جاوید اختر اپنے بارے میں وائرل ویڈیو پر برہم، قانونی کارروائی کی دھمکی
اشاعت کی تاریخ: 2nd, January 2026 GMT
معروف بھارتی نغمہ نگار اور اسکرین رائٹر جاوید اختر نے اپنے بارے میں وائرل ہونے والی ایک جعلی ویڈیو پر قانونی کارروائی کی دھمکی دے دی ہے، جس میں ان کے ذاتی عقائد میں تبدیلی کا جھوٹا دعویٰ کیا جا رہا ہے۔
جمعرات یکم جنوری کو جاوید اختر نے سوشل میڈیا پلیٹ فارم ایکس پر وضاحت کرتے ہوئے کہا کہ ان کی ٹوپی پہنے ایک ویڈیو دراصل مصنوعی ذہانت (اے آئی) سے تیار کی گئی جعلی ویڈیو ہے، جسے غلط طور پر ان کے ایمان میں تبدیلی کا ثبوت قرار دیا جا رہا ہے۔
یہ بھی پڑھیے: بھارتی شاعر جاوید اختر (ڈمی) کی وی ٹو میں انتہائی دلچسپ گفتگو
جاوید اختر نے اپنے بیان میں کہا کہ ایک جعلی ویڈیو گردش کر رہی ہے جس میں کمپیوٹر سے تیار کی گئی ان کی تصویر کو ٹوپی پہنے دکھایا گیا ہے اور یہ دعویٰ کیا جا رہا ہے کہ وہ خدا کی طرف مائل ہو گئے ہیں، جو خلاف حقیقت بات ہے۔
80 سالہ ادیب نے مزید بتایا کہ وہ اس جعلی ویڈیو بنانے والے کے خلاف سائبر پولیس سے رجوع کرنے پر غور کر رہے ہیں۔ انہوں نے یہ بھی کہا کہ جان بوجھ کر یہ ویڈیو آگے پھیلانے والوں کے خلاف بھی قانونی کارروائی کی جا سکتی ہے کیونکہ وہ جھوٹی معلومات پھیلانے کے ذمہ دار ہیں۔
یہ بھی پڑھیے: 61 سال پہلے ممبئی آکر بے گھر اور بھوکا رہا، جاوید اختر کا اپنے کیرئر کے بارے میں جذباتی پیغام
5 بار نیشنل فلم ایوارڈ حاصل کرنے والے جاوید اختر نے اس قسم کے مواد سے اپنی ساکھ کو پہنچنے والے نقصان پر بھی تشویش کا اظہار کیا۔
واضح رہے کہ یہ تنازع جاوید اختر اور اسلامی اسکالر مفتی شمیل ندوی کے درمیان حالیہ عوامی مناظرے ’کیا خدا موجود ہے؟‘ کے بعد سامنے آیا، جو سوشل میڈیا پر تیزی سے وائرل ہوا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جاوید اختر مناظرہ وائرل ویڈیو.
ذریعہ
ذریعہ: WE News
کلیدی لفظ: جاوید اختر وائرل ویڈیو جاوید اختر نے جعلی ویڈیو
پڑھیں:
لاہور ڈی ایچ اے میں بارش کے بعد پانی بھرگیا، رابی پیرزادہ کا مریم نواز سے شکوہ
پنجاب میں بارشوں کے بعد لاہور کے ڈی ایچ اے میں بھی گھٹنوں گھٹنوں پانی کھڑا ہوگیا۔ رابی پیرزادہ نے بھی اپنے گھر کے قریب کھڑے پانی کی ویڈیو بناتے ہوئے وزیراعلیٰ پنجاب مریم نواز سے شکوہ کر ڈالا۔
رابی پیرزادہ نے اپنے فیس بک پیج پر بارش کے بعد کھڑے ہوئے پانی کی ایک ویڈیو شیئر کی ہے جس کا کیپشن ’’بارش کے بعد لاہور کی صورت حال اور مریم نواز کا ستھرا پنجاب‘‘ دیا ہے۔ اور ویڈیو پر لکھا ہے ’’مریم نواز صاحبہ، دیکھیں لاہور کے ساتھ کیا ہورہا ہے‘‘۔
رابی پیرزادہ نے وزیراعلیٰ پنجاب کو مخاطب کرتے ہوئے کہا ’’مریم نواز صاحبہ! یہ میں اپنے گھر میں کھڑی ہوں، جو کہ لاہور کے مہنگے ترین علاقے میں آتا ہے، یہ ڈی ایچ اے فیز ون ہے۔ میرے آفس ، میرے اسکول کے اندر بہت نقصان ہوا ہے۔ وہ شعیب صاحب جن سے آپ ساری انفارمیشن لیتی ہیں وہ پتا نہیں کس علاقے میں رہتے ہیں۔ ڈی ایچ اے کا حال بہت خراب ہے۔ مجھے نہیں پتا وہ 960 گاڑیاں کہاں کام کررہی ہیں۔‘‘
https://www.facebook.com/RabiPirzadaMusic/videos/%D8%A8%D8%A7%D8%B1%D8%B4-%DA%A9%DB%92-%D8%A8%D8%B9%D8%AF-%D9%84%D8%A7%DB%81%D9%88%D8%B1-%DA%A9%DB%8C-%D8%B5%D9%88%D8%B1%D8%AA-%D8%AD%D8%A7%D9%84-%D8%A7%D9%88%D8%B1-%D9%85%D8%B1%DB%8C%D9%85-%D9%86%D9%88%D8%A7%D8%B2-%DA%A9%D8%A7-%D8%B3%D8%AA%DA%BE%D8%B1%D8%A7-%D9%BE%D9%86%D8%AC%D8%A7%D8%A8lahore-rain-suthrapunj/1344354571218376/رابی پیرزادہ نے بارش کے بعد علاقے کی زبوں حالی کا شکوہ کیا۔ بعد ازاں ویڈیو کے کمنٹس میں لکھا ’’یہ ویڈیو ڈی ایچ اے میں ضرور ریکارڈ ہوئی ہے، مگر بارش کے بعد تقریباً پورے لاہور کا یہی حال ہے۔ اس ویڈیو کا مقصد کسی مخصوص علاقے یا ادارے پر تنقید کرنا نہیں، بلکہ اربابِ اختیار تک عوام کی مشکلات پہنچانا ہے تاکہ بروقت اور مؤثر اقدامات کیے جا سکیں۔‘‘
رابی پیرزادہ کی یہ ویڈیو سوشل میڈیا پر وائرل ہوگئی۔ تاہم کئی صارفین نے کمنٹ کیا کہ شدید بارش کے بعد پانی کا کھڑا ہونا عام بات ہے، جو کہ فوری نہیں نکالا جاسکتا۔ لیکن چند گھنٹوں بعد پانی کی نکاسی کردی گئی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا