پنجاب: پتنگ بازی پر پابندی کے قانون پر سختی سے عملدرآمد کی ہدایت، مراسلہ ارسال
اشاعت کی تاریخ: 1st, January 2026 GMT
فائل فوٹو
محکمہ داخلہ پنجاب نے صوبے بھر میں پتنگ بازی کی ممانعت سے متعلق قوانین پر سختی سے عملدرآمد یقینی بنانے کی ہدایت جاری کر دی۔
محکمہ داخلہ نے کمشنرز، ڈپٹی کمشنرز، آر پی اوز اور ڈی پی اوز کو باقاعدہ مراسلہ ارسال کردیا، جس میں حکومتِ پنجاب نے بعض علاقوں میں غیرقانونی پتنگ بازی کے واقعات پر تشویش کا اظہار کیا ہے۔
محکمہ داخلہ کے مطابق صوبے بھر میں کائٹ فلائنگ ریگولیشنز بل 2025 کے تحت پتنگ بازی پر مکمل پابندی عائد ہے۔
18 سال سے کم عمر بچے پتنگ بازی نہیں کرسکیں گے، خلاف ورزی پر والد یا سرپرست ذمہ دار ہوگا۔
مراسلے میں واضح کیا گیا کہ پنجاب کابینہ نے صرف 6، 7 اور 8 فروری کو لاہور میں محدود پیمانے پر بسنت منانے کی اجازت دی ہے، جبکہ مقررہ تاریخ سے قبل یا بعد کسی بھی مقام پر پتنگ سازی یا پتنگ بازی پر مکمل پابندی ہوگی۔
محکمہ داخلہ کے مطابق غیرقانونی پتنگ بازی انسانی جانوں اور عوامی تحفظ کے لیے سنگین خطرہ ہے، جبکہ اس کے نتیجے میں راہگیروں کے زخمی ہونے کے واقعات بھی رپورٹ ہو چکے ہیں، جو نہایت تشویشناک ہیں۔
مراسلے میں مزید کہا گیا کہ انسانی جانوں کے لیے خطرہ بننے والی پتنگ بازی کی کسی صورت اجازت نہیں دی جا سکتی، تمام کارروائیاں کائٹ فلائنگ ریگولیشنز بل 2025 کے مطابق کی جائیں اور حکومتی اجازت کے بغیر پتنگ سازی اور پتنگ بازی کو مکمل طور پر غیرقانونی قرار دیا گیا ہے۔
محکمہ داخلہ پنجاب نے تمام اضلاع کو ہدایت کی ہے کہ جاری کردہ احکامات پر عملدرآمد کو یقینی بناتے ہوئے اپنی رپورٹ محکمہ داخلہ پنجاب کو ارسال کریں۔
.
ذریعہ
ذریعہ: Jang News
کلیدی لفظ: محکمہ داخلہ پتنگ بازی
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
ٹی20 ورلڈ کپ 2026: پاکستان نے سپر 8 کے لیے جگہ پکی کر لی