نشے میں ہونے کے باعث ائیر انڈیا کی پرواز کے پائلٹ کو کینیڈا میں آف لوڈ کردیا گیا
اشاعت کی تاریخ: 1st, January 2026 GMT
ویب ڈیسک : کینیڈا کے شہر وینکوور میں بھارتی ائیرلائن ائیر انڈیا کے ایک پائلٹ کو ٹیک آف سے کچھ دیر قبل مشتبہ حالت میں ہونے اور نشےکے باعث پرواز سے اتار دیا گیا۔
بھارتی میڈیا کی رپورٹس کے مطابق واقعہ 23 دسمبر 2025 کو ائیر انڈیا کی پرواز AI186 کے ساتھ پیش آیا، وینکوور ائیرپورٹ پر عملے کے ایک رکن نے مبینہ طور پر پائلٹ کو شراب پیتے یا شراب خریدتے ہوئے دیکھا جس کے بعد حکام کو آگاہ کیا گیا۔کینیڈین حکام نے پائلٹ کے پاس سے مشکوک بو آنے کےباعث فوری طور پر پائلٹ کا بریتھ اینالائزر ٹیسٹ کیا جس میں وہ ناکام رہا۔ بعد ازاں حکام نے پائلٹ کی محفوظ انداز میں فرائض انجام دینے کی صلاحیت پر تشویش کا اظہار کرتے ہوئے اسے مزید تفتیش کے لیے حراست میں لے لیا۔
ذوالفقار علی بھٹو کی سالگرہ سندھ بھر میں منانے کا اعلان
ائیر انڈیا کے ترجمان کے مطابق حفاظتی اصولوں کے تحت متبادل پائلٹ کو پرواز کے لیے تعینات کیا گیا تاہم نئے پائلٹ کی تعیناتی کے عمل میں وقت لگنے کے باعث پرواز میں تاخیر ہوئی۔
ائیر انڈیا نے تصدیق کی ہے کہ جاری تحقیقات کے نتائج سامنے آنے تک مذکورہ پائلٹ کو ڈیوٹی سے ہٹا دیا گیا ہے۔
.
ذریعہ
ذریعہ: City 42
کلیدی لفظ: ائیر انڈیا پائلٹ کو
پڑھیں:
شہید آیت اللہ خامنہ ای کی تدفین کی تیاریاں، 3 روزہ تقریبات کا اعلان
ایرانی میڈیا میں شہید آیت اللہ سید علی خامنہ ای کی تدفین سے متعلق دعؤوں کے حوالے سے نئی تفصیلات سامنے آئی ہیں، جبکہ ایرانی حکام کی جانب سے مبینہ طور پر تدفین کے انتظامات کے حوالے سے تیاریوں کا ذکر کیا گیا ہے۔ اسلام ٹائمز۔ ایرانی خبررساں ایجنسی کے مطابق تہران کے نائب میئر برائے سماجی و ثقافتی امور محمد امین توکلی زادہ نے کہا ہے کہ تدفین سے قبل 3 روزہ عوامی تقریبات کا انعقاد کیا جائے گا، جن کے دوران عوام کو عظیم شہید راہنما کو خراجِ عقیدت پیش کرنے کا موقع دیا جائے گا۔ محمد امین توکلی زادہ کے مطابق عوامی تقریبات کے اختتام پر نمازِ جنازہ ادا کی جائے گی، جس کے بعد جلوس کا آغاز ہوگا، تہران میں یہ جلوس کم از کم 24 گھنٹے تک جاری رہ سکتا ہے۔ انہوں نے مزید بتایا کہ بعد ازاں تقریبات ایران کے اہم مذہبی مراکز قم اور مشہد میں بھی جاری رہیں گی، شہید آیت اللہ سید علی خامنہ ای کی خواہشات کے مطابق تدفین مشہد میں روضۂ امام رضاؑ کے قریب کیے جانے کا امکان ہے۔
ایرانی حکام کے مطابق یہ تقریب ملک کی جدید تاریخ کے بڑے عوامی اجتماعات میں شمار ہو سکتی ہے، تہران میں انتظامات اس انداز سے کیے جا رہے ہیں کہ ایک کروڑ 50 لاکھ سے 2 کروڑ افراد تک ان تقریبات میں شرکت کر سکیں۔ ان کے مطابق انتظامات کی مجموعی نگرانی پاسدارانِ انقلاب کریں گے جبکہ بلدیاتی حکام اور دیگر ریاستی ادارے لاجسٹک اور عوامی سہولیات کی فراہمی میں معاونت کریں گے۔ تاہم ان دعؤوں اور تفصیلات کی آزاد ذرائع سے تصدیق نہیں ہو سکی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے