ثاقب فیاض مگوں کی جاوید عالم اوڈھو کومبارکباد
اشاعت کی تاریخ: 3rd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر) فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے سینئر نائب صدر ثاقب فیاض مگوں نے جاوید عالم اوڈھو کوانسپکٹر جنرل سندھ پولیس کی ذمہ داری سنبھالنے پر مبارکباد پیش کرتے ہوئے کہا ہے کہ جاوید عالم اوڈھو اپنی پیشہ ورانہ صلاحیتوں اور تجربے کو بروئے کار لاکر صوبے میں امن و امان قائم کرنے میں اہم کردار ادا کریں گے۔ انہوں نے کہا کہ سندھ پولیس کو عوام بالخصوص تاجر برادری کو تحفظ فراہم کرنے سمیت کئی چیلنجز کا سامنا ہے۔معاشی سرگرمیاں بلا خوف وخطر جاری رکھنے کے لیے پُرامن ماحول ضروری ہے۔انہوں نے جاوید عالم اوڈھو کی ماضی کی کارکردگی کو بھی سراہا اور بطور کراچی پولیس چیف گراں قدر خدمات کو سامنے رکھتے ہوئے امید ظاہر کی کہ بطور آئی جی سندھ وہ تاجر برادری کے ساتھ قریبی روابط قائم کریں گے اور ان کے مسائل کے حل کے لیے ترجیحی بنیادوں پر اقدامات کریں گے۔ ثاقب فیاض مگوں نے کہا کہ جاوید عالم اوڈھو کی قیادت میں سندھ پولیس نہ صرف جرائم کے خلاف مؤثر کارروائی عمل میں لائے گی بلکہ عوامی خدمت کے ادارے کے طور پر اپنی ساکھ کو بھی بہتر بنائے گی۔انہوں نے نئے آئی جی سندھ جاوید عالم اوڈھو کے لیے نیک تمناؤں کا اظہار کیا اور تاجر برادری کی جانب سے ہرممکن تعاون بھی پیش کیا۔
ذریعہ
ذریعہ: Jasarat News
کلیدی لفظ: جاوید عالم اوڈھو
پڑھیں:
پولیس بہترین کارکردگی کے ذریعے اپنے تاثرکو بہتر بناسکتی ہے: وزیراعلیٰ سندھ
وزیراعلیٰ سندھ مراد علی شاہ کا کہنا ہے کہ عوام کا تحفظ، انصاف کی فراہمی اور قانون شکن عناصر کو عدالتوں کے کٹہرے میں لانا پولیس فورس کی بنیادی ذمہ داری ہے۔
سعید آباد پولیس ٹریننگ سینٹر میں 132ویں پاسنگ آؤٹ پریڈ کی تقریب سے خطاب کرتے وزیراعلیٰ سندھ کا کہنا تھا آج 300 سے زائد خواتین اپنی ٹریننگ مکمل کررہی ہیں، مجھےخواتین کی کامیابی پر بہت خوشی ہوئی کہ ایک تازہ دم دستہ عوام کی خدمت کےلیے تیار ہے، شہریوں کو پر امن زندگی دینے کی ذمےداری اب آپ پر عائد ہوتی ہے۔مراد علی شاہ کا کہنا تھا کہ ملک دہشتگردی جیسے مسائل سے دوچار ہے، ہمارے جوانوں نے بہت قربانیاں دیں ہیں، کچے کے علاقے کچھ عرصے پہلے تک بحران سے دوچار تھے، یقین دہانی کرواتا ہوں کہ ان شہداء کا خون رائیگاں نہیں جائےگا، پولیس کی کارکردگی کو مزید بہتر بنانا سندھ حکومت کی اولین ترجیح ہے۔انہوں نے مزید کہا کہ پولیس کی فلاح و بہبود ہمیشہ سے میری اولین ترجیح رہی ہے، مستقبل میں بھی پولیس کے تمام مسائل کو بہتر اور ترجیحی انداز میں حل کیا جائے گا، پاس آؤٹ ہونے والے جوان فیلڈ میں جا کر سندھ پولیس کا نام مزید روشن کریں گے۔مراد علی شاہ نے یہ بھی کہا کہ پولیس اپنی بہترین کارکردگی کے ذریعے ہی اپنے امیج (تاثر) کو بہتر بنا سکتی ہے، عوام کا تحفظ، انصاف کی فراہمی اور قانون شکن عناصر کو عدالتوں کے کٹہرے میں لانا پولیس فورس کی بنیادی ذمہ داری ہے، سندھ حکومت پولیس فورس کو جدید خطوط پر استوار کرنے کے لیے پرعزم ہے۔اس موقع پر آئی جی سندھ جاوید عالم اوڈھو نے تقریب سے خطاب کرتے ہوئے کہا کہ پولیس فورس کی بنیاد معیاری افرادی قوت اور انسانی وسائل پر ہوتی ہے، عوام کا تحفظ، انصاف کی فراہمی اور خلوصِ دل سے خدمت پولیس کا مقصد ہے، پولیس کی وردی جوانوں کے لیے اعزاز بھی ہے اور ایک بڑا امتحان بھی۔آئی جی سندھ کا کہنا تھا کہ صوبے کے عوام اور حکومت کی نظریں پولیس فورس پر مرکوز ہیں، کراچی میں اسٹریٹ کرائم کے خاتمے اور کچے میں ڈاکوؤں کا صفایا بڑا چیلنج ہے۔انہوں نے کہا کہ وزیراعلیٰ سندھ کی جانب سے ڈائٹ چارجز بڑھانےکی منظوری محکمہ فنانس میں زیر التوا ہے، ہمارا مطالبہ ہے کہ گریڈ ایک سے گریڈ 16 کے ٹرینرز کا الاؤنس 3 ہزار سے بڑھا کر 30 ہزار روپے کیا جائے اور گریڈ 17 سے 21 کے افسران کا ٹریننگ الاؤنس 5 ہزار سے بڑھا کر 50 ہزار روپے کیا جائے، رزاق آباد، سکرنڈ اور حیدرآباد کے مراکز کو پولیس ٹریننگ اسکول کا درجہ دیا جائے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم