پنجاب کی 98 تحصیلوں میں اسمارٹ سیف سٹیز منصوبہ نافذ کرنے کا فیصلہ
اشاعت کی تاریخ: 1st, January 2026 GMT
پنجاب حکومت نے صوبے بھر کے 98 تحصیلوں میں اسمارٹ سیف سٹیز قائم کرنے کا فیصلہ کیا ہے، اس ضمن میں سینٹرل پولیس آفس لاہور میں ایک مفاہمتی یادداشت پر دستخط بھی کیے گئے ہیں۔
اس فیصلے کا مقصد صوبے میں قانون و امن کی صورتحال، شہری نگرانی اور عوامی تحفظ کے نظام کو جدید ٹیکنالوجی کے ذریعے بہتر اورمؤثر بنانا ہے۔
یہ بھی پڑھیں: وزیر داخلہ کا سیف سٹی ہیڈکوارٹرز کا دورہ، آن لائن ویمن پولیس اسٹیشن اور ون انفوموبائل ایپ کا افتتاح
معاہدے پر نیشنل ریڈیو اینڈ ٹیلی کمیونیکیشن کارپوریشن کے منیجنگ ڈائریکٹر بریگیڈیئر عظمت شبیراور پنجاب سیف سٹیز اتھارٹی یعنی پی ایس سی اے کے مینیجنگ ڈائریکٹر محمد احسن یونس نے دستخط کیے۔
میڈیا رپورٹس کے مطابق، اس معاہدے کے تحت این آر ٹی سی رواں برس کے اختتام یعنی 31 دسمبر تک پنجاب کی 98 تحصیلوں میں جدید ترین اسمارٹ سیف سٹیز قائم کرے گا۔
مزید پڑھیں: سندھ سیف سٹی پروجیکٹ کی لاگت میں کمی، جلد عملدرآمد کا امکان
تقریب سے خطاب کرتے ہوئے منیجنگ ڈائریکٹر پی ایس سی اے محمد احسن یونس نے کہا کہ این آر ٹی سی کے اشتراک سے پہلے مرحلے کے دوران ملتان، شیخوپورہ، سیالکوٹ، جہلم، اٹک، سرگودھا اور ڈیرہ غازی خان سمیت 18 شہروں میں اسمارٹ سیف سٹیز منصوبے 100 فیصد مکمل کر لیے گئے ہیں۔
انہوں نے مزید بتایا کہ دوسرے مرحلے کے تحت مزید 19 شہروں میں اسمارٹ سیف سٹیز منصوبے 31 مارچ 2026 تک مکمل کر لیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اتھارٹی پنجاب سیف سٹیز.
ذریعہ
ذریعہ: WE News
کلیدی لفظ: اتھارٹی سیف سٹیز میں اسمارٹ سیف سٹیز
پڑھیں:
حکومت نے پیٹرول اور ڈیزل مزید مہنگا کر دیا، نئی قیمتوں کا نوٹیفکیشن جاری
حکومت نے پیٹرولیم مصنوعات کی قیمتوں میں اضافہ کرتے ہوئے پیٹرول کی قیمت میں 4 روپے 40 پیسے فی لیٹر اور ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کر دیا ہے۔ اس حوالے سے باضابطہ نوٹیفکیشن بھی جاری کر دیا گیا ہے۔
یہ بھی پڑھیں:پیٹرول مہنگا ہو تو موٹرسائیکل سوار متاثر نہیں ہوتے، مشیر خزانہ کے بیان پر شدید ردعمل
نوٹیفکیشن کے مطابق اضافے کے بعد پیٹرول کی نئی قیمت 331 روپے 52 پیسے فی لیٹر مقرر کر دی گئی ہے، جبکہ ہائی اسپیڈ ڈیزل کی قیمت میں بھی 3 روپے 62 پیسے فی لیٹر کا اضافہ کر دیا گیا ہے۔
نئی قیمتیں نافذجاری کردہ نوٹیفکیشن کے مطابق پیٹرولیم مصنوعات کی نئی قیمتوں کا اطلاق فوری طور پر کر دیا گیا ہے، جس کے بعد ملک بھر کے پیٹرول پمپوں پر صارفین کو نئی قیمتوں کے مطابق ادائیگی کرنا ہوگی۔
عوام پر مزید مالی دباؤ کا خدشہمعاشی ماہرین کے مطابق پیٹرول اور ڈیزل کی قیمتوں میں اضافے سے ٹرانسپورٹ کے اخراجات بڑھنے کا امکان ہے، جس کے نتیجے میں اشیائے خورونوش اور دیگر ضروری اشیا کی قیمتوں پر بھی دباؤ آ سکتا ہے۔
مزید پڑھیں:ایران جنگ کے اثرات: پیٹرول مہنگا، یورپ میں الیکٹرک گاڑیوں کی فروخت میں 51 فیصد اضافہ
ڈیزل کی قیمت میں اضافہ خاص طور پر مال بردار ٹرانسپورٹ اور زرعی شعبے کے اخراجات پر اثر انداز ہو سکتا ہے۔
حکومت ہر 15 روز بعد عالمی منڈی میں خام تیل کی قیمتوں، درآمدی لاگت، روپے کی قدر اور ٹیکسوں کی بنیاد پر پیٹرولیم مصنوعات کی قیمتوں کا جائزہ لیتی تھی لیکن اب روزانہ کی بنیاد پر یہ عمل جاری ہے۔
اسی جائزہ عمل کے تحت تازہ نوٹیفکیشن جاری کرتے ہوئے پیٹرول اور ہائی اسپیڈ ڈیزل کی قیمتوں میں اضافہ کیا گیا ہے، جس کے بعد نئی قیمتیں ملک بھر میں نافذ العمل ہو گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیٹرول پیٹرولیم مصنوعات درآمدی لاگت ڈیزل روپے کی قدر عالمی منڈی مہنگا
ٹی20 ورلڈ کپ 2026: پاکستان نے سپر 8 کے لیے جگہ پکی کر لی