ڈھاکہ: سارک کی روح زندہ ہے، تنظیم فعال ہونی چاہیے، چیف ایڈوائزر محمد یونس
اشاعت کی تاریخ: 1st, January 2026 GMT
بنگلہ دیش کے چیف ایڈوائزر پروفیسر محمد یونس کا کہنا ہے کہ سارک کی روح آج بھی زندہ اور متحرک ہے جس کا ثبوت سابق وزیراعظم اور بی این پی کی چیئرپرسن بیگم خالدہ ضیا کی آخری رسومات میں جنوبی ایشیائی ممالک کی بھرپور شرکت سے ملتا ہے۔
یہ بھی پڑھیں: بنگلہ دیش کا ایئربس کے بجائے بوئنگ سے 14 نئے طیارے خریدنے کا فیصلہ
ڈھاکہ میں گفتگو کرتے ہوئے پروفیسر محمد یونس نے کہا کہ وہ سارک کے رکن ممالک کی جانب سے بنگلہ دیش کی 3 بار منتخب ہونے والی وزیراعظم کے ساتھ اظہار یکجہتی پر دلی طور پر متاثر ہوئے ہیں۔
انہوں نے کہا کہ یہ احترام ایک ایسی رہنما کے لیے تھا جنہوں نے ملکی سیاست اور علاقائی تعاون کے فروغ میں اہم کردار ادا کیا۔
بیگم خالدہ ضیا کی آخری رسومات میں متعدد اعلیٰ سطحی وفود نے شرکت کی جن میں پاکستان کے اسپیکر قومی اسمبلی سردار ایاز صادق، بھارت کے وزیر خارجہ ایس جے شنکر، نیپال کے وزیر خارجہ بالا نندا شرما، سری لنکا کے وزیر خارجہ وجیتھا ہیراتھ اور مالدیپ کے وزیر علی حیدر احمد شامل تھے۔
تدفین کے بعد مہمان وفود نے اسٹیٹ گیسٹ ہاؤس جمنا میں پروفیسر محمد یونس سے خیرسگالی ملاقاتیں کیں جہاں انہوں نے بیگم خالدہ ضیا کی سیاسی خدمات کو خراجِ تحسین پیش کیا اور جمہوری جدوجہد و علاقائی تعاون کے لیے ان کے کردار کو یاد کیا۔
مزید پڑھیے: بنگلہ دیش کی سابق وزیراعظم خالدہ ضیا کے جنازے میں کون سی اہم شخصیات نے شرکت کی؟
پروفیسر یونس نے کہا کہ عوام کی بڑی تعداد میں شرکت اس بات کا ثبوت ہے کہ لوگ سابق وزیراعظم سے گہری محبت رکھتے تھے۔
انہوں نے بار بار سارک کو فعال بنانے کی ضرورت پر زور دیتے ہوئے کہا کہ آخری رسومات کے موقعے پر دکھائی جانے والی یکجہتی اس تنظیم کی موجودہ اہمیت کو ظاہر کرتی ہے۔
انہوں نے اقوام متحدہ کی جنرل اسمبلی کے موقع پر ماضی میں سارک رہنماؤں کو غیر رسمی طور پر اکٹھا کرنے کی ایک کوشش کا بھی ذکر کیا اور امید ظاہر کی کہ یہ فورم ایک بار پھر خطے کے تقریباً 2 ارب عوام کے لیے مؤثر ثابت ہو سکتا ہے۔
ملاقاتوں کے دوران بنگلہ دیش میں آئندہ قومی انتخابات پر بھی بات چیت ہوئی۔
مزید پڑھیں: خالدہ ضیا کی نماز جنازہ ادا کردی گئی، بنگلہ دیش کی سیاست کا ایک دور ختم
پروفیسر یونس نے بتایا کہ 12 فروری کو آزاد اور شفاف انتخابات کے انعقاد کی تیاریاں جاری ہیں اور انتخابی عمل مکمل ہونے کے بعد وہ اپنے سابقہ پیشہ ورانہ کردار میں واپس جانے کا ارادہ رکھتے ہیں۔
سری لنکا اور نیپال کے وزرائے خارجہ نے بیرون ملک مقیم بنگلہ دیشیوں کے لیے متعارف کرائے گئے پوسٹل ووٹنگ سسٹم میں دلچسپی کا اظہار کیا۔
پروفیسر یونس کے مطابق تقریباً 7 لاکھ اوورسیز بنگلہ دیشی اس نظام کے تحت ووٹر کے طور پر رجسٹر ہو چکے ہیں جو پہلی بار نافذ کیا جا رہا ہے۔
یہ بھی پڑھیے: بنگلہ دیش کے چیف ایڈوائزر کا سابق وزیرِ اعظم بیگم خالدہ ضیاء کے انتقال پر اظہارِ افسوس
سری لنکا کے وزیر خارجہ وجیتھا ہیراتھ نے کہا کہ کولمبو بنگلہ دیش کے پوسٹل ووٹنگ کے تجربے کا بغور مشاہدہ کرے گا تاکہ اپنے انتخابی نظام میں بہتری کے لیے اس سے رہنمائی حاصل کی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بنگلہ دیش کے چیف ایڈوائزر ڈاکٹر محمد یونس بیگم خالدہ ضیا ڈھاکہ سارک.
ذریعہ
ذریعہ: WE News
کلیدی لفظ: بنگلہ دیش بیگم خالدہ ضیا ڈھاکہ بیگم خالدہ ضیا کے وزیر خارجہ چیف ایڈوائزر خالدہ ضیا کی بنگلہ دیش کے محمد یونس نے کہا کہ انہوں نے کے لیے
پڑھیں:
دیوار سے لگانے کی کوشش کی گئی تو وفاقی بجٹ پاس نہیں ہونے دیں گے ؛ سہیل آفریدی
سٹی 42:سہیل آفریدی نے احتجاج کی کال دیتےہوئے کہا اگر اس مرتبہ بھی دیوار سے لگانے کی کوشش کی گئی تو ملک بھر سے پارلیمنٹرین 10جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیں گے۔
وزیر اعلی کے پی فیکٹری ناکہ سے واپس روانہ ہو گئے ۔ وزیر اعلی سہیل آفریدی کی فیکٹری ناکہ سے روانگی سے قبل میڈیا ٹاک میں کہا اگر اس مرتبہ بھی دیوار سے لگانے کی کوشش کی گئی تو ملک بھر سے پارلیمنٹرین 10جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیں گے۔2026-27کا بجٹ پیش کرنے جا رہے ہیں،مطالبہ کے کہ کے پی حکومت بانی کی ہے۔کے پی عوام نے بانی کو ووٹ دیا وہ انکو چاہتی ہے ۔کے پی عوام چاہے گی کہ بجٹ بانی کی خواہشات کے مطابق بنے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
بجٹ کے حوالے سے میری اور وزیر خزانہ سے ملاقات ہو تاکہ ان سے بجٹ کی اپروول لے سکیں۔ہم کل اسلام آباد ہائیکورٹ میں ایک پٹیشن دائر کرنے جا رہے ہیں،امید ہے اس دفعہ ہمیں ملاقات کی اجازت دی جائے گی،آج بھی بانی کی فیملی سے ملاقات نہیں ہونے دی گئی۔بانی نے کوئی جرم نہیں کیا،انکو اغوا کرکے ناحق قید رکھا گیا ہے۔
پنجاب کی جعلی حکومت،جیل انتظامیہ کی وجہ سے بانی کی آنکھ میں مسئلہ ہوا،عوام میں تشویش ہے کہ بانی کی ملاقات بند ہے،وہ اندر کیا کر رہے ہیں کہ تمام چیزیں روکی ہوئی ہیں۔یہ کیوں ملاقات نہیں کروا رہے،کے پی سے امتیازی سلوک کیوں کیا جا رہا ہے،میں نے ملاقات کا مطالبہ کرکےکوئی غلط ڈیمانڈ نہیں کی۔کے پی میں عوام نے بانی کو مینڈیٹ دیا یہ انکا حق ہے کہ بجٹ بانی کی مرضی کے مطابق ہو ۔ کے پی کا وزیر اعلی بانی تبدیل کر سکتے ہیں باقی کسی میں جرات نہیں،وہ ہلا بھی سکے ۔محسن نقوی سے ملاقات بیرسٹر گوہر کے کہنے پر ہوئی ۔افغانستان ہمارا برادر اسلامی ملک ہے،وہاں پر کیا انٹرسٹ ہو سکتا ہے اگر ہم ان سے لڑائی کریں ۔کسی کی خوشنودی کے لئے ان سے تعلقات خراب ہو رہے ہیں،
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
بجٹ میں بانی کی ہدایات کو شامل کیا گیا ہے،سوشل ویلفیئرتعلیم،صحت کو شامل کیا گیا ۔بانی نے کہا تھا کہ جنگ کسی مسئلے کا حل نہیں پاکستان کو ثالثی کا کردار ادا کرنا چاہیئے
2026میں پاکستان انکے مشورے پر عمل کرتا ہے تو دنیا میں اسکی واہ واہ ہوتی ہے ۔ہر بندہ بولتا ہے کہ کرپشن ہو رہی ہے میں نے وزیراعلی کے دروازے کھلے رکھے ہیں کرپشن کے ثبوت لائیں۔
وزارت آئی ٹی نے 1.67 ارب روپے سے زاید کے فنڈز طلب کرلیے