی اور کہا کہ پاکستان میں ویکسین کی مہم میں بھی مشکلات آتی ہیں، کیونکہ بعض افراد اسے سازش قرار دیتے ہیں، تاہم تھلیسیمیا کے بچوں کے معاملے میں سب سے زیادہ ذمہ داری والدین پر عائد ہوتی ہے۔
یہ موبائل وین ملک میں تھلیسیمیا کے مریضوں کے لیے ایک اہم سہولت ثابت ہوگی اور بیماری کی بروقت تشخیص اور علاج میں مدد فراہم کرے گی۔
ذریعہ
ذریعہ: Daily Mumtaz
پڑھیں:
خانیوال پل حادثے کی انکوائری مکمل‘پاکستان ریلویز نے دو افسران کو ملازمت سے فارغ کر دیا
اسلام آباد (اُردو پوائنٹ اخبارتازہ ترین - آن لائن۔ 02 جون2026ء) پاکستان ریلویز نے خانیوال پل حادثے کی انکوائری مکمل ہونے کے بعد ذمہ دار افسران کے خلاف سخت کارروائی کرتے ہوئے دو افسران کو ملازمت سے فارغ کر دیا ہے۔ریلوے حکام کے مطابق سابق ڈویژنل انجینئر(ڈی ای این)ملتان عابد رزاق کو ملازمت سے برطرف کر دیا گیا ہے جبکہ سابق اسسٹنٹ انجینئر (اے ای این)خانیوال راجا یوسف کو بھی سروس سے برخاست کر دیا گیا ہے۔یاد رہے کہ خانیوال پل حادثے میں ایک شخص جاں بحق جبکہ متعدد افراد زخمی ہوئے تھے۔ واقعے کے بعد وفاقی وزیر ریلوے محمد حنیف عباسی نے ذمہ داروں کے خلاف سخت کارروائی کا اعلان کرتے ہوئے واضح کیا تھا کہ عوامی جانوں کے نقصان پر کسی قسم کی رعایت نہیں برتی جائے گی۔وزیر ریلوے کی ہدایت پر حادثے کی جامع انکوائری شروع کی گئی تھی۔(جاری ہے)
انکوائری رپورٹ میں متعلقہ افسران کی غفلت اور ذمہ داری کا تعین کیا گیا جس کی روشنی میں محکمانہ کارروائی عمل میں لائی گئی۔
ریلوے حکام کے مطابق وفاقی وزیر ریلوے اپنے زیرو ٹالرنس مقف پر قائم رہے اور حادثے کا کیس منطقی انجام تک پہنچایا گیا۔ وزارت ریلوے کا کہنا ہے کہ احتساب کا عمل جاری رہے گا اور غفلت، لاپروائی یا نااہلی پر کسی قسم کا سمجھوتہ نہیں کیا جائے گا۔وزیر ریلوے محمد حنیف عباسی نے اس عزم کا اعادہ کیا کہ مسافروں کے جان و مال کے تحفظ کو ہر صورت یقینی بنایا جائے گا اور ذمہ دار عناصر کے خلاف بلاامتیاز کارروائی جاری رہے گی۔
وزارت آئی ٹی نے 1.67 ارب روپے سے زاید کے فنڈز طلب کرلیے