سعید احمد میتلا قائم مقام سیکرٹری قومی اسمبلی سیکرٹریٹ مقرر
اشاعت کی تاریخ: 1st, January 2026 GMT
ایڈیشنل سیکرٹری ایڈمن سعید احمد میتلا کو قائم مقام سیکرٹری قومی اسمبلی سیکرٹریٹ تعینات کر دیا گیا ہے۔ یہ تقرری اسپیکر قومی اسمبلی سردار ایاز صادق کی منظوری سے عمل میں آئی ہے۔
سابق سیکرٹری جنرل طاہر حسین اپنی مدتِ ملازمت مکمل ہونے پر ریٹائر ہو گئے تھے، جس کے بعد یہ ذمہ داری سعید احمد میتلا کو سونپی گئی۔
سعید احمد میتلا قومی اسمبلی سیکرٹریٹ کے سینئر ترین افسران میں شامل ہیں اور اس وقت ایڈیشنل سیکرٹری ایڈمن کے ساتھ ساتھ پرنسپل سیکرٹری ٹو اسپیکر کی ذمہ داریاں بھی نبھا رہے ہیں۔ ان کے وسیع انتظامی تجربے کے پیش نظر انہیں یہ اہم عہدہ سونپا گیا ہے۔
ذریعہ
ذریعہ: Daily Mumtaz
کلیدی لفظ: قومی اسمبلی
پڑھیں:
تیزی سے بڑھتی آبادی ملک کیلئے سب سے بڑا چیلنج ہے: وزیراعظم
وزیراعظم شہباز شریف نے تیزی سے بڑھتی آبادی کو ملک کے لیے چیلنج قرار دے دیا۔وزیراعظم شہبازشریف کی زیرصدارت ملک میں بہبود آبادی کے حوالے سے جائزہ اجلاس ہوا جس میں وزیراعظم نے نیشنل پاپولیشن کونسل کا اجلاس جلد از جلد بلانے کی ہدایت کی۔شہباز شریف نے کہا کہ تیزی سے بڑھتی ہوئی آبادی ملک کے لیے سب سے بڑا چیلنج ہے، آبادی پر قابو پانے کیلئے اقدامات اور بہبود آبادی کو قومی فریضہ سمجھا جانا چاہیے۔وزیراعظم کا کہنا تھا کہ آبادی میں توازن ہی پائیدار قومی ترقی کی ضمانت ہے، آبادی کی منصوبہ بندی کو قومی ترقی اور معاشی استحکام سے ہم آہنگ کرنے کی ضرورت ہے، بہبود آبادی اقدامات سے متعلق صوبوں کے ساتھ روابط اور ہم آہنگی مزید بہتر بنائی جائے، بڑھتی ہوئی آبادی پر قابو پانے کے مؤثر عوامی آگہی مہم کا کلیدی کردار ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار