نیشنل اسٹیڈیم کراچی کو قذافی اسٹیڈیم سے بہتر بنایا جائے گا، محسن نقوی
اشاعت کی تاریخ: 2nd, January 2026 GMT
چیئرمین پاکستان کرکٹ بورڈ محسن نقوی نے اعلان کیا ہے کہ کراچی کے نیشنل اسٹیڈیم کو جدید سہولتوں سے آراستہ کر کے لاہور کے قذافی اسٹیڈیم سے بھی بہتر بنایا جائے گا۔ ان کا کہنا تھا کہ پاکستان ویمنز ورلڈ کپ کی میزبانی کا خواہاں ہے جو ملک کے لیے باعثِ اعزاز ہوگا۔
یہ بھی پڑھیں:محسن نقوی نے لاہور، راولپنڈی اور کراچی اسٹیڈیمز کے نئے ڈیزائن کی منظوری دے دی
کراچی میں میڈیا سے گفتگو کرتے ہوئے چیئرمین پی سی بی محسن نقوی نے کہا کہ نیشنل اسٹیڈیم کراچی کی اپ گریڈیشن کے منصوبے پاکستان سپر لیگ کے 11ویں ایڈیشن کے اختتام کے بعد شروع کیے جائیں گے۔ ان کا کہنا تھا کہ ان بہتریوں کا مقصد شائقینِ کرکٹ کو بڑی تعداد میں اسٹیڈیم کی جانب راغب کرنا ہے۔
محسن نقوی نے بتایا کہ پی سی بی حیدرآباد میں نئے اسٹیڈیم کی تعمیر پر بھی کام کر رہا ہے، جس سے سندھ میں کرکٹ کے فروغ کو تقویت ملے گی۔ انہوں نے کہا کہ نچلی سطح پر کرکٹ کے فروغ کے لیے ملک بھر میں انٹر اسکول کرکٹ ٹورنامنٹ جاری ہے، جس کا مقصد نیا ٹیلنٹ سامنے لانا ہے۔
چیئرمین پی سی بی نے اس اقدام کی حمایت کرنے والوں کا شکریہ ادا کرتے ہوئے کہا کہ اسکول ٹورنامنٹ کے اختتام پر کامیاب ٹیموں کے لیے خصوصی ایونٹس کا انعقاد کیا جائے گا۔ انہوں نے کراچی سمیت ملک بھر کے کرکٹ گراؤنڈز سے متعلق مسائل سے آگاہی کا اظہار کرتے ہوئے کہا کہ جلد اس حوالے سے خوشخبری دی جائے گی۔
یہ بھی پڑھیں:کراچی کا اسٹیڈیم لاہور سے بھی اچھا ہوگا، پی سی بی چیئرمین نے نیا پلان شیئر کردیا
بین الاقوامی امور پر بات کرتے ہوئے محسن نقوی نے واضح کیا کہ بھارت کے ساتھ کرکٹ معاملات پر بات چیت برابری کی سطح پر ہی کی جائے گی۔ ٹیم سے متعلق سوال پر انہوں نے کہا کہ ابھی مینز ورلڈ کپ کے حوالے سے کپتان سے بات نہیں ہوئی اور تکنیکی معاملات کرکٹرز خود دیکھ رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چیئرمین پی سی بی قذافی اسٹیڈیم کراچی اسٹیڈیم محسن نقوی وزیر داخلہ.
ذریعہ
ذریعہ: WE News
کلیدی لفظ: چیئرمین پی سی بی قذافی اسٹیڈیم کراچی اسٹیڈیم محسن نقوی وزیر داخلہ محسن نقوی نے کرتے ہوئے پی سی بی کہا کہ کے لیے
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار