پنجاب میں پتنگ بازی پر پابندی: محکمہ داخلہ نے سختی سے عملدرآمد کی ہدایت جاری کر دی
اشاعت کی تاریخ: 1st, January 2026 GMT
محکمہ داخلہ پنجاب نے صوبے بھر میں پتنگ بازی کی مکمل ممانعت کے قوانین پر سختی سے عملدرآمد یقینی بنانے کے لیے احکامات جاری کر دیے ہیں۔
محکمہ نے کمشنرز، ڈپٹی کمشنرز، آر پی اوز اور ڈی پی اوز کو مراسلہ بھیجا ہے، جس میں کہا گیا ہے کہ حکومتِ پنجاب بعض علاقوں میں غیرقانونی پتنگ بازی کے بڑھتے ہوئے واقعات پر تشویش مند ہے۔
مراسلے کے مطابق کائٹ فلائنگ ریگولیشنز بل 2025 کے تحت پتنگ بازی پر مکمل پابندی ہے۔ صرف 6، 7 اور 8 فروری کو لاہور میں محدود پیمانے پر بسنت منانے کی اجازت ہوگی، جبکہ اس تاریخ سے پہلے یا بعد کسی بھی مقام پر پتنگ بازی یا پتنگ سازی پر کامل پابندی ہوگی۔
محکمہ داخلہ نے خبردار کیا کہ غیرقانونی پتنگ بازی انسانی جانوں اور عوامی حفاظت کے لیے سنگین خطرہ ہے۔ گزشتہ برس ایسے واقعات میں کئی راہگیر زخمی ہو چکے ہیں، جو نہایت تشویشناک ہیں۔
مراسلے میں واضح کیا گیا کہ انسانی جانوں کو خطرہ پہنچانے والی پتنگ بازی ہر صورت ممنوع ہے۔ تمام کارروائیاں کائٹ فلائنگ ریگولیشنز بل 2025 کے مطابق کی جائیں، اور حکومتی اجازت کے بغیر پتنگ سازی یا پتنگ بازی کو غیرقانونی قرار دیا گیا ہے۔
تمام اضلاع کو ہدایت کی گئی ہے کہ جاری کردہ احکامات پر عملدرآمد کو یقینی بنائیں اور اپنی رپورٹس محکمہ داخلہ پنجاب کو ارسال کریں۔
ذریعہ
ذریعہ: Daily Mumtaz
کلیدی لفظ: محکمہ داخلہ پتنگ بازی
پڑھیں:
وفاقی آئینی عدالت: پولٹری فیڈ ملز سے 4 فیصد اضافی ٹیکس کی وصولی غیرقانونی قرار
اسلام آباد (ڈیلی پاکستان آن لائن) بجٹ سے چند روز قبل ہی آئینی عدالت سے حکومت کو ریونیو کی مد میں بڑا جھٹکا، وفاقی آئینی عدالت نے پولٹری فیڈ ملز سے 4 فیصد اضافی ٹیکس کی وصولی غیرقانونی قرار دے دی۔
نجی وی چینل دنیا نیوز کے مطابق وفاقی آئینی عدالت نے غیر رجسٹرڈ پولٹری فارمز کو فیڈ سپلائی کرنے سے متعلق اہم فیصلہ جاری کر دیا۔ جسٹس عامر فاروق کی سربراہی میں دو رکنی بنچ نے فیصلہ جاری کیا۔
وفاقی آئینی عدالت نے اپنے فیصلے میں کہا کہ ٹیکس قانون کے سیکشن 31 اے میں ابہام ہے، حکومت نے غیررجسٹرڈ پولٹری فارمز کو فیڈسپلائی کرنے پر مل مالکان پر اضافی ٹیکس عائد کیا، اضافی ٹیکس سال 2024 کے فنانس ایکٹ کی مد میں وصول کیا جا رہا تھا۔
لاہور ائیرپورٹ اغواء کیس کا ڈراپ سین، غیرملکی خاتون دوست کے ساتھ رضامندی سے گئی
فیصلے میں کہا گیا کہ قانون کے مطابق پولٹری فارمز کو ٹیکس سے مستثنیٰ قرار دیا گیا ہے، قانون کے مطابق استثنی ملنے پر پولٹری فارمز رجسٹریشن کے پابند نہیں ہیں، قانون غیررجسٹرڈ پولٹری فارمز کو مکمل تحفظ فراہم کرتا ہے۔
وفاقی آئینی عدالت نے فیصلے میں مزید لکھا کہ رجسٹریشن کی قانونی پابندی نہ ہونے پر پولٹری فارمز اور فیڈ ملز کو سزا نہیں دی جا سکتی۔
وفاقی آئینی عدالت نے لاہور ہائیکورٹ کا فیصلہ کالعدم قرار دے دیا۔ لاہور ہائیکورٹ نے پولٹری فیڈ ملز سے 4 فیصد اضافی ٹیکس کی وصولی کو درست قرار دیا تھا۔ پولٹری فیڈ ملز مالکان نے اضافی ٹیکس کی وصولی کیخلاف عدالت سے رجوع کیا تھا۔
ڈیل مکمل جھوٹ ہے ، پی ٹی آئی کوئی ڈیل نہیں کررہی، عمران خان کو خاموش کروانے کے لیے قید تنہائی میں رکھاگیا ہے،علیمہ خان
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے