2025ء میں کون سے اسمارٹ فونز اپ ڈیٹس سے محروم ہوئے؟
اشاعت کی تاریخ: 1st, January 2026 GMT
data-id="863a0a8" data-element_type="widget" data-widget_type="theme-post-content.default">
سال 2025 اسمارٹ فون ٹیکنالوجی کے اعتبار سے جہاں کئی نئی جدتیں لے کر آیا، وہیں لاکھوں صارفین کے لیے ایک مایوس کن حقیقت بھی سامنے آئی، جب مختلف بڑی کمپنیوں نے اپنی پرانی ڈیوائسز کے لیے سافٹ ویئر اور سیکورٹی اپ ڈیٹس بند کر دیں۔
اس فیصلے نے ان صارفین کو براہِ راست متاثر کیا جو کئی برسوں سے انہی فونز پر انحصار کر رہے تھے اور اب سیکورٹی خدشات کے باعث خطرے میں آ گئے ہیں۔
میڈیا رپورٹس کے مطابق ٹیکنالوجی کمپنی ایل جی نے اگرچہ 2021 میں موبائل فون بنانے کا سلسلہ بند کر دیا تھا، تاہم اس کے باوجود صارفین کے اعتماد کو برقرار رکھنے کے لیے جون 2025 تک سیکورٹی اپ ڈیٹس فراہم کی جاتی رہیں، مگر 30 جون 2025 کو کمپنی نے باضابطہ طور پر اپنے اپ ڈیٹ سرورز بند کر دیے، جس کے بعد ایل جی کے تمام اسمارٹ فونز مستقل طور پر اپ ڈیٹس سے محروم ہو گئے۔ اس فیصلے کے بعد ایل جی صارفین کو سیکورٹی خطرات، ایپس کی عدم مطابقت اور کارکردگی کے مسائل کا سامنا ہو سکتا ہے۔
ایپل کی جانب سے بھی 2025 میں ایک اہم فیصلہ سامنے آیا، جب فرسٹ جنریشن آئی فون ایس ای کو کمپنی کی ’آبسلیٹ‘ فہرست میں شامل کر دیا گیا۔ ایپل اگرچہ دیگر کمپنیوں کے مقابلے میں طویل عرصے تک اپ ڈیٹس فراہم کرتا ہے، تاہم اس ماڈل کے لیے سیکورٹی سپورٹ ختم ہونا اس بات کی علامت ہے کہ اب یہ فون جدید ایپس اور سیکورٹی معیار کے مطابق نہیں رہا۔
سام سنگ کے صارفین کے لیے بھی 2025 ایک بڑا موڑ ثابت ہوا، کیونکہ کمپنی نے متعدد مقبول ماڈلز کی سپورٹ ختم کر دی۔ گلیکسی ایس 20 سیریز، جس میں ایس 20، ایس 20 پلس، ایس 20 الٹرا اور ایس 20 ایف ای شامل ہیں، نے اپنی آخری اپ ڈیٹ حاصل کر لی۔
اس کے علاوہ گلیکسی نوٹ 20 اور نوٹ 20 الٹرا کے لیے بھی اپ ڈیٹس کا سلسلہ روک دیا گیا جب کہ بجٹ صارفین کے زیرِ استعمال گلیکسی اے 02 ایس اور گلیکسی اے 12 بھی اس فہرست میں شامل ہو گئے۔
ماہرین کے مطابق اپ ڈیٹس کا خاتمہ محض نئی خصوصیات سے محرومی نہیں بلکہ سیکورٹی کے سنگین خدشات کو جنم دیتا ہے، کیونکہ بغیر اپ ڈیٹس کے فون سائبر حملوں کے لیے زیادہ آسان ہدف بن جاتے ہیں۔ یہی وجہ ہے کہ صارفین کو مشورہ دیا جا رہا ہے کہ وہ اپنی ڈیجیٹل سلامتی کے لیے نئے اور سپورٹ یافتہ ڈیوائسز کی جانب منتقل ہونے پر غور کریں۔
.
ذریعہ
ذریعہ: Jasarat News
کلیدی لفظ: صارفین کے اپ ڈیٹس کے لیے
پڑھیں:
گرمی کی شدت میں اضافہ ہوتے ہی بجلی مزید مہنگی ہونے کا امکان
لاہور ( اُردو پوائنٹ اخبارتازہ ترین۔ 02 جون2026ء ) گرمی کی شدت میں اضافہ ہوتے ہی بجلی مزید مہنگی ہونے کا امکان۔ تفصیلات کے مطابق بجلی صارفین کے لیے ایک بار پھر قیمتوں میں اضافے کا امکان پیدا ہوگیا ہے، کیونکہ نیپرا میں اپریل کی ماہانہ فیول ایڈجسٹمنٹ کی درخواست پر سماعت کے دوران بجلی ایک روپے 73 پیسے فی یونٹ مہنگی کرنے کی درخواست کی گئی ہے۔ سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے مہینے میں خطے میں جاری جنگ کے اثرات بھی سامنے آئے تھے، جس کے باعث توانائی کے شعبے کو مختلف چیلنجز کا سامنا رہا۔ سی پی پی اے کے مطابق اس عرصے کے دوران درآمدی ایل این جی بالکل دستیاب نہیں تھی، تاہم مئی میں ایل این جی کے کنٹریکٹ اور سپاٹ کارگوز موصول ہوئے، جس کے بعد ایل این جی پر چلنے والے پاور پلانٹس کو فعال کیا گیا۔(جاری ہے)
حکام نے نیپرا کو بتایا کہ صنعتی شعبے کے علاوہ تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ ساتھ آئندہ 2 ماہ کے لیے ایل این جی کی یومیہ بنیادوں پر پلاننگ مکمل کر لی گئی ہے تاکہ بجلی کی پیداوار اور ایندھن کی دستیابی کو مؤثر انداز میں برقرار رکھا جا سکے۔ سی پی پی اے حکام کا کہنا تھا کہ مئی، جون اور جولائی کی ماہانہ فیول ایڈجسٹمنٹ میں صارفین کو زیادہ بڑے جھٹکوں کا سامنا نہیں کرنا پڑے گا کیونکہ ایندھن کی فراہمی اور بجلی کی پیداوار کے حوالے سے ضروری منصوبہ بندی کر لی گئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے