پولیس میں سیاسی مداخلت کا خاتمہ کیا جائے، سردار عبدالرحیم
اشاعت کی تاریخ: 2nd, January 2026 GMT
ایک بیان میں سیکرٹری اطلاعات جی ڈی اے نے امید ظاہر کی کہ نئے آئی جی سندھ پولیس فورس کو عوام دوست بنائیں گے اور قانون کی بالادستی کو ہر صورت یقینی بنایا جائے گا، تاکہ سندھ میں امن، ترقی اور خوشحالی کی راہ ہموار ہو سکے۔ اسلام ٹائمز۔ پاکستان مسلم لیگ فنکشنل سندھ کے سیکریٹری جنرل سردار عبدالرحیم نے نئے تعینات ہونے والے آئی جی سندھ پولیس سے امید ظاہر کی ہے کہ وہ کراچی سمیت پورے سندھ میں قیامِ امن کے لیے موثر اور عملی اقدامات کریں گے۔ انہوں نے کہا کہ سندھ اس وقت شدید امن و امان کے مسائل سے دوچار ہے، جس میں منشیات، ڈاکو راج، اغوا برائے تاوان، بھتہ خوری اور پولیس میں سیاسی مداخلت جیسے سنگین چیلنجز شامل ہیں۔ سردار عبدالرحیم نے کہا کہ سندھ بھر میں منشیات کے پھیلانے نوجوان نسل کو تباہی کے دہانے پر پہنچا دیا ہے، اس لیے ضروری ہے کہ پولیس بلا امتیاز کارروائیاں کرتے ہوئے منشیات کے مکمل خاتمے کو یقینی بنائے۔ انہوں نے توقع ظاہر کی کہ نئے آئی جی سندھ اس ناسور کے خلاف زیرو ٹالرنس پالیسی اپنائیں گے۔
انہوں نے کچے کے علاقوں میں قائم ڈاکو راج پر سخت تشویش کا اظہار کرتے ہوئے کہا کہ ڈاکوں کے چنگل میں پھنسے معصوم اور بے گناہ شہریوں کو بحفاظت بازیاب کرانا ریاست اور پولیس کی اولین ذمہ داری ہے۔ سردار عبدالرحیم نے مطالبہ کیا کہ کچے کے علاقے مستقل بنیادوں پر کلیئر کیے جائیں تاکہ عوام سکھ کا سانس لے سکیں۔ اغوا شدہ معصوم بچی پریا کماری کے معاملے پر بات کرتے ہوئے انہوں نے کہا کہ یہ کیس پورے سندھ کے عوام کے لیے باعثِ تشویش ہے۔ انہوں نے نئے آئی جی سندھ سے مطالبہ کیا کہ وہ اس کیس میں ذاتی دلچسپی لے کر جلد از جلد پریا کماری کو بازیاب کرائیں اور ملوث عناصر کو قانون کے کٹہرے میں لائیں۔
سردار عبدالرحیم نے کہا کہ سندھ میں امن و امان کی مجموعی صورتحال کو بہتر بنانے کے لیے پولیس کو مکمل بااختیار بنانا ناگزیر ہے۔ انہوں نے زور دیا کہ پولیس میں سیاسی مداخلت کا خاتمہ کیا جائے تاکہ ادارہ آزادانہ اور پیشہ ورانہ انداز میں اپنی ذمہ داریاں نبھا سکے۔ انہوں نے مزید کہا کہ سندھ بھر میں بھتہ مافیا نے تاجروں اور کاروباری طبقے کو خوفزدہ کر رکھا ہے، جس کے باعث کاروباری سرگرمیاں متاثر ہو رہی ہیں، پولیس کو چاہیئے کہ وہ تاجروں کو مکمل تحفظ فراہم کرے تاکہ وہ بغیر کسی خوف کے کاروبار کر سکیں اور صوبے کی معیشت مستحکم ہو۔ سردار عبدالرحیم نے کہا کہ پولیس کا اصل کردار عوام کی خدمت اور ان کے جان و مال کے تحفظ کو یقینی بنانا ہے۔
ذریعہ
ذریعہ: Islam Times
کلیدی لفظ: سردار عبدالرحیم نے کہا کہ سندھ نے کہا کہ انہوں نے
پڑھیں:
سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، شرجیل میمن
فائل فوٹو
وزیر اطلاعات سندھ شرجیل میمن کا کہنا ہے کہ سندھ کابینہ نے صوبے کے سرکاری ملازمین کے کنوینس الاؤنس میں اضافہ کر دیا ہے، گریڈ ایک سے 16 تک ملازمین کا سفری الاؤنس بڑھا دیا گیا ہے۔
سندھ کابینہ اجلاس کے بعد پریس کانفرنس کرتے ہوئے شرجیل میمن نے کہا کہ سندھ کابینہ کے اجلاس میں اہم فیصلے کیے گئے ہیں، گورنر ہاؤس اور وزیراعلیٰ ہاؤس اسٹاف کی ہیلتھ انشورنس میں چھ ماہ کی توسیع کی ہے، معیشت، سرمایہ کاری، مالیات، آبی وسائل سے متعلق مختلف ٹاسک فورسز تشکیل دی ہیں، موسمیاتی تبدیلی اور آرٹیفیشل انٹیلیجنس سے متعلق مختلف ٹاسک فورسز تشکیل دی ہیں۔
شرجیل میمن نے کہا کہ سندھ کابینہ نے گٹکا اور مین پوری کے خلاف سخت کریک ڈاؤن کی منظوری دی ہے، گٹکا ماوا کیخلاف کارروائی نارکوٹکس کنٹرول کا محکمہ کرے گا، قانون سازی کر رہے ہیں۔
شرجیل میمن نے کہا کہ ملازمین عملی کام کے بجائے یونٹ، سیکٹر دفاتر میں بیٹھے رہتے تھے، صحافی ولی خان بابر نے ایسے معاملات کی رپورٹنگ کی تھی بعد میں انھیں قتل کر دیا گیا۔
صوبائی وزیر نے کہا کہ ہم چاہتے ہیں کہ زراعت کے شعبے کو نقصان نہ ہو، قانون میں گندم کی ترسیل روکنے کی ممانعت ہے، پنجاب نے گندم کی ترسیل روکی ہوئی ہے، پنجاب نے گندم کی ترسیل کیلئے بارڈر سیل کیے ہیں، ہم مذمت کرتے ہیں، گندم کی فصل بہت اچھی ہوئی، سندھ میں کچھ لوگوں نے گندم کی ذخیرہ اندوزی کر رکھی ہے۔
شرجیل میمن نے کہا کہ سندھ حکومت پانچ لاکھ میٹرک ٹن گندم امپورٹ کرے گی، پاسکو سے بھی گندم خریدی جائے گی، ان اقدامات سے گندم ذخیرہ کرنے والوں کو بہت نقصان ہوگا، ناردرن بائی پاس پر 4 سو ایکڑ پر ٹرک اسٹینڈ بنانے جارہے ہیں۔
شرجیل میمن نے کہا کہ افسوس کی بات ہےان دونوں رہنماؤں نے آئین اور قانون کا سنجیدہ مطالعہ نہیں کیا، مطالعہ کرتے تو اس نوعیت کے غیر ذمہ دارانہ بیانات دینے سے گریز کرتے۔
صوبائی وزیر نے مزید کہا کہ مون سون کے موقع پر تمام اداروں کو الرٹ جاری کر دیا گیا ہے، کے پی کے اور پنجاب میں بارشوں سے اموات ہوئی ہیں، حیرت کی بات ہے ہمارے میڈیا نے پر اس پر خاموشی رکھی ہوئی ہے۔
انہوں نے مزید کہا کر بارش سے پنجاب کے دیہی اور شہری علاقوں کے حالات خراب ہیں، ملک بھر میں بارشوں سے بہت تباہی ہوئی ہے، پنجاب میں بارشوں سے 17 افراد جاں بحق ہوئے، خیبر پختونخوا میں بارشوں سے 20 افراد جان کی بازی ہار گئے ہیں۔
شرجیل میمن نے کہا کہ کشمیر میں انتخابات چل رہے ہیں، کشمیر انتخابات میں مسلم لیگ ن ضابطہ اخلاق کی خلاف ورزی کررہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار