بھارتی شہر اندور میں آلودہ پانی پینے سے 9 افراد جاں بحق، 200 سے زائد اسپتال میں داخل
اشاعت کی تاریخ: 2nd, January 2026 GMT
بھارت کے وسطی شہر اندور میں پینے کے آلودہ پانی کے باعث اسہال کی وبا پھوٹ پڑی، جس کے نتیجے میں کم از کم 9 افراد جاں بحق اور 200 سے زائد بیمار ہو کر مختلف اسپتالوں میں داخل ہو گئے۔ مقامی حکام کے مطابق پانی کی پائپ لائن میں رساؤ کے باعث بیکٹیریا شامل ہوا، جس کی تصدیق واٹر ٹیسٹ میں ہو چکی ہے۔
یہ بھی پڑھیں:بھارت اور نیپال میں طوفانی بارشوں سے تباہی، 60 سے زیادہ ہلاکتیں
خبر رساں ادارے کے مطابق اندور کے علاقے بھاگیرتھ پور میں پینے کے پانی کی پائپ لائن میں لیکیج کے باعث پانی آلودہ ہو گیا، جس کے بعد بڑی تعداد میں شہری اسہال اور پیٹ کی بیماریوں میں مبتلا ہوئے۔ ریاستی قانون ساز کیلاش وجے ورگیہ نے تصدیق کی ہے کہ اس واقعے میں 9 افراد جان کی بازی ہار چکے ہیں۔
اندور کے چیف میڈیکل آفیسر مادھو پرساد ہسانی نے بتایا کہ متاثرہ علاقے کے پانی کے نمونوں میں بیکٹیریا کی موجودگی کی تصدیق ہوئی ہے، تاہم حتمی رپورٹ کا انتظار کیا جا رہا ہے۔ ان کے مطابق 200 سے زائد مریض شہر کے مختلف اسپتالوں میں زیرِ علاج ہیں۔
یہ بھی پڑھیں:بھارت میں سیلاب کی تباہ کاریاں: 5 ہلاکتیں، 10 ہزار افراد کی نقل مکانی
ڈسٹرکٹ ایڈمنسٹریٹو آفیسر شراون ورما نے کہا کہ حکام نے گھر گھر جا کر اسکریننگ کے لیے ڈاکٹرز کی ٹیمیں تعینات کر دی ہیں اور شہریوں میں پانی کو صاف کرنے کے لیے کلورین کی گولیاں تقسیم کی جا رہی ہیں۔ ان کے مطابق ایک لیکیج پوائنٹ کی نشاندہی کر کے اسے درست کر دیا گیا ہے۔
حکام کا کہنا ہے کہ اب تک 8 ہزار 571 افراد کی اسکریننگ کی جا چکی ہے، جن میں سے 338 افراد میں معمولی علامات پائی گئیں۔ قابلِ ذکر ہے کہ مدھیہ پردیش کا شہر اندور گزشتہ آٹھ برس سے بھارت کا سب سے صاف شہر قرار دیا جاتا رہا ہے، تاہم اس واقعے نے شہری انتظامات پر سوالات کھڑے کر دیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آلودہ پانی اندور ہلاکتیں بھارت.
ذریعہ
ذریعہ: WE News
کلیدی لفظ: ا لودہ پانی اندور ہلاکتیں بھارت کے مطابق
پڑھیں:
عاطف اسلم کا نیا البم ’صبح آئے نہ‘ کب ریلیز ہو گا؟ گلوکار نے بڑی اپڈیٹ دے دی
پاکستان کے عالمی شہرت یافتہ گلوکار عاطف اسلم نے اپنے نئے میوزک البم ’صبح آئے نہ‘ کا باضابطہ اعلان کر دیا ہے۔
گلوکار عاطف اسلم کے مطابق آٹھ گانوں پر مشتمل اس البم میں ’صبح آئے نہ‘، ’سفر میں ہوں‘، ’عشق‘، ’لیٹس ہیو سو فن‘، ’سن سجنا‘، ’ہوں عشق میں‘، ’چار یار‘ اور ’سچے وعدے‘ شامل ہیں اور اس البم کو 31 جولائی کو دنیا بھر کے مختلف میوزک اسٹریمنگ پلیٹ فارمز پر ریلیز کیا جائے گا۔
اپنے نئے البم کے حوالے سے عاطف اسلم کا کہنا تھا کہ ’صبح آئے نہ‘ ان کے ذاتی سفر کی عکاسی کرتا ہے، جس میں انہوں نے اندرونی کشمکش سے نکل کر اپنی اصل شخصیت کو دریافت کیا۔
انہوں نے کہا، ’’یہ البم میری اس جدوجہد کی نمائندگی کرتا ہے جس میں میں نے اندرونی انتشار سے نکل کر اپنے حقیقی وجود کو پایا۔ میں بے حد پرجوش ہوں کہ آخرکار اسے اپنے مداحوں کے ساتھ شیئر کر رہا ہوں۔‘‘
View this post on Instagram View this post on Instagram
عاطف اسلم کے گانوں کو 8 ارب بار سنا جا چکا ہے:
دو دہائیوں سے زائد عرصے پر محیط اپنے شاندار موسیقی کے سفر کے دوران عاطف اسلم جنوبی ایشیا کے مقبول ترین گلوکاروں میں شمار ہوتے ہیں۔
تازہ اسپاٹیفائی اعداد و شمار کے مطابق، ان کے گانوں کو اب تک تقریباً 8 ارب بار سنا جا چکا ہے، جبکہ ہر ماہ 3 کروڑ سے زائد افراد 184 ممالک میں ان کی موسیقی سنتے ہیں۔
اعداد و شمار کے مطابق گزشتہ ایک سال کے دوران عاطف اسلم کی 96 فیصد اسٹریمنگز پاکستان سے باہر ہوئیں، جو مشرقِ وسطیٰ، شمالی امریکا، یورپ اور ایشیا پیسیفک سمیت مختلف خطوں میں ان کی مقبولیت کا ثبوت ہے۔
رپورٹ کے مطابق، عاطف اسلم کی موسیقی نوجوان نسل میں بھی بے حد مقبول ہے، جہاں جنریشن زیڈ ان کے 85 فیصد سامعین پر مشتمل ہے۔ گزشتہ ایک سال میں 4 کروڑ 10 لاکھ سے زائد نئے اور پرانے سامعین نے ان کے گانے سنے، جبکہ ان کے گانوں کو دنیا بھر میں 3 کروڑ 75 لاکھ سے زائد ذاتی پلے لسٹس میں شامل کیا گیا۔
بھارت سے جنگ اور افغانستان میں کارروائی خارج ازامکان نہیں، وزیردفاع