پاک بھارت تعلقات میں غیر متوقع سفارتی پیش رفت

اشاعت کی تاریخ: 1st, January 2026 GMT

data-id="863a0a8" data-element_type="widget" data-widget_type="theme-post-content.default">

ڈھاکا کی خاموش فضا میں ایک ایسا لمحہ وجود میں آیا جس نے برصغیر کی سیاست میں برسوں سے جمے ہوئے جمود پر ہلکی سی دستک دی۔ ایک طرف تعلقات کی سرد مہری، سرحدی کشیدگی اور چند ماہ قبل کی جنگی فضا کی تلخ یادیں تھیں، تو دوسری طرف اسی پس منظر میں بھارتی وزیر خارجہ ایس۔ جے شنکر کا جذبہ ٔ پیش قدمی، جو خود چل کر پاکستان کے اسپیکر قومی اسمبلی سردار ایاز صادق سے ملے، مصافحہ کیا اور خوشگوار جملوں کا تبادلہ بھی ہوا۔ یہ منظر ایک معمولی سماجی ملاقات نہیں تھا، بلکہ ایسے وقت میں پیش آیا جب دونوں ریاستیں سفارتی سطح پر تقریباً مکمل خاموشی کی کیفیت سے گزر رہی تھیں۔ یہی وجہ ہے کہ اس مختصر لمحے کو سیاسی حلقوں نے ایک معنی خیز علامت کے طور پر دیکھا گویا برف کی دبیز تہہ کے اندر کہیں کوئی ہلکی سی دراڑ ابھر آئی ہو۔

یہ ملاقات بنگلا دیش کی سابق وزیراعظم بیگم خالدہ ضیاء کی تدفین کے موقع پر ہوئی، جہاں مختلف ممالک کی سیاسی و حکومتی شخصیات شریک تھیں۔ سردار ایاز صادق جب تعزیت کے لیے موجود تھے، تو جے شنکر نہ صرف ان کے قریب آئے بلکہ اپنے تعارف کے ساتھ اس بات کا بھی اظہار کیا کہ وہ اسپیکر پاکستان کی شخصیت اور کردار سے آگاہ ہیں۔ اس لمحے کی سنجیدگی کے باوجود دونوں رہنماؤں کے درمیان جو نرم لہجے اور شائستہ مکالمے کا تبادلہ ہوا، وہ دراصل اس بات کی جھلک تھا کہ سیاست کے دباؤ سے ہٹ کر بھی انسانی سطح پر مکالمہ باقی رہ سکتا ہے۔ سفارت کاری کی دنیا میں بعض اوقات یہی غیر رسمی پل مستقبل کے روابط کی بنیاد بن جاتے ہیں۔

یہ رابطہ اس لیے بھی اہمیت اختیار کر گیا کہ مئی میں ہونے والی پاک بھارت جنگ کے بعد دونوں ملک نہ صرف سفارتی سطح پر بتدریج فاصلے اختیار کر چکے تھے بلکہ ہر قسم کے رسمی مکالمے تقریباً معطل ہو چکے تھے۔ دونوں دارالحکومتوں میں بیانات سخت، ماحول کشیدہ اور عوامی سطح پر نفسیاتی فاصلے گہرے ہوتے جا رہے تھے۔ اس پس منظر میں جے شنکر کا خود چل کر آگے آنا محض ایک سماجی حرکت نہیں بلکہ ایک خاموش سفارتی اشارہ محسوس ہوا ایک ایسا اشارہ جو یہ بتاتا ہے کہ ٹوٹے ہوئے مکالمے کبھی مکمل مر نہیں جاتے، بلکہ کسی نہ کسی موقع پر دوبارہ سانس لینے لگتے ہیں۔

دلچسپ امر یہ بھی ہے کہ جنگ کے بعد بھارت نے اپنی کرکٹ ٹیم کے کھلاڑیوں کو پاکستانی کھلاڑیوں سے مصافحے سے روکے رکھا، گویا اسٹیڈیم تک سفارتی کشمکش کے اثرات پہنچ چکے تھے۔ مگر اسی خطے میں دیگر کھیلوں کے میدانوں میں کھلاڑی ایک دوسرے سے ہاتھ ملاتے رہے اس منظر نامے میں ڈھاکا کا یہ مصافحہ محض دو ہاتھوں کا ملاپ نہیں بلکہ ایک ایسی علامتی حرکت تھی جس نے یاد دلایا کہ تعلقات خواہ کتنے ہی کشیدہ کیوں نہ ہوں، بات چیت کے دروازے کبھی مکمل بند نہیں ہوتے۔

سردار ایاز صادق نے اس موقع پر بنگلا دیش کے چیف ایڈوائزر ڈاکٹر یونس سے بھی ملاقات کی اور بیگم خالدہ ضیاء کی رہائش گاہ جا کر ان کے اہل ِ خانہ سے تعزیت کی، جہاں انہوں نے پاکستانی حکومت، پارلیمنٹ اور عوام کی جانب سے افسوس اور ہمدردی کا پیغام پہنچایا۔ یہ پہلو اس امر کی یاد دہانی بھی تھا کہ جنوبی ایشیا کی سیاست میں انسانی رشتوں، تاریخی روابط اور مشترکہ دکھ سکھ کا حوالہ اب بھی برقرار ہے۔ جنازے اور تعزیت جیسی انسانی نوعیت کی رسوم اکثر ایسی نرم فضا پیدا کرتی ہیں جہاں سیاسی فاصلوں کے باوجود دلوں تک رسائی کا راستہ نکل آتا ہے۔

سیاسی و سفارتی مبصرین کے نزدیک یہ ملاقات دراصل ’’غیر متوقع قربت‘‘ کا ایک مظہر تھی۔ دونوں ممالک کے بیانیے ایک دوسرے کے خلاف سخت ترین مؤقف اپنائے ہوئے تھے، میڈیا میں تلخی گہری تھی، مگر ڈھاکا کے اس پرسکون ماحول میں دونوں رہنماؤں کا مسکراتے ہوئے مصافحہ سفارت کاری کے ایک خاموش باب کی طرف اشارہ کر رہا تھا۔ اکثر اوقات تاریخ یہی بتاتی ہے کہ بڑی پیش رفتیں بند کمروں کی مذاکراتی میزوں پر نہیں بلکہ ایسے غیر رسمی لمحات سے جنم لیتی ہیں جنہیں ابتدا میں محض سماجی رسوم سمجھا جاتا ہے۔

یہ بھی قابل ذکر ہے کہ جے شنکر اس سے قبل پاکستان میں منعقد ہونے والی شنگھائی تعاون تنظیم کے اجلاس میں شریک ہو چکے تھے جہاں ان کی ملاقات پاکستانی وزیر خارجہ اسحاق ڈار سے ہوئی تھی۔ یوں یہ پہلا موقع نہیں تھا کہ دونوں ریاستوں کے اعلیٰ عہدیدار کسی بین الاقوامی فورم کے تناظر میں ایک دوسرے سے ملے ہوں، مگر مئی کے بعد کی کشیدہ فضا نے اس ملاقات کو ایک خصوصی معنویت عطا کر دی۔ یوں محسوس ہوا کہ سرکاری سطح پر منقطع چینلوں کے باوجود خطے کی سیاسی حقیقتیں فریقین کو نئے روابط سے مکمل طور پر لاتعلق رہنے نہیں دیتیں۔

یہ سوال اپنی جگہ موجود ہے کہ کیا یہ مصافحہ مستقبل میں کسی عملی سفارتی مکالمے یا اسٹرکچرل رابطے میں بدل سکے گا؟ فی الحال اس کا جواب فوری طور پر دینا ممکن نہیں، تاہم یہ حقیقت اپنی جگہ مسلَّم ہے کہ برف پگھلنے کی شروعات ہمیشہ کسی علامتی لمحے ہی سے ہوتی ہے۔ کبھی ایک مسکراہٹ، کبھی ایک نرم جملہ، کبھی ایک تعزیتی ملاقات یہی وہ چھوٹے پل ہیں جو بڑے فاصلے سمیٹنے میں پہلا قدم ثابت ہوتے ہیں۔

پاکستان اور بھارت کی تاریخ ہمیشہ تضادات سے بھری رہی ہے کشیدگی اور مکالمہ، فاصلہ اور قربت، جنگ اور سفارت سب ایک دوسرے کے ساتھ چلتے رہے۔ ہر دور میں کچھ مواقع ایسے آئے جب دشمنی کے بیچ بھی مکالمے کی ہلکی سی کرن نمودار ہوئی۔ ڈھاکا کی یہ ملاقات بھی اسی سلسلے کی ایک خاموش قسط معلوم ہوتی ہے۔ شاید آنے والے وقت میں یہ محض ایک یادگار واقعہ بن کر رہ جائے، اور شاید یہی وہ لمحہ ثابت ہو جس نے کسی نئے باب کی

بنیاد رکھی تاریخ کا فیصلہ ہمیشہ بعد میں ہوتا ہے۔

فی الحال اتنا ضرور کہا جا سکتا ہے کہ اس خطے کے عوام جنگی فضا کے بجائے مکالمے، استحکام اور تعاون کے متمنی ہیں۔ اگر سیاسی قیادتیں ان خاموش اشاروں کو سمجھ سکیں، تو ممکن ہے کہ ایک دن یہی مصافحہ مستقبل کے کسی بڑے اور بامعنی سفارتی رابطے کا آغاز تصور کیا جائے۔ دنیا کی سیاست میں امید ہمیشہ کمزور نظر آتی ہے، مگر وہی کمزور سی لکیر کبھی کبھی طاقتور ترین بنیاد بن جاتی ہے شاید یہی وہ امکان ہے جو ڈھاکا کے اس لمحے نے ایک بار پھر زندہ کر دیا ہے۔

ڈاکٹر محمد طیب خان سنگھانوی.

ذریعہ

ذریعہ: Jasarat News

کلیدی لفظ: ایک دوسرے چکے تھے

پڑھیں:

دیوار سے لگانے کی کوشش کی گئی تو وفاقی بجٹ پاس نہیں ہونے دیں گے ؛ سہیل آفریدی

سٹی 42:سہیل آفریدی نے احتجاج کی کال دیتےہوئے کہا اگر اس مرتبہ بھی دیوار سے لگانے کی کوشش کی گئی تو ملک بھر سے پارلیمنٹرین 10جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیں گے۔

وزیر اعلی کے پی فیکٹری ناکہ سے واپس روانہ ہو گئے ۔ وزیر اعلی سہیل آفریدی کی فیکٹری ناکہ سے روانگی سے قبل میڈیا ٹاک میں کہا اگر اس مرتبہ بھی دیوار سے لگانے کی کوشش کی گئی تو ملک بھر سے پارلیمنٹرین 10جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیں گے۔2026-27کا بجٹ پیش کرنے جا رہے ہیں،مطالبہ کے کہ کے پی حکومت بانی کی ہے۔کے پی عوام نے بانی کو ووٹ دیا وہ انکو چاہتی ہے ۔کے پی عوام چاہے گی کہ بجٹ بانی کی خواہشات کے مطابق بنے ۔

پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل

بجٹ کے حوالے سے میری اور وزیر خزانہ سے ملاقات ہو تاکہ ان سے بجٹ کی اپروول لے سکیں۔ہم کل اسلام آباد ہائیکورٹ میں ایک پٹیشن دائر کرنے جا رہے ہیں،امید ہے اس دفعہ ہمیں ملاقات کی اجازت دی جائے گی،آج بھی بانی کی فیملی سے ملاقات نہیں ہونے دی گئی۔بانی نے کوئی جرم نہیں کیا،انکو اغوا کرکے ناحق قید رکھا گیا ہے۔

پنجاب کی جعلی حکومت،جیل انتظامیہ کی وجہ سے بانی کی آنکھ میں مسئلہ ہوا،عوام میں تشویش ہے کہ بانی کی ملاقات بند ہے،وہ اندر کیا کر رہے ہیں کہ تمام چیزیں روکی ہوئی ہیں۔یہ کیوں ملاقات نہیں کروا رہے،کے پی سے امتیازی سلوک کیوں کیا جا رہا ہے،میں نے ملاقات کا مطالبہ کرکےکوئی غلط ڈیمانڈ نہیں کی۔کے پی میں عوام نے بانی کو مینڈیٹ دیا یہ انکا حق ہے کہ بجٹ بانی کی مرضی کے مطابق ہو ۔ کے پی کا وزیر اعلی بانی تبدیل کر سکتے ہیں باقی کسی میں جرات نہیں،وہ ہلا بھی سکے ۔محسن نقوی سے ملاقات بیرسٹر گوہر کے کہنے پر ہوئی ۔افغانستان ہمارا برادر اسلامی ملک ہے،وہاں پر کیا انٹرسٹ ہو سکتا ہے اگر ہم ان سے لڑائی کریں ۔کسی کی خوشنودی کے لئے ان سے تعلقات خراب ہو رہے ہیں،

غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات

بجٹ میں بانی کی ہدایات کو شامل کیا گیا ہے،سوشل ویلفیئرتعلیم،صحت کو شامل کیا گیا ۔بانی نے کہا تھا کہ جنگ کسی مسئلے کا حل نہیں پاکستان کو ثالثی کا کردار ادا کرنا چاہیئے

2026میں پاکستان انکے مشورے پر عمل کرتا ہے تو دنیا میں اسکی واہ واہ ہوتی ہے ۔ہر بندہ بولتا ہے کہ کرپشن ہو رہی ہے میں نے وزیراعلی کے دروازے کھلے رکھے ہیں کرپشن کے ثبوت لائیں۔

پاک بھارت تعلقات میں غیر متوقع سفارتی پیش رفت

دیوار سے لگانے کی کوشش کی گئی تو وفاقی بجٹ پاس نہیں ہونے دیں گے ؛ سہیل آفریدی

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر