2027 کے ورلڈ کپ کے بعد ون ڈے کرکٹ کو زوال کا سامنا کرنا پڑ سکتا ہے: روی چندرن ایشون
اشاعت کی تاریخ: 2nd, January 2026 GMT
data-id="863a0a8" data-element_type="widget" data-widget_type="theme-post-content.default">
بھارتی کرکٹ کے سینئر اسپنر اور عالمی شہرت یافتہ آل راؤنڈر روی چندرن ایشون نے ایک روزہ بین الاقوامی کرکٹ کے مستقبل پر سنجیدہ سوالات اٹھاتے ہوئے خبردار کیا ہے کہ 2027 کے ورلڈ کپ کے بعد 50 اوور فارمیٹ کو بقا کے شدید چیلنجز کا سامنا ہو سکتا ہے۔
اپنے بیان میں بھارتی کرکٹ کے سینئر اسپنر روی چندرن ایشون نے کہا کہ دنیا بھر میں تیزی سے پھیلتی ہوئی ٹی ٹوئنٹی لیگز، فرنچائز کرکٹ کا دباؤ اور ٹیسٹ کرکٹ کی علیحدہ شناخت نے ون ڈے فارمیٹ کو ایک درمیانی اور غیر یقینی حیثیت میں لا کھڑا کیا ہے۔
انہوں نے کہا کہ موجودہ حالات میں یہ کہنا مشکل ہے کہ 2027 کے بعد ون ڈے کرکٹ کس سمت جائے گی، تاہم اس فارمیٹ کے مستقبل پر تشویش ہونا فطری ہے، موجودہ عالمی کرکٹ منظرنامے میں ون ڈے کرکٹ بتدریج اپنی اہمیت کھوتی جا رہی ہے۔
بھارتی اسپن لیجنڈ نے اس موقع پر ان کھلاڑیوں کے کردار کو بھی نمایاں کیا جو ون ڈے کرکٹ کی شناخت سمجھے جاتے ہیں۔
ان کا کہنا تھا کہ ویرات کوہلی اور روہت شرما جیسے بڑے نام نہ صرف اس فارمیٹ کی مقبولیت کو برقرار رکھے ہوئے ہیں بلکہ ان کی موجودگی ہی ون ڈے کرکٹ کو زندہ رکھنے میں کلیدی حیثیت رکھتی ہے، اگر ایسے بڑے اسٹارز کی دلچسپی کم ہوتی گئی تو ون ڈے فارمیٹ کے لیے حالات مزید مشکل ہو سکتے ہیں۔
ایشون، جو بھارت کی جانب سے مجموعی طور پر سب سے زیادہ وکٹیں حاصل کرنے والے کھلاڑیوں کی فہرست میں دوسرے نمبر پر ہیں، نے اپنے کیریئر میں انٹرنیشنل کرکٹ میں 765 وکٹیں حاصل کیں۔ ان کا شمار ان کھلاڑیوں میں ہوتا ہے جنہوں نے تینوں فارمیٹس میں نمایاں کارکردگی دکھائی، جس کی وجہ سے ان کی رائے کو عالمی کرکٹ حلقوں میں خاص اہمیت دی جا رہی ہے۔
ذریعہ
ذریعہ: Jasarat News
کلیدی لفظ: ون ڈے کرکٹ
پڑھیں:
عالمی منڈی میں تیل کی قیمتیں 100 ڈالر سے تجاوز کر گئیں
گزشتہ تین ہفتوں سے تیل کی قیمتوں میں مسلسل اضافہ دیکھنے میں آ رہا ہے، جبکہ آج کی ٹریڈنگ کے دوران برینٹ آئل کی قیمت میں اب تک تقریباً 6.5 فیصد اضافہ ریکارڈ کیا گیا۔ اسلام ٹائمز۔ عالمی منڈی میں خام تیل کی قیمتوں میں نمایاں اضافہ ریکارڈ کیا گیا ہے، جہاں برینٹ خام تیل کی قیمت 100 ڈالر فی بیرل کی سطح سے تجاوز کر گئی۔ عالمی ذرائع ابلاغ کی رپورٹوں کے مطابق گزشتہ تین ہفتوں سے تیل کی قیمتوں میں مسلسل اضافہ دیکھنے میں آ رہا ہے، جبکہ آج کی ٹریڈنگ کے دوران برینٹ آئل کی قیمت میں اب تک تقریباً 6.5 فیصد اضافہ ریکارڈ کیا گیا۔ رپورٹ کے مطابق ایران اور خطے کے خلاف امریکی فوجی کارروائیوں کے بعد آبنائے ہرمز اور باب المندب میں بحری نقل و حمل متاثر ہونے اور دوبارہ بندش کے خدشات نے عالمی منڈی میں تیل کی قیمتوں کو اوپر دھکیل دیا، جس کے باعث برینٹ خام تیل کی قیمت 100 ڈالر فی بیرل سے تجاوز کر گئی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا