سال 2025ء سندھ کے عوام کے لیے مشکلات، محرومیوں اور بدقسمتی کا سال ثابت ہوا، سردار عبدالرحیم
اشاعت کی تاریخ: 1st, January 2026 GMT
اپنے پیغام میں جی ڈی اے کے سیکریٹری اطلاعات نے کہا کہ حکومت نے سیاسی مخالفین کے خلاف انتقامی کارروائیوں کے تحت جھوٹے مقدمات قائم کیے، جبکہ صحت اور تعلیم جیسے بنیادی شعبوں کو مکمل طور پر تباہ و برباد کر دیا گیا، سرکاری اسپتالوں اور تعلیمی اداروں کی حالت زار نے عوام کو شدید مایوسی میں مبتلا کر دیا ہے۔ اسلام ٹائمز۔ پاکستان مسلم لیگ فنکشنل سندھ کے سیکریٹری جنرل اور گرینڈ ڈیموکریٹک الائنس (جی ڈی اے) کے سیکریٹری اطلاعات سردار عبدالرحیم نے کہا ہے کہ سندھ پر مسلط کرپٹ اور عوام دشمن حکمرانوں کی نااہلی، بدترین کرپشن اور ناقص پالیسیوں کے باعث سال 2025ء سندھ کے عوام کے لیے مشکلات، محرومیوں اور بدقسمتی کا سال ثابت ہوا، دعا ہے کہ نیا آنے والا سال 2026ء سندھ کے عوام کے لیے خوشیوں، خوشحالی اور کرپٹ، لٹیروں حکمرانوں سے نجات کا سال بنے۔
اپنے خصوصی پیغام میں سردار عبدالرحیم نے کہا کہ گزرتا ہوا سال سندھ کے عوام کے لیے دکھوں، تکالیف اور شدید معاشی دبا کا سال رہا، کرپٹ حکمرانوں کی لوٹ مار اور قومی خزانے کو بے دردی سے نقصان پہنچانے کے باعث خوشحال سندھ کے عوام آج بھوک، افلاس اور بے روزگاری کی زندگی گزارنے پر مجبور ہیں۔ انہوں نے کہا کہ مہنگائی، بے روزگاری، بدترین امن و امان کی صورتحال، قبائلی جھگڑے اور اغوا برائے تاوان کی بڑھتی ہوئی وارداتوں نے عوام کا جینا دوبھر کر دیا، لیکن حکمران ان مسائل کو حل کرنے کے بجائے صرف اپنی جیبیں بھرنے اور عیاشیوں میں مصروف رہے، غریب عوام کی مشکلات سے انہیں کوئی سروکار نہیں۔
ذریعہ
ذریعہ: Islam Times
کلیدی لفظ: سندھ کے عوام کے لیے کا سال نے کہا
پڑھیں:
دعا ہے فیلڈ مارشل امن کی کوششوں میں کامیاب ہوجائیں، بلاول بھٹو زرداری
گلگت:پیپلز پارٹی کے چیئرمین بلاول بھٹو زرداری نے کہا ہے کہ دعا ہے کہ فیلڈ مارشل امن کی کوششوں میں کامیاب ہوجائیں، امن کی کوششوں کا کامیاب ہونا ضروری ہے۔
گلگت بلتستان میں انتخابی جلسے سے خطاب میں انہوں نے کہا کہ ایران میں اسکول پر میزائل مار کر بچوں کو شہید کیا گیا اس جنگ میں ایران کے ساتھ ساتھ دنیا بھر کے عوام جنگ کا بوجھ اٹھا رہے ہیں۔
ان کا کہنا تھا کہ ملک بھر میں کوئی سیاست دان نہیں جس نے میری طرح ملک بھر کے دورے کیے ہوں، میں گلگت بلتستان کی ہر تحصیل میں پہنچا ہوں، گزشتہ الیکشن میں خوشی کا ماحول تھا اس الیکشن میں سوگ کا ماحول ہے۔
ان کا کہنا تھا کہ بی آئی ایس پی ملک کا واحد پروگرام ہے جو ہر غریب کے گھر تک پہنچتا ہے، اس پروگرام کے خلاف سیاسی جماعتوں کی سازشیں ناکام ہوں گی۔
بلاول کا کہنا تھا کہ مشرف دور میں دیگر ممالک کےلیے فوجی بیسز بنے ہمارے دور میں نہیں، پاکستان کو ایٹم بم ذوالفقار علی بھٹو اور میزائل پروگرام بے نظیر نے دیا، ہم چاہتے ہیں پاکستان دفاعی و معاشی لحاظ سے مضبوط ہو، یہ کیسی معاشی پالیسی ہے کہ امیر، امیرتر ہوجائے اور غریب غریب تر ہوجائے، یہ تمام کام صرف ایک جماعت کراسکتی ہے اور وہ پیپلز پارٹی ہے۔
ان کا کہنا تھا کہ آپ نے ہر چیز کو اسلام آباد سے چلانا چاہا ہے، آپ پہلے گلگت بلتستان کو اس کا حق ملکیت دلادیں، یہ ماننا پڑے گا کہ کسی بھی پروجیکٹ میں مقامی لوگوں کو ملکیت دینی ہوگی جس طرح سندھ میں ہے جہاں تھر سے کوئلہ نکلا وہاں کے مقامی لوگوں کو بجلی دی گئی انہیں پروجیکٹس میں نوکریاں دی گئیں، انہیں شیئر کی بھی آفر کی گئی مگر انہوں ںے پیسہ لیا شیئر نہیں، تھرکول سے فائدہ سندھ کو نہیں پورے پاکستان کو ہورہا ہے مگر سب سے پہلے فائدہ مقامی لوگوں کو ہوا یہی پیپلز پارٹی چاہتی ہے۔
بلاول بھٹو زرداری کا کہنا تھا کہ میں صوبوں سے نہیں عالمی دنیا سے مقابلہ کرتا ہوں، سندھ میں جو ہاؤسنگ کا منصوبہ ہے یہ دنیا کا سب سے بڑا زلزلہ ہے، قبل ازیں یہ نیپال میں ریکارڈ تھا جہاں زلزلے کے بعد گھر بنے اور اب یہ ریکارڈ سندھ کے پاس ہے جہاں سیلاب کے بعد بیس لاکھ پکے گھر بنائے جارہے ہیں جو سیلاب آنے کے باوجود تباہ نہیں ہوں گے، یہ مکانات خواتین کے نام پر ہوں گے۔
انہوں نے مزید کہا کہ مجھے امید ہے کہ سات جون کو انتخابات میں یہاں کے عوام تیر کے نشان پر مہر لگائیں کہ تاکہ میں یہاں کے مقامیوں کو ان کا حق ملکیت دوں اور گلگت بلتستان میں اسپتالوں کا جال بچھادوں جہاں مفت علاج ہوسکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ