سی این این کو انٹرویو میں ماہرا خان کی فواد خان کے ساتھ دوستی پر کھل کر گفتگو
اشاعت کی تاریخ: 1st, January 2026 GMT
پاکستان کی سپر اسٹار اداکارہ ماہرا خان نے اپنی تازہ انٹرویو میں اداکار فواد خان کے ساتھ اپنے تعلق، باہمی احترام اور دوستی پر کھل کر اظہارِ خیال کیا ہے۔
اداکارہ نے یہ گفتگو بین الاقوامی نشریاتی ادارے سی این این کو دیے گئے ایک انٹرویو میں کی، جس میں انہوں نے اپنی زندگی کے مختلف پہلوؤں اور 2025 کو ایک یادگار اور خوشگوار سال قرار دیا۔
ماہرا خان نے نئے سال کے موقع پر اپنے مداحوں کے لیے انٹرویو کی ایک جھلک سوشل میڈیا پر شیئر کی اور دنیا بھر سے موصول ہونے والے پیغامات پر شکریہ ادا کیا۔ انسٹاگرام پر جاری پیغام میں انہوں نے کہا کہ نئے سال کی شام سی این این پر اپنی موجودگی کے حوالے سے عالمی سطح پر ملنے والے محبت بھرے پیغامات ان کے لیے نہایت خاص تھے۔
یہ بھی پڑھیے: فہد مصطفیٰ اور ماہرہ خان کی نئی فلم کی شوٹنگ مکمل، تابش ہاشمی بھی جلوہ گر ہوں گے
اداکارہ نے بتایا کہ انہیں اس بات کی توقع نہیں تھی کہ ایک ہی سال میں ان کی دو فلمیں ریلیز ہوں گی، تاہم انہوں نے 2025 کو ایک شاندار اور مکمل سال قرار دیا۔ انٹرویو کے دوران میزبان کرسٹی لو اسٹاؤٹ نے ماہرا خان سے فلم نیلوفر میں فواد خان کے ساتھ کام کرنے کے تجربے کے بارے میں سوال کیا۔
ماہرا خان نے جواب میں کہا کہ فواد خان کے ساتھ انہیں جو محبت، عزت اور پذیرائی ملی، وہ کسی نعمت سے کم نہیں۔ ان کا کہنا تھا کہ شائقین انہیں ایک ساتھ دیکھنا پسند کرتے ہیں اور نیلوفر کے ذریعے انہوں نے مداحوں کو ایک طرح سے شکریہ ادا کیا ہے۔
یہ بھی پڑھیے: فلم نیلوفر میں رونے والے سین پر تنقید کے بعد ماہرہ خان خود پر قابو نہ رکھ سکیں، جواب دے دیا
انہوں نے مزید کہا کہ دونوں فنکار ایک دوسرے کی ذاتی اور پیشہ ورانہ حدود کا احترام کرتے ہیں۔ ماہرا کے مطابق وہ خود ایک جذباتی اور فوری ردعمل دینے والی اداکارہ ہیں جبکہ فواد خان کا انداز مختلف ہے، لیکن دونوں ایک دوسرے کی اداکاری کی نبض کو بخوبی سمجھتے ہیں، جو تجربے کے ساتھ ساتھ دوستی کا نتیجہ ہے۔
واضح رہے کہ ماہرا خان اور فواد خان اس سے قبل 2022 میں فلم دی لیجنڈ آف مولا جٹ میں ایک ساتھ نظر آئے تھے، جبکہ نومبر 2025 میں ریلیز ہونے والی فلم نیلوفر میں دونوں نے دوبارہ اسکرین شیئر کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرویو سی این این فواد خان ماہرہ خان.
ذریعہ
ذریعہ: WE News
کلیدی لفظ: انٹرویو سی این این فواد خان ماہرہ خان فواد خان کے ساتھ ماہرا خان انہوں نے
پڑھیں:
امتحانی تنازعات پر کاکروچ جنتا پارٹی کے بانی نے بڑا اعلان کردیا
کاکروچ جنتا پارٹی کے بانی ابھیجیت دپکے نے بھارت کے دارالحکومت نئی دہلی میں 6 جون کو احتجاجی تحریک شروع کرنے کا اعلان کر دیا ہے۔
بھارتی میڈیا رپورٹس کے مطابق ابھیجیت دپکے نے کہا ہے کہ وہ 6 جون کو بھارت واپس آ کر دہلی کے جنتر منتر پر پرامن احتجاج کا آغاز کریں گے۔ ان کا مؤقف ہے کہ ملک میں مختلف امتحانی تنازعات کے باعث طلبہ کا مستقبل متاثر ہو رہا ہے، جس پر فوری طور پر ذمے داری طے کی جانی چاہیے۔
دپکے نے مطالبہ کیا ہے کہ نیٹ یو جی پیپر لیک، سی بی ایس ای، سی یو ای ٹی اور ایس ایس سی جی ڈی سمیت مختلف امتحانی بے ضابطگیوں کی ذمے داری قبول کرتے ہوئے مرکزی وزیر تعلیم دھرمیندر پردھان اپنے عہدے سے استعفیٰ دیں۔
ان کا دعویٰ ہے کہ امتحانی نظام میں ہونے والی مبینہ بے ضابطگیوں سے ایک کروڑ سے زائد طلبا متاثر ہوئے ہیں۔ انہوں نے ایک ویڈیو پیغام میں طلبا، نوجوانوں اور اپنے حامیوں سے اپیل کی ہے کہ وہ 6 جون کو دہلی میں ان کے احتجاج میں شریک ہوں۔
دپکے کے مطابق پیپر لیک اور دیگر تنازعات کے باعث طلبا شدید ذہنی دباؤ کا شکار ہوئے، کئی نوجوانوں کی محنت ضائع ہوئی اور بعض افسوسناک واقعات میں خودکشی جیسے سنگین نتائج بھی سامنے آئے۔ ان کا کہنا تھا کہ ایسے حالات میں ذمے داروں کا تعین ناگزیر ہو چکا ہے۔
انہوں نے یہ بھی دعویٰ کیا کہ وزیر تعلیم کے استعفے کے مطالبے پر اب تک 8 لاکھ سے زائد افراد دستخط کر چکے ہیں جبکہ لکھنؤ، جے پور، دہلی اور مہاراشٹر سمیت مختلف شہروں میں پہلے ہی احتجاجی مظاہرے کیے جا چکے ہیں۔
ان کا کہنا ہے کہ مسلسل ناکامیوں کے باوجود اگر احتساب نہ کیا گیا تو عوامی اعتماد مزید متاثر ہوگا اور طلبا بار بار نقصان اٹھاتے رہیں گے، جبکہ متعلقہ ادارے کسی مؤثر کارروائی سے گریز کر رہے ہیں۔
انہوں نے اعلان کیا کہ وہ دہلی پہنچ کر جنتر منتر پر احتجاج کی اجازت کے لیے حکام سے رابطہ کریں گے اور یہ احتجاج مکمل طور پر پرامن اور آئینی دائرے میں ہوگا۔
دپکے نے یہ بھی کہا کہ انہیں امریکا میں ملازمت کی پیشکش ہوئی تھی، تاہم انہوں نے بیرون ملک جانے کے بجائے بھارت واپس آ کر احتجاج کا فیصلہ کیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے