چوہے 200 کلو چرس کھا گئے؛ ثبوت ختم ہونے پر منشیات اسمگلنگ کا ملزم رہا
اشاعت کی تاریخ: 3rd, January 2026 GMT
data-id="863a0a8" data-element_type="widget" data-widget_type="theme-post-content.default">
بھارت میں منشیات اسمگلنگ کے ایک مقدمے نے اس وقت دلچسپ اور حیران کن موڑ اختیار کر لیا جب عدالت کو بتایا گیا کہ ضبط کی گئی بھاری مقدار میں چرس گودام میں چوہے کھا گئے، جس کے بعد مرکزی ملزم کو رہا کر دیا گیا۔
اس غیر معمولی واقعے نے نہ صرف پولیس کے شواہد محفوظ رکھنے کے نظام پر سنگین سوالات کھڑے کر دیے ہیں بلکہ بھارتی عدالتی نظام میں تفتیشی معیار پر بھی بحث چھیڑ دی ہے۔
بھارتی میڈیا رپورٹس کے مطابق یہ مقدمہ ریاست جھارکھنڈ میں درج کیا گیا تھا، جہاں پولیس نے 2022 میں قومی شاہراہ پر ایک گاڑی کو روک کر اس میں چھپائی گئی بڑی مقدار میں چرس برآمد کرنے کا دعویٰ کیا تھا۔
پولیس کے مطابق ضبط کی گئی چرس کا وزن تقریباً 200 کلو گرام تھا، جس کی مالیت کروڑوں روپے بتائی گئی تھی، تاہم جب کیس عدالت میں پیش ہوا تو شواہد کی عدم موجودگی نے پورے مقدمے کو کمزور کر دیا۔
عدالتی سماعت کے دوران پولیس افسران نے موقف اختیار کیا کہ ضبط شدہ چرس کو گودام میں رکھا گیا تھا، جہاں مبینہ طور پر چوہوں نے اسے کھا لیا، جس کے باعث منشیات کو بطور ثبوت پیش کرنا ممکن نہیں رہا۔ عدالت نے اس وضاحت کو ناقابلِ قبول قرار دیتے ہوئے کہا کہ اس طرح کے بیانات تفتیشی عمل اور پولیس کی نیت پر شدید شکوک پیدا کرتے ہیں۔
جج نے اپنے ریمارکس میں کہا کہ اگر اتنی بڑی مقدار میں ضبط شدہ منشیات کو محفوظ رکھنے میں ناکامی ہوئی ہے تو اس کی ذمہ داری متعلقہ اداروں پر عائد ہوتی ہے۔ عدالت نے واضح کیا کہ شواہد کے بغیر کسی ملزم کو سزا دینا قانون اور انصاف کے اصولوں کے منافی ہے، جس کے باعث مرکزی ملزم کو بری کیا جا رہا ہے۔
اس فیصلے کے بعد بھارتی پولیس کو شدید تنقید کا سامنا ہے جب کہ قانونی ماہرین کا کہنا ہے کہ اس کیس نے منشیات کے خلاف جاری مہم اور قانون نافذ کرنے والے اداروں کی ساکھ کو نقصان پہنچایا ہے۔
.
ذریعہ
ذریعہ: Jasarat News
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار